a b c d e f g h i j k l m n o p q r s t u v w x y z 0 1 2 3 4 5 6 7 8 9 #

psyco m - lucifer كلمات الأغنية

غمض عينيك قولي شنوا تشوف
المادة هي البصر ونتا تعيش مكفوف
من شيء معاد تخاف انت بيدك خوف
حتى لقبر حال اديه يستنا فيك ملهوف
الوقت يجري والموت تهزك في خطفة
عقارب المنقالة تدور تستنى فيك باش تطفى
لرياح نفخت عالشعلة والشمعة بدات تذوب
تلقى حياتك بسطر حزين على قبرك مكتوب
تصاور alb-m تلقى روحك تنسيت تولي ف
بدموع تماسح بكات ريوس لي كانت عليك تطاول
مسلسل في تابوت تحب تخرج وتصيح وتحاول
بفعالك قبرك بنيتو عمرك لاتلوم المقاول
وحدك فجبانة حتى اقرب عبد ليك باعد
غاديك لايفيدك صياحك لايفيدك فراعك
تفهم القوة فالروح القوة ماهيش في دراعك
وانت كل عبد تعدى على تاريخ الموت تاعك
كل عام تتعدى على عباد تتعدى على وجوه
لي فقلبك على لسانك عايش بيناتهم مكروه
برشا عباد دايرين بيك وحاسس روحك وحدك
تضحكلك وملور تحفرلك فقبرك تحتك
لكان فهمت العبة بصحتك كان مفهمتش ضيع
سومك يرخص ولعباد تولي تشري فيك وتبيع
تكعد دابة في عقطيع ومعندكش الكرون
نهارات لي تحب تهرب الراعي يفرق فيك مكرون
قولي من تكون كي تولي بدن بلا روح
كي دمك يسيل من عروقك نتا تحارب مجروح
وحدك ضد الكلو الكل تستنالك في طيوح
في حرب بلا قوانين كل شيء فيها مسموح
الغدرة وتلحيس والطحين والكدب فيها جائز
حارب فيها الفائز والموتى في الجنائز
تبكي عليها المساجد وتحزن فيها الكنائس
حرب باسم الحياة لي عايش فيها يائس
الصدق فيها يخسر والكذب يجيب النصر
مهما تكون كاسح كي تحب تعيش راجل تتكسر
تتعدي حياتك تتحسر على طبيعتك لي متوصل
وانت تتفرج في العصافر لي تاكل فالنسر
تحب تفهم تفسر حاجات متتفسرش
الشمعة لي مضويش ولا الصمت لي يطرش
ولا لبحر لي هاج ولموجة لي غرقة القرش
مفاش يحميك في الدنيا يحليك متضرش
كي تجيب الضربة من اقرب عبد ليك متمنعش
لي ﻟﻀﺤﻚ في الدنيا مايجيش غدوة يبكي عليك فنعش
شكون ساعاتها يشفعلك وانت كنت ماتركعش
تتمنى ترجع الوقت والوقت ميرجعش
تتمنى ترجع لدنيا وتعيش كيما الملاك
vodka sec وانت لوجيعة تتجرعها كيما ال
تلقى روحك شيطان وتعبت من التخمام لي بلاك
كي المروج لي طاح ويحب يتعبأ استهلاك
برشا شيخة باحذاك ولي متفكرو ناسيك
الوقت لي طحت خلاك عمرو لبقلبو يواسيك
قلبو مش كي قلبك انت خاسر حربك
حبيت اشرب الكاس باش تنسى لقيت الكاس لي شربك
حبي تعرف لي الضربك لقيتها كلها متلفة
خاطرها كلها وجوه المنورة اما لقلوب محرفة
علقت كيما ديكور لي بالكدب مغلفة
كلها تعيش بعقلية المردودة متسلفة
عمرك لاتلوم المجتمع او تقول عباد متخلفة
متلومش القطيع لدولة تسربيلو فالعلفة
لعيطلو ياكل معاك فالصحن سرقلك لمغرفة
كلها كيما الشيوخا لي تصلي بآيات محرفة
داك علاش لعباد باعت الدنيا بلاخرة
لي جون بلعها لبحر والمسؤول يسكر فالباخرة
عباد نسات لقبر وتجري ورا للقصور لفاخرة
كلها على اعناق في صندوق لجبانة داخلة
حتى الدولة باخلة باش تعطيك حقوق
كي سلعة لي تتباع فسوق matricule ولات عندك
قريب تخلص عالهوى وانت تعيط مخنوق
ونهار تلات حابة طحن الدولة تشريلك بوق
وقتها وين تطلع الفوق تجنح فوق البير
وتنسى من بالك بلي حتى دبان يطير
مهما طرت عمرك لتكسب جوانح الحرير
خاطر الطحينك رضعتو في لحليب وانت صغير
رضعتو من صدر لعداك بداء الكلب الذل صنم
وانت طوف كي ابو لهب
ﺗﻠﺤﺲ ﺑﻠﺴﺎﻧﻚ ﻛﻴﻤﺎ ﻛﻠﺐ ﻟﻲ ﺒﻌﺒﻮﺻﻮ ﻟﻌﺐ
تعيش ب200 وجه فماشي ماوجه يتحب
فماش متلقى بلاصة طحن بينا الركاسة
في جندي لي شاد السلاح ومافيهوش الرصاصة
شكاير نفاق على ظهرك وانت طالع فصعدة
و انت أرخص ماك الردة اللي ترجعو المعدة
ﺑﺎﺵ ﺗﻔﻬﻢ ﻣﺎ ﺑﻌﺪ ﻻﺯﻡ ﺗﻔﻬﻢ ﻣﺎ ﻗﺒﻞ
ﺗﻮ ﺗﻀﺤﻚ ﻋﻠﻰ ﻋﻨﺘﺮ ﻟﻤﻮﺷﻢ ﻓﻲ ﺻﺪﺭﻭ ﻋﺒﻠﺔ
ﻣﻊ ﺻﺎﺣﺒﻬﺎ ﻋﻔﻴﻔﺔ ﺍﻣﺎ ﻣﻊ ﻟﻘﺒﻠﻮ ﺧﺒﺮﺓ
معاه شريفة ﺍﻣﺎ ﺑﺎﻳﺘﺔ ﻓﻲ ﻓﺮﺵ ﻏﻴﺮﻭ ﺣﺒﻠﺔ
الغدرة فالسيروم تزرق فعروقهم بالابرة
ﻗﺪﺍﺵ ﺧﺬﻳﺖ ﻛﻔﻮﻑ ﻓﻲ ﺣﻴﺎﺗﻚ ﻭ ﻣﺎ ﺧﺬﻳﺘﺶ ﻋﺒﺮﺓ
ﻋﺒﺎﺩ ﻋﺎﻳﺸﺔ ﻣﺘﻔﻜﺮﺓ ﻛﻞ ﺷﻲ ﺍﻣﺎ ﻧﺴﺎﺕ ﺍﻟﻘﺒﻠﺔ
ﺻﻌﻴﺒﺔ ﻭﻗﺖ ﺗﻜﻮﻥ ﺫﻫﺐ ﻭ ﻋﺎﻳﺶ ﻭﺳﻂ ﺍﻟﺰﺑﻠﺔ
ﺟﺎﻣﺪ ﻛﻲ ﺗﻤﺜﺎﻝ ﻭ ﻛﻞ ﺗﻤﺜﺎﻝ ﻭ ﻧﺤﺘﻮ
ﻣﺎ ﻳﻨﺤﺖ ﺍﻟﻮﺟﻴﻌﺔ ﻟﻴﻚ ﻛﺎﻥ ﺍﻟﻌﺒﺪ ﻟﻔﺮﺣﺘﻮ
ﻛﻞ ﻭﺍﺣﺪ ﺷﻴﻄﺎﻧﻮ ﺗﺤﺘﻮ
ﻛﻞ ﻭﺍﺣﺪ ﻭ ﻣﺼﻠﺤﺘﻮ
ﻭ ﺍﻧﺘﻲ ﻓﻲ ﺑﻴﺖ ﺿﻼﻡ
ﺗﻤﺜﺎﻝ ﺷﺎﻣﺦ ﻭﺍﻗﻒ ﻭﺣﺪﻭ
ﺗﺘﻔﺮج ﻋﺎﻻﻓﻼﻡ ﻭ ﺗﻀﺤﻚ ﻋﺎﻟﺘﻤﺜﻴﻞ
ﻭ ﺣﺮﻭﻑ ﺟﻨﻴﺮﻳﻚ ﻟﺒﺪﺍﺕ ﺗﺘﻌﻮﺝ ﻭ ﺗﻤﻴﻞ
ﺩﻳﻤﺎ ﻧﻔﺲ ﻟﻘﻄﺎﺕ ﻭ ﻧﻔﺲ ﺍﻟﺤﻮﺍﺭ
ﻟﺪﻭﺭﻭ ﺍﻟﻄﺤﺎﻥ ﺍﻻﻛﺒﺮ ﻟﻴﺎﺧﺬ ﺍﻻﻭﺳﻜﺎﺭ
ﺗﻌﺒﺖ ﻣﻦ ﺍﻻﻓﻼﻡ ﻛﻞ ﻣﺮﺓ ﻧﻔﺲ ﺍﻟﻨﺺ
ﻛﻞ ﻣﺮﺓ ﻧﻔﺲ ﺍﻟﺴﺎﻥ ﻟﻲ ﻓﻲ ﺍﻟﻤﻮﻧﺘﺎﺝ ﺗﺘﻘﺺ
ﺩﻭﺭ ﺍﻟﺒﻄﻮﻟﺔ ﺗﺎﺧﺬﻭ — ﻟﺘﺮﺿﻰ ﺗﺘﻤﺲ
ﻭ ﺍﻟﺠﻤﻬﻮﺭ ﻳﺘﻔﺮﺝ ﻋﻴﻨﻮ ﺧﺎﺭﺟﺔ ﺗﺴﺪ ﻋﻠﻴﻪ ﺍﻟﻨﻔﺲ
ﻭ ﻣﺒﺎﻋﺪ ﻳﺠﻴﻚ ﻳﺘﺴﻮﻝ ﻋﺎﻃﻲ ﻟﺬﻝ ﻛﺎﺭﻭ
ﻳﻄﻠﺐ ﻳﺘﻠﺒﺪ ﻛﻲ ﺑﻄﺮﻭﻧﺔ ﻟﺘڨﺤﻒ ﺳﻴڨﺎﺭﻭ
ﺍﻣﺎ ﺑﺎﻋﺪ ﺍﻟﻜﻞ ﺩﺍﺭﻭ ﺑﺎﻋﻮ ﻛﻲ ﺳﻮﻡ ﺭﺧﺺ
ﺍﻛﺒﺮ ﻏﻠﻄﺔ ﻓﻲ ﺩﻧﻴﺎ ﻗﻠﺒﻚ ﻟﻜﺎﻥ ﻳﺤﺲ
ﺍﻟﺪﻧﻴﺎ ﻫﺎﺫﻱ ﺣﺮﺏ ﻭ ﻧﺎﺱ ﻛﻲ ﺍﻟﺪﻭﻝ
ﻓﻤﺎ ﻟﻌﻨﺪﻭ ﺳﻼﺡ ﻗﻮﻱ ﻫﺬﺍﻛﺎ ﻟﻴﺤﺘﻞ
ﻓﻤﺎ ﻟﻴﺮﻣﻲ ﺳﻼﺣﻮ ﺧﺎﻳﻒ ﻟﻴﻦ ﺳﺮﻭﺍﻟﻮ ﺗﺒﻞ
ﺍﻻﺣﺘﻼﻝ ﻛﺎﻥ ﺟﺎﺀ ﻛﻠﺐ ﻳﺮﺿﻰ ﺭﻭﺣﻮ ڨﻤﻞ
ﻣﻌﺎﺵ ﻓﻤﺎ ﺣﻞ ﺍﻟﺸﻌﺐ ﻃﺒﺲ ﻟﻠﻤﻔﺘﻮﻝ
ﻣﺎ ﻏﻴﺮ ﻣﺎ ﺗﺠﺮﻱ ﻓﻲ ﺑﻼﺩ ﻃﺤﻴﻦ ﻳﺠﻴﺒﻚ ﺍﻻﻭﻝ
ﺣﺎﻭﻟﺖ ﻧﻌﻴﺶ ﺑﻴﻦ ﺍﻟﻤﻮﺗﻰ ﺟﺜﺚ ﺑﻼ ﻋﻘﻮﻝ
ﺍﻟﻌﺒﺎﺩ ﺗﺤﺒﻚ ﺗﻮﻛﻞ ﻭ ﺣﺪ ﻣﺎ ﻳﻘﻠﻚ ﻛﻮﻝ
ﺣﺎﻭﻟﺖ ﻧﻜﻮﻥ ﺍﻭﻧﺞ ﻓﻴﺒﺎﻟﻲ ﻧﻌﻴﺶ ﻣﺮﺗﺎﺡ
ﻧﻬﺎﺭ ﻟﻲ ﺣﺒﻴﺖ ﻧﻄﻴﺮ ﺑﻐﺪﺭﺓ ﻗﺼﻮﻟﻲ ﺟﻨﺎﺡ
ﻃﺤﺖ ﻓﻲ ﺍﻻﺭﺽ ﺑﻘﻴﺖ ﻧﻌﻴﺶ ﺍﺳﻔﻞ ﺍﻟﺴﺎﻓﻠﻴﻦ
ﻣﺸﻜﻞ ﺑﻘﻴﺖ فايق ﻋﺎﻳﺶ ﺑﻴﻦ ﻏﺎﻓﻠﻴﻦ
ﻣﻦ ﺑﺮﺍ ﺗﺸﻮﻓﻬﻢ ﺻﺎﻓﻴﻦ ﻣﻦ ﺩﺍﺧﻞ ﺳﻮﺍﺩ
ﺑﺎﺵ ﻳﺒﺎﻧﻮ ﻋﺒﺎﺩ des masques ﺷﻮﺍﻃﻦ ﻭ ﻻﺑﺴﻴﻦ
ﻛﻠﻬﺎ ﺗﺴﺘﻨﺎ ﻓﻴﻚ ﺷﺘﻄﻴﺢ ﻗﺪﺍﻡ ﺍﻟﺠﻼﺩ
ﻗﺎﻋﺪﻳﻦ ﻧﻌﻴﺸﻮ ﻓﻲ ﺟﺤﻴﻢ ﻋﻠﻰ ﺻﻮﺭﺓ ﺑﻼﺩ
l’enferﻓﻤﺎ ﻗﺎﻧﻮﻥ ﻭﺍﺣﺪ ﻟﻴﻤﺸﻲ ﻓﻲ
lucifer ﻳﺎ ﻳﺤﻜﻤﻮﻙ ﻳﺎ ﺗﺤﻜﻤﻬﻢ ﻛﻴﻤﺎ
bras de fer قصلهم اديهم متلعبش ﻣﻌﺎﻫﻢ
mammifère ﺧﺎﻃﺮ ﺍﻟﺒﺸﺮ ﺍﺳﻘﻂ ﻛﺎﺋﻦ ﻓﻲ
جا الوقت باش تتكبر وكيفهم تطغى بأفعالك
تتلبد طيح ﺍﻟﺒﺤﺚ ﻭ ﻣﺎ ﺗﻌﻄﻴﺶ ﺍﺳﺮﺍﺭﻙ
ﺧﻠﻲ ڨﻠﺒﻚ ﻛﻠﻮ ﺷﺮ ﺗﻮ ﻳﻌﻄﻴﻮﻙ ﻛﺎﺭﻙ
ﻛﻞ ﻣﺎ ﻗﻠﺒﻚ ﻳﺠﻲ ﻳﺤﻦ ﺗﻔﻜﺮ ﺑﻠﻲ ﻫﻮﻣﺎ ﻣﺎﺭﻙ
ﺧﻠﻲ ﺍﻟﻌﺪﻭ ﻳﻌﺎﺭﻙ ﻭ ﺍﻧﺘﻲ ﻣﺒﺘﺴﻢ
ﺧﻠﻲ ﺭﻭﺣﻚ ﻛﻴﻤﺎ ﻃﺎﻋﻮﻥ ﻟﺤﺪ ﻣﻨﻮ ﻣﺎ ﺳﻠﻢ
ﻏﺬﻱ ﻗﻠﺒﻚ ﻛﻠﻮ ﻛﺮﻩ ﻋﺎﻗﺐ ﺭﺩ ﺑﺎﻟﻚ ﺗﻨﺴﻰ
ﺧﻠﻲ ﺍﻟﺸﻴﻄﺎﻥ ﻳﺘﻔﺮﺝ ﻓﻴﻚ ﻟﻴﻦ ﻣﺨﻮ ﻳﺘﻜﻮﻧﺴﺎ
ﺷﺪ ﻗﺎﻣﻮﺱ ﺣﻴﺎﺗﻚ ﻗﻄﻌﻮ ﻓﺴﺦ ﻣﻨﻮ ﺍﻟﺮﺣﻤﺔ
ﺧﻠﻲ ڨﻠﺒﻚ ﻣﻴﺤﺴﺶ ﺿﻼﻡ ﺍﻛﺤﻞ ﻛﻴﻤﺎ ﺍﻟﻔﺤﻤﺔ
ﻣﻬﻤﺶ ﻋﺒﺎﺩ ﻫﺬﻭﻣﺎ ﻛﻼﺏ ﻟﺘﺘﻌﺎﺭﻙ ﻋﺎﻟﻠﺤﻤﺔ
ﻋﺒﺎﺩ ﺍﻣﺎﺗﻬﺎ ﺗﺸﻬﺎﺕ ﻃﺤﻴﻦ ﻭﻗﺖ ﻟﺠﺎﺗﻬﺎ ﺍﻟﻮﺣﻤﺔ
ﻫﺬﺍﻛﺎ ﻋﻼﺵ ﺍﻟﻨﺎﺱ ﺍﻟﻜﻞ ﺑﺎﺵ ﻧﻬﺪﻳﻠﻬﺎ ﻋﻘﺎﺏ
ﻫﺬﻛﺎ ﻋﻼﺵ ﻣﻌﺎﺵ ﺗﻬﻤﻨﻲ ﺷﻬﺮﺓ ﻭ ﺍﻻﻟﻘﺎﺏ
ﻫﺬﻛﺎ ﻣﻌﺎﺵ ﻳﻬﻤﻨﻲ ﺗﺘﺨﺮﺝ ﻋﺮﻳﺎﻧﺔ ﻭ ﺍﻻ ﺑﻨﻘﺎﺏ
ﺗﻌﺒﺖ ﻣﻦ ﺷﻴﻮﺧﺔ ﻟﺘﺪﻋﻮ ﻛﺎﻥ ﻟﻘﻄﻊ ﺍﻟﺮﻗﺎﺏ
ﺗﻌﺐ ﻣﻦ ﻭﻻﺩ ﻟﺘﺪﻋﻮ ﻟﻠﻔﺠﻮﺭ
ﺍﻟﺴﻼﻡ ﻋﻠﻴﻜﻢ ﻭﻻﻭ ﻳﻘﻮﻟﻮﻫﺎ ﺑﻨﺠﻮﺭ
ﻋﺒﺎﺩ ﺗﺴﺮﺑﻲ ﺭﺫﻳﻠﺔ ﻭ ﻗﺎﻋﺪﺓ ﺗﺨﻠﺺ ﺑﺎﻻﺟﻮﺭ
ﺷﻌﺐ ﺑﻬﻴﻢ ﻓﻲ ﺑﻼﺻﺔ ﺍﻟﻤﺦ ﻋﻨﺪﻭ ﺻﻔﺔ ﻳﺎﺟﻮﺭ
ﺣﺘﻰ ﻛﻞ ﺷﻲ ﻭﻟﻰ ﻳﺪﻭﺭ ﻭ ﺍﻟﻤﺴﻠﻢ ﻭﻟﻰ ﻛﺎﻓﺮ
ﻭ ﺍﻟﻜﻔﺎﺭ ﻳﻮﻟﻲ ﻣﺴﻠﻢ ﻭ ﻟﻴﻠﻘﻰ ﻧﻘﺒﺔ ﻳﺴﺎﻓﺮ
ﻳﻤﺸﻲ ﻳﻌﻴﺶ ﻓﻲ ﺑﻼﺩ ﺍﻟﻐﻴﺮ ﺧﺎﻃﺮ ﺑﻼﺩﻭ ﻃﺎﻋﻮﻥ
ﺧﺎﻃﺮﻭ ﻛﻴﻤﺎ ﻣﻮﺳﻰ ﻓﻲ ﺑﻼﺩ ﻳﺤﻜﻤﻬﺎ ﻓﺮﻋﻮﻥ
ﻓﻲ ﺑﻼﺩ ﻛﺎﻧﺖ ﺗﺨﻮﻥ ﻛﻴﻤﺎ ﻣﺮﺍ ﻟﺒﻼ ﺷﺮﻑ
ﻟﻲ ﺍﻟﺮﺟﻠﺔ ﻣﺘﻔﻴﺪﺵ ﻣﻌﺎﻫﺎ ﻭ ﺗﻔﻬﻢ ﻛﺎﻥ ﺑﺎﻟﻜﻒ
ﺗﺨﺪﻡ ﻛﺎﻟﻌﺒﻴﺪ ﻭ ﺍﻻ ﺗﺨﺮﺝ ﺗﺒﺮﺍﻛﻲ
ﺭﺩﻭ ﺍﻟﺸﺒﺎﺏ ﻛﻴﻤﺎ ﺍﻟﺒﻴﺪﺑﻮﻝ ﻟﻔﺰﻧﺎﻗﻲ ﻳﺘﺎﻛﻲ
ﺗﻌﻴﻚ ﻧﻄﺮﻭﻟﻲ ﺳﺎﻛﻲ ﻭ ﺍﻧﺖ ﻭﺭﺍﻫﺎ ﺑﻼﻡ
ﻣﺎﻙ ﻓﺎﻫﻢ ﺷﻲ ﻛﻴﻤﺎ ﺯﻭﻣﺒﻲ ﻟﻲ ﻣﻦ ﻗﺒﺮﻭ ﻗﺎﻡ
ﻋﻴﻨﻚ ﺣﻤﺮﺍﺀ ﺫﺍﺑﻠﺔ ﻭ ﻋﻘﻠﻚ ﻟﺒﺪﻭﺍﺀ ﻣﻤﺴﻮﺡ ﺍﺧﺮﺗﻚ ﻣﺪﻏﻮﺭ
ﻓﻲ ﺯﻧﻘﺔ ﻓﻲ ﻗﺎﻋﺔ ﻭ ﺗﻄﻠﻊ ﻓﻲ ﺭﻭﺡ
ﺍﺧﺮﺗﻚ ﺗﺘﻨﺴﻰ ﻋﺒﺪ ﺭﺧﻴﺺ ﻭ ﻣﺎﺕ
ﺣﺪ ﻣﺎ ﻳﺤﺲ ﺑﻴﻚ ﻋﺒﺎﺩ ﻗﻠﻮﺑﻬﺎ ﻓﻲ ﺳﺒﺎﺕ
ﺍﻟﻴﻮﻡ ﺣﺘﻰ ﺍﻟﻤﻠﻮﻙ ﻭﻻﺕ ﻟﺪﻳﻨﺎﺭ ﻋﺒﻴﺪ
ﺗﻐﻴﻀﻨﻲ ﻛﻲ ﻋﻤﺮﻱ ﻳﻨﻘﺺ ﺍﻣﺎ ﺫﻧﻮﺑﻲ ﻗﺎﻋﺪﺓ ﺗﺰﻳﺪ
ﺭﺑﻲ ﻳﺴﺎﻣﺤﻨﻲ ﺣﺒﻴﺖ ﻧﻜﻮﻥ ﺍﻧﺴﺎﻥ ﻛﺎﻣﻞ
ﻓﻲ ﺑﻼﺩ ﻻﺯﻡ ﺗﻨﻀﺎﻑ ﺑﺴﻼﺡ ﺩﻣﺎﺭ ﺷﺎﻣﻞ
ﻭﻗﺖ ﻟﻲ ﺍﻟﻌﺒﺎﺩ ﺗﺠﺎﻣﻞ ﻟﺴﺎﻧﻲ ﺑﺼﺪﻕ ﻧﻄﻖ
ﺑﻴﻦ ﻋﺒﺎﺩ ﺗﺘﺒﻊ ﻟﻜﺬﺏ ﻭ ﺗﺘﻠﻒ ﻟﺼﺪﻕ
ﻭﻗﺖ ﻟﻴﻤﻮﺕ ﺍﻟﺤﻖ ﻳﻄﻠﻊ ﻳﺘﻔﺸﻰ ﺍﻟﺒﺎﻃﻞ
ڨﻠﺐ ﺍﻻﻧﺜﻰ ﻳﻔﻠﺢ ﻭ ﻣﺦ ﺫﻛﺮ ﺯﺍﻃﻞ
ﺷﻌﺐ ﻋﺎﻟﺨﺪﻣﺔ ﻋﺎﻃﻞ ﻭ ﺍﻟﺤﻔﺮ ﻓﻲ ﺍﻟﻜﻴﺎﺱ ﻳﺘﺠﺮﻉ ﻓﻲ ﺳﻢ ﺍﻟﻘﺎﺗﻞ
ﻟﺪﻭﻟﺔ ﺗﺴﺮﺑﻴﻪ ﻓﻲ ﻛﺄﺱ ﺍﻣﺎ ﺣﺪ ﻣﺎﻫﻮ ﻟﺒﺎﺱ
ﺍﻟﻜﻞ ﺗﻤﺸﻲ ﻋﺎﻟﺸﻮﻙ ﻣﻴﻐﺮﻛﺶ ﺿﺤﻜﺘﻬﻢ ﻓﻲ ﺗﺼﻮﺭ ﻟﻲ ﻋﺎﻟﻔﻴﺴﺒﻮﻙ
ﺍﺧﺰﺭ ﻟﻌﻴﻨﻴﻦ ﺑﻮﻙ ﻭ ﻧﺒﺮﺓ ﻓﻲ ﺻﻮﺕ ﺍﻣﻚ
ﺗﻮ ﺗﻔﻬﻢ ﻟﺪﻧﻴﺎ ﺭﺧﻴﺼﺔ ﺍﺭﺧﺺ ﻣﻦ ﺑﺰﻗﺔ ﻓﻲ ﻓﻤﻚ
ﺗﻌﻄﻴﻬﺎ ﻗﻴﻤﺔ ﺗﻠﻌﺐ ﺑﻴﻚ ﻭ ﺗﻄﻴﺤﻚ ﻓﻲ ﺍﻟﻔﺦ
ﺗﺴﻴﺒﻚ ﺗﺤﺖ ﺍﻻﺭﺽ ﺟﺜﺔ ﺑﺎﻟﺪﻭﺩ ﺗﺘﻨﻔﺦ
ﻣﻄﻴﺶ ﺟﻠﺪﻙ ﺗﺴﻠﺦ ﻣﻬﻤﺎ ﻛﻨﺖ ﺗﻜﺴﺎﺏ
ﻻ ﻳﻔﻴﺪﻙ ﻣﻨﺼﺐ ﻭ ﻓﻠﻮﺱ ﻛﻲ ﺗﺘﺤﻂ ﻗﺪﺍﻡ ﺍﻟﺤﺴﺎﺏ
ﻛﻨﺖ ﻋﺎﻳﺶ ﻋﻴﺸﺔ ﺍﻟﻜﻼﺏ ﻭ ﺍﻟﻮﻗﺖ ﻛﻴﻒ ﺍﻟﻜﻤﺎﻣﺔ
ﻭ ﺍﻟﻮﻗﺖ ﻛﻴﻤﺎ ﺍﻟﺴﻜﻴﻨﺔ ﺇﻟﻲ ﻋﻠﻰ ﺭﻗﺒﺔ ﺍﻟﺤﻤﺎﻣﺔ ﻣﺨﺎﺥ ﻣﻌﺒﻴﺔ ﺑﻬﺎﻣﺔ
ﻭ ﻗﻠﻮﺏ ﻣﻌﺒﻴﺔ ﺣﺴﺪ
ﻭ ﺍﻟﺸﺮ ﻟﻲ ﻓﻲ ﺍﻟﺸﻮﺍﻃﻦ ﻭﻟﻰ ﻓﻲ ﺍﻟﺒﺸﺮ يتجسد
ﻣﺴﻠﺴﻼﺕ ﺗﻔﺴﺪ ﻭ ﺍﻟﻨﺸﺮﺓ ﺃﻛﺎﺫﻳﺐ
ﺗﻌﺪﻱ ﻓﻲ publicité ﻭ ﺍﻟﻨﺎﺱ ﺗﻤﻮﺕ ﺗﺤﻂ ﺍﻟﺘﻌﺬﻳﺐ
و ﺍﻟﻮﺯﺭﺓ ﺗﻤﻮﻝ ﻓﻲ ﺍﻟﻔﻦ ﻟﻲ ﻳﺴﺮﺑﻲ ﻓﻲ ﺍﻟﻌﻴﺐ
ﻭ ﺍﻟﺨﺪﻣﺔ ﺭﺍﻱ ﻣﺘﻮﺻﻠﺶ ﻓﻲ ﺑﻼﺩ ﻭﻳﻦ ﺍﻟﻄﺤﻴﻦ ﻳﺠﻴﺐ
ﻣﻌﺎﺩ ﻳﻔﻴﺪ ﻃﺒﻴﺐ ﻣﻠﻚ ﺍﻟﻤﻮﺕ ﻗﺮﻳﺐ
ﺍﻟﺤﻴﺎﺓ ﻛﺎﻟﺸﻤﺲ ﺗﻀﻮﻱ ﺃﻣﺎ ﻳﺠﻴﻬﺎ ﻧﻬﺎﺭ ﺗﻐﻴﺐ
ﺷﻌﺐ ﻣﺨﻮ ﻓﺎﺭﻍ ﻭ ﻳﺤﺐ ﻳﻌﺒﻲ ﺍﻟﺠﻴﺐ
ﺷﻌﺐ ﻛﻴﻤﺎ ﺍﻟﻐﻨﻢ ﺇﻟﻲ ﻳﺮﻋﻰ ﻓﻴﻬﺎ ﺍﻟﺬﻳﺐ
ﻭﻟﻴﺖ ﻋﺎﻳﺶ ﻏﺮﻳﺐ ﻧﺘﻨﻔﺲ ﺑﺴﻴﻒ
ﻭﻟﻴﺖ ﻋﺎﻳﺶ ﻛﻴﻤﺎ ﺍﻟﺮﺑﻴﻊ ﺇﻟﻲ ﺩﺍﻳﺮ ﺑﻴﻪ ﺍﻟﺨﺮﻳﻒ
ﻭﺍﻟﻌﺒﺎﺩ ﻣﺘﺮﺣﻤﺶ ﺍﻟﻌﺒﺪ ﻟﻲ ﻋﺎﻳﺶ ﺿﻌﻴﻒ
ﺃﺫﺍﻛﺎ ﻋﻼﺵ ﻭﻟﻴﺖ ﺷﻴﻄﺎﻥ ﻧﻔﻚ ﺣﻘﻲ ﺑﺎﻟﺴﻴﻒ
شيطان راجع مالجحيم و يتنفس في الموت
من داخل تسيب الوحش إلي كان مربوط
بالأنياب و الظوافر كسر لوح التابوت
و الوحش ما يرجعش إنسان وقت إلي يفوت الفوت
ساعات نسمع صوت في وذني يقولو إبليس
يقلي إنت غالي في الدنيا كل شي غيرك رخيص
ما سمعتش كلامه قلبي كان ما يعرفش القسوة
أما اليوم فهمت إلي في الدنيا شي ما يسوى
شي ما عنده قيمة شي ما يقعد ديما
حتى أغلى عبد ولى ذكريات قديمة
شي ما عنده وزن حتى شي ما عنده قدر
و القلب إلي كان يحس اليوم ولى حجر
كل ما تجي تتفكر تحس بلي الوقت جمد
مخك قجر و الذكريات بالواحدة تتجبد
العقارب وقفت في بلاصتها و البدن يبس
في بلاصة ظلام وحدك مڨلع من غير فلس
وليت كيما الملك عالعرش و شي ما نكساب
مطيش في الغابة كيما الصيد إلي نهشتو الكلاب
وليت كيما الأربعة حيوط في بيت بلا باب
كيما الأعمى إلي قاعد عالكرسي و شاد في يدو كتاب
وليت نكتب في كلام الناس تشوفو ألغاز
كلام يقتل كيما السم و ما تشوفوش كالڨاز
سهرية مزود و إنت في الكيت موحل الجاز
بيبليك يسمع على ال terre و إنت رابك phase
ال views و ال tendance تتعدى عال neutre
بيبليك يحب الرابورات تكتب ب stylo feutre
و إنت رابك يحفر في الحجر متاع les ancêtres
فايتهم كيما مايكل بولتون يجري في cent mètres
بيبليك خلى ال maître و تبع débutants
خلى ال ceinture noire و يسمع في ال ceinture blanc
يحب des chansons راب ساهل imitation
ما فهموش les facteurs إلي تححطهم في l’équation
بيبليك الكل عقد حتى الستيلو فد أقوى punchline في الراب أمسط من نهار الأحد
الحروف باينة و المعنى ما قدر يوصلو حد
العباد تحب تسمع موزيكا و إنت رابك رعد
رابك ماهوش فن رابك دواء مسموم
في ال86 بالأورانيوم في chern-byl مخدوم
يتغلغل في العروق مع الدم و يطرش الوذن
rap toxique يذوبلك الجلدة يفتفتلك البدن
العباد تسمع في الأرض و إنت في السماء تطير بعيد
رابك بركان و البيبليك يسمع كالجليد
قلمك متمرد و يكتب في قصة للعبيد
قلمك مفتاح و البيبليك وراء قضبان حديد
حتى تضحي ما تفيد كيما ضحى إيتاتشي
تقعد في عينيهم أخيب حتى مالنظام الفاشي
بيبليك كيما ساسكي يحب يشعل فيك النار
تو يفهم نهار وقت إلي يفهم كلامك روتار
خاطر في الراب فما كبار و فما des microbes
جراثيم تشوفها باليوتيوب كيما ال microscope
اليوم وصلت لل top بال contamination
و ال views épidémie تنشرت بين ال génération
هذاك علاش إلي يكتب تيتر راب في بالو عمل إنجاز
كان جات العباد تفهم رابك يسميوه إعجاز
العباد ما عادش تفرق بين ال diamant و الڨزاز
بين راب يطير كالكونكورد و راب على عكاز
وليت نكتب في كلام إلي خارج عالمعقول
مخي فايق أما قلبي ضايع في المجهول
الستيلو عالورقة كالميت إلي في قبره مسبول
خلي يتوفى كان يحيا تو يرجع كيما الغول
ترجع الوجيعة في العروق و العين تتقلب
تولي بيضاء و الحروف وحدها تتكتب
ما يوفى التيتر كان ما الورقة تتنقب
كان ما الستيلو يطيح عليها شاعل خارج منو لهب
وليت lucifer ما عادش فيلسوف
حتى الستيلو متاعك ما عادش يخرج حروف
و الوذن إلي تسمع فيك قريب يقتلها الصوت
ماهوش راب إلي تعمل فيه إسمه لحن الموت

- psyco m

كلمات أغنية عشوائية

كلمات الأغاني الشهيرة