![kalimah.top](https://kalimah.top/extra/logo.png)
qawa3id ishtibak - kalimat / كلمات lyrics
[عينة]
“لا شيء معي
لا شيء معي إلا
كلمات… كلمات”
[الدخلة]
كون قد كلمتك ما تكسرها
بلسانك صون جملتك ما تحرقها
[المقطع الأول : كووس]
اذا عم جاريك بالحديث مش يعني موافق ع الكلام
ما كل ما هز براسي بكون ع كلامك راضيان
بدك تاخد مني الصراحة علّي صوت السماعة
كلماتي مش مفبركة مثل مرض نقص المناعة
هون يللي بقلبي ع لساني و مطفي الفلتر
كلماتي مدروزة طالعة من ماكينة سنجر
احرفها ملغومة بتلف حولك وبتعصر
ما بتشوف حجم الضرر الّا بعد ما العاصفة تحصر
كلماتي متقاطعة مع الاجيال السابقة
يللي كانو يحذرو ولادهم من ايام فارغة
بالمستقبل و المستقبل شرّف بعباية وصندل
بقرار اتاخذ بمكتب مطل ع الصحرا
كلماتي عتيقة مراكم عليها الغبار
ودينتك خرفانة ما داير لها شو صار
كلماتي كنز مدفون بأعماق البحار
كل ما تعتق بتجود يللي بيسمعها اغتنى بالأفكار
على شوفة الحال حاسس حالي مختلف الوحيد الصاير بفهم
من ضعف شخصيتك بشحن الثقة بالحال
وبطلق كلماتي خلّي الأجنبي يفهم
كلماتي بتكهرب مثل الضربة ع الكوع
وبتفتح الدنية مثل بس تستلم الطلوع
بصف كلماتي ع البار كأني عم لقّم الكلش
وبوجه نيشاني ع المايك و بترك الباقي ع انس
[اللازمة]
كون قد كلمتك ما تكسرها
بلسانك صون جملتك ما تحرقها
[المقطع الثاني : انس عربي]
لاقيني حرف ببحر ملوث من الكلمة
تغطيت بين السطور
بس ما نام لادرس بنية الجملة
غني بالحرف
و فقير لني لسى عبد للمهنة
بيعك حكي لاشتري راسي
ليكني شغال بالعملة
كلمتي سترتي
فببني منا بيوت
شهدت نشوة القلم
عالورقة لني كنت الديوس
هالدنية مستشفى
قد ما بضلني محقون
علاجي الطبيعي اكيوبنكتشر
كل كلمة دبوس
بخلي الكلمة المواربة تمشي بخطي
كلامي سلاح بمشي بوقحنة
بس يكون عخصري
اخدت عيون طه و خجل نزار
لشوف الحروف تُضاجع ورا الستار
مرسومة ابيكار
كلمتي صورة بتتبروز بايطار
الحجرة الي رفضت تنضم للجدار
الكلمة غميئة ببئرها
عالوزن، غنيمة بتقلها
الكلمة بتجيب اخرتنا
المتنبي عبرة
الكلمة استخرتنا فجهلنا قيمتنا بهالدنية
لان جميعنا اموات للارض سماد متل الخرية
بس الجهل كبر راس صاحبوا هون السخرية
(شو هدنية)
جاوب عسؤال بلاغي مفكرو احجية
الكلمة مؤذية بتفجك
الكلمة ذخيرة رصاص لساني مشبك
عاني من كل هم كل ما بتقرا حتى تخرف
اناملي عكل حرف حط كلامي تحت المجهر
[اللازمة]
كون قد كلمتك ما تكسرها
بلسانك صون جملتك ما تحرقها
[المقطع الثالث : أد عباس]
بلا كلماتي دفاتري صفحات بيضا
سطور عطشانة حروف عليها الفراغ مسيطر
لحالها الفكرة مخيفة لموسيقتي مهينة
لروتيني مصيبة بوقت ضياع بتبليني
موهبتي بكلمتي ابتدات لصفّت مهنتي
ثقلت بالمحتوى استوت فصفّت مذهنة
دسمة ع السمع فللبعض صفّت مشكلة
مشرفة ع الوضع فاضحة للكذبة كلمتي
دايما بخدمة الحق بس تكون بخدمتي
بلعب بالكلام مش بالمعنى هي ختمتي
بضل متفائل هون خبرتي لو من شرفتي
الطقس ممطر بدفتري بتضل مشمسة
هوديني الشرق حدود مش حاطت لقدرتي
بسكر ع كلامي تما خاطر بكلوتي
ع وراقي بصفّي الجمجمة من اغلاطي
بخلق دروس بتنعطى بصفوف هيك بخاطب اخوتي
وبعطي من قلبي و منّي ناطر اجرتي
إجري بكل شي من دعم الاصحاب مكتفي
ما بحب الأضواء منها بخاف وبستحي
فما تشوفني كنجم تما إكمش اغراضي واختفي
بس فيك تطّلع بالسما بدلّك ع نجمتي
أو فيك تقرا ع الأرض شو صرت حافر بتربتي
من أحرف لكلمات و ما تحمل من تحيات
إن شاء الله يكون هل مقطع نال الإعجاب
كلمات أغنية عشوائية
- curren y - frosty lyrics
- curren y - razors & chopsticks lyrics
- curren y - not so much lyrics
- curren y - bout it 2011 lyrics
- curren y - the strangest life lyrics
- curren y - leaving the dock lyrics
- curren y - woh lyrics
- curren y - biscayne bay lyrics
- curren y - mirrors lyrics
- curren y - sixty-seven turbo jet lyrics