a b c d e f g h i j k l m n o p q r s t u v w x y z 0 1 2 3 4 5 6 7 8 9 #

rami gb - shaglaba / شقلبة كلمات الأغنية

[المقطع الأول]
انا الموت, سابقاً
بضع من الحياة حالياً
العدم لاحقاً
جامعهم كلهم قسرياً
الوقت عندي غير خطي
المستقبل جنبي
لو وقعت بلومش حظي
برجع اوقف
اسرع من المتزلج الفضي
عنفسي متفوق
بسماي انا النجم الوحيد المتألق
حملي ثقيل لو زتيتو عجبل بفتق
بس ساكت ومكمل مركز
عندي الإيجو أميجو
كل ما ادعس عليه بضوي
الوسخ فيكو بنيكو
ما تخلونيش اقلبها عتمة
لساتني حيوان, بس بطلت منوي
بتعاطى الصبر اكثر من جمال بدوي
تعاطيت الفقر مثل مضاد حيوي
ممتد بخطر مثل وعاء دموي
سرحان اكثر من ياقوت حموي
إنولدت في بلد الكل زتها فريش
ولو سافرت عشان اعيش
بقولو عني اناني
يا زلمة

[اللازمة] (x4)
هاض زمن الشقلبة فش حدا في بفيد حدا
هاض زمن الشقلبة فش حدا في بحب حدا

[المقطع الثاني]
كمان عصفور بدهم إياك تطلع عليه
عشان يسرقوا اللقمة من بين إيديك
الإسطبل مربوط إركب عليه
لإنو الحصون عم تلعب باليه
امال إيه إحنا بزمن الأمبليه
ترمب لانستر ربح العرش و الجيم
ابو الهول لابس روب عامل بوز
بتصور لغلاف ماري كلير
بعد ما عرف إنو تمثال الحرية
كان المفروض هدية لقناة السويس
سيبك
هاض زمان الشقلبة
سيب العالم يحكم عليك من منظرك
بعتقدش تستمتع إذا بفتحك
إلا إذا هون تكمن متعتك
قبل ما تسمعني, إسمعك
إذا افكاري موج عالي
أحفر لحالك مسبحك
إذا مصغرك زبالة
خليه محرقة لمكبرك
بعرف إنو هالمسار خربطك
بوعدك تفهم كل شي
وقت ما يبطل اي شي يعجبك
عاصفة
المسار هس لإلك
هَيتَ لك

[اللازمة] (x4)
هاض زمن الشقلبة فش حدا في بفيد حدا
هاض زمن الشقلبة فش حدا في بحب حدا

- rami gb

كلمات أغنية عشوائية

كلمات الأغاني الشهيرة