![kalimah.top](https://kalimah.top/extra/logo.png)
psyco m - inside lyrics
[paroles de psyco-m “inside | كلمات بسيكو-آم “إنسايد]
[المقطع الوحيد]
حياتنا كي فقرة في كتاب
فيها جمل و حروف
فيها الحزن فيها الغدرة، الفرحة والخوف
وللنهاية والسطر للخر يقعد مش معروف
السطر اللي يكتبلك كفنك تتحط فيه ملفوف
ملعنوان متاع لكتاب تفهم ولى القصة
الستيلو اللي يكتبها مهوش يكتب بالحبار
مللحظة اللولة فالدنيا طابت تبكي بالغصة
ستيلو للي يكتب القصة بلوجيعة من أول نهار
كل سطر تعيش وتزيد تتعلم دروس
مع كل صفحة تكملها تحفر فيك عبر
تعدي حياتك سجين بين الصفحات محبوس
يمتك تتقاس بحجم الوجيعة في كل سطر
تحب تغسل تحسو كيف تغزر في لمراية تحب تفسخ لحروف المحفورة أملكم مايفيد
كل سطر في عنيك يحكي ألف رواية
تولي تتمنى حاجة وحدة تتمنى تمشي لبعيد
تمشي لبلاصة وين السما مافهاش غيوم
تشوف أحلامك تضوي فها لفوق كيما نجوم
بلاصة تنسيك لوجيعة اللي تعيشها كل يوم
بلاصة تنسيك للي تحسو كل ليلة كي تقوم
تمشي لبلاصة وين تقدر تعيش فها إنسان
بعيدة علوحوش للي تنهب فيك باللنياب
بعيدة علغدرة للي ولات تجري في الشريان
بلاصة تلقا فيها بشر متلقاش كلاب
بلاصة تعيش فيها حياة متعيش تمثيلية
تعبت من scénario تعبت م les acteurs
نفس لوجوه ، نفس الدور في نفس المسرحية
كل مرة étalonnage تتبدل ك les couleurs
نفس les acteurs يتبدل كلقناع
هداك علاش كل مرة تتعاود نفس الاغلاط
وجوهم بريئة في فيلم ماهيش تاع خداع
فالجينيريك تقرى أساميهم كل سقاط
وليت مدمن تاع تفكير بلا إنقطاع
بيني وبين نفسي كل يوم قاعد نعيش في حرب
أصعب حاجة كي معا نفسك تخوض الصراع
حرب كبيرة قاعدة تصير بي المخ والقلب
مخك يقلك وكان تبع قلبك متربحش
قلبك يقلك أنا عيت من المخ للي بيه تبليت
مخك يقلك من داخل خايف نفيق فيك الوحش
قلبك يقلك متطغاش وقعد عبد بسيط
مخك يقلك أطغى الناس مالازمهمش رحمة
قلبك يقلك تحمل الدنيا لازمها صبر
مخك يقلك خلي قلبك اكحل كيما فحمة
قلبك يقلك متنساش الدنيا آخرتها قبر
بين الخير والشر العفو والانتقام
بين الجنة والنار بين الحلال وبين الحرام
حرب كبيرة والنتيجة انت تخرج حطام
مخك يناقض قلبك تولي تعايش فانفصام
بين الإنسان للي حلمت بيه والإنسان للي وليت
الإنسان للي ضاع في طريق بين التناقضات
بين لعملتو راضي ولي عملتو ختر تلزيت
ضياع في ثيا فحياة كلها مفترقات
بين الفرحة والحزن بين الهدوء والغضب
بين الماضي والحاضر بين الكره وبين الحب
بين القلب لي تكسر تحطم وبين المخ تعب
لو يجعل من نفسك والناس عداها داء الكلب
تلوج نفسك ماعادش عرفها وين
تغزر في وجوه لعباد والسكات في وسطك يصيح
تلوج مابين نبرة الصوت وغزرة العنين
نبرة الصوت تكذب والعين ماتطعيش الصحيح
تقعد في نفس الدوامة ضايع تلوج ودور
تحب تعرف حاجة واحدة باركا انت هو شكون
ترجع لتالي فالكتاب و تقلب السطور تلوج تلقى ش”حاجة صانعت انت من تكون
ترجع للماضي بين الصفحات تتفكر تتعدى لسان قدامك الكل في les images
طفل الصغير لي عاش بين ال ضحكة والفقر
كي طير لي قصولو جوانحو لقى روحو في cage
تتفكر اول نهار دخلت l’école
اول درس تعلمو الأكتاف لي تهزك الفوق
وقتها فهمت الصبورة في القسم décor
كي المعلم طلع الورقة كتبلي شنايا يخدم بوك
منهارتها l’école ولاتلي كي الجحيم
لقرايا والمتحان مجعولة كان للتقييم
نقرى و لاوعي ديالي ميمنش بالتعليم
تلامد دروبووات في معمل يخرج في جيل بهيم
كي تعدت ل lycée ولا لازمني طبيب
اغلب ليامات نمشي نقرى بلا مصريف في جيب
نتنفس بسيف بين صحابي نحس في روحي غريب
دارنا مداي بالهمش ولدهم يتعدب في وقت صعيب
نروح لدار ندخل نسكر على روحي الباب
نقعد غارق في حلامي وحدي في بيت ظلام
بين الفرحة والحزن بين الراحة ولعذاب
نخرج من هذا العالم يمكن تنسيني لحلام
تربيت صح متربيتش على الغدرة والسرقة في وقت كلشي تسكر وبديت نكره لبلاد
في الوقت ذاك اول مرة تجيني فكرة الحرقة
نعيش في عالم آخر تعبت من لعباد
هزيت صاكي ومشيت دارنا مافي بالهمش
مشيت ل port نتسنى ناقز في conteneur
خليت كل شيء ورايا اما مايسليش مايهمش ماشي لبلاصة جديدة ممكن يعطيوني قيمة
حتى لي طاح عليا ليل وانا قاعد نستنى
حتى لين كلموني و جاو هازوني لصحاب
قالولي صحيح انت ترتاح وقت لي تخرج منا
اما تصيرلك حاجة أمك يدفنها لعذاب
خليت كل شيء قدامي خليت لي بيه حلمت
رجعت معاهم قلت بلاك شي في بلادي نلقى حل
هوما بيدهم لي وجعوني عرفت كي رجعت ندمت
رجعت لنفس العيشة لي كنت نعيشها قبل
تعدى الوقت وقلت لازم تتبدل الظروف
في عمر لازم نبني مستقبل ونبني حياة
نلقى خدمة نولي بقدري كي نجيب مصروف
كانو يشفوني حي نمشي وانا عبد مات
مشيت نخدم الظلم بدا من اول نهار
رجعت نتنفس بالسيف نحس في روحي مخنوق
مالتعب نروح نتكي كيما الجثة في الدار
تخدم وتتعب و معندكشي ابسط الحقوق
العباد في الخدمة موش بشر كاينهم نوامر
لا روح لا إحساس مطبسين لاينهم عبيد
كل واحد فيهم كالماكينا يطبق في الاوامر
هربت مالخدمة وغطست في عالم جديد
عالم بعيد مبني عالكلمات والحروف
لقيت الجوانحلي الطير دين الورقة و القلم
كنت كي نغمض عيني نكتب غادي ننسى الخوف
لبلاصة الوحيدة وين نحيا بعد ما كنت الردم
كنت نضيع بين لحروف لكلام والافكار
ننسى العالم إلى البرة كايني في حلمة
نحس روحي في الجنة وانا عايش في نار
عالم غريب يجبدني يبلعني مع كل كلمة
عالم ندوب و نغطس فيه نغرق في الاعماق
نغطس في الكلمات الجمل والمعاني
حتى مع الوقت نلقى عبد جديد في وسطى فاق
في عالم كي سراب بعيد وحدي حد ما يراني
تعدات لعوام محسيتش كيفاه تعدا الوقت
غرق بين لحروف ندور بين سطر وسطر حتى جاتني الجملة كي شوك لي خلاتني فقت
جملة فكرتني لي البرة مازال برشا شر
خرجة لي الشارع بين زناقي في المجتمع
لا كبير يرحم صغير لا صغير يقدر الكبير
الجيل جديد اعمى دايع وغرق في بير
جيل بلا قضية عايش ما هو فاهم شي
المخ فارغ تفورماطا يتبع تتبيع
عايش فوق الارض ميت
كان عالورقة مقيد حي
فيبالو فايق و هوا يتبع كيما القطيع
وقتها تتعب وتقول ميرتحك كان الفن
تروح لدار باش ترتاح و تحل المذياع
جابو invité فنان رد الفن عفن
تفهملي المديا فن البلاد نقطة للإبداع
الإعلام في بلاسط يبني هوني قاعد يهدم
البرامج و الأخبار الافلام والمسلسلات
تتفرج فيهم في بالك بروحك قاعد يتقدم
وانت ترجع التالي ويحركوك كيما لmarionnette
تشوف النخبة والدراسات وتشوف الكتبات
تشوف مغاطاة أشباه المتقفين
كلها تكذب أكثر مالأحزاب في الإنتخابات
مش عارف لعباد لي تقرا يشوفو ولا مكفوفين
نلوج على روحي نرجع الصفحات لكتاب
نلوج شنوا لي صنعني شنوا لي صنع افكاري
حرت بين لحروف وانا نلوج عالجواب
صنعتني l’éducation شارع ولا إعلام المجاري
شي مصنعني فاهم كايني جيت من العدم
تصنعت من dimension ماهيشي من هالوجود
خليك communisé عندك antidote في الدم
dimension لي قبلو خلقو ما بعد الوجود
عالم كلو افكار مبني عالكلمات
بلا بداية ولا نهاية معندوش حدود
وين كل شي تخلق يتجسد في مفردات
وين الصمت يتكلم دين الفناء والخلود
تلقى فيه كلمات تقولك انت شكون
كلمات تفهمها لقلوب قبل لعقول
انت العاقل إلي ناس تشوفك مجنون
انت l’artiste إلي بين les stars عايش مجهول
انت l’artiste لي يدواي لوجيعا براب
انت l’artiste إلي عندو لقلم إلي يداوي جروحو
انت l’artiste إلي قلت في لخر لقيت صحاب
حتى حليت عينك لقيت لك واحد يضرب على روحو
انت l’artiste إلي عاود رجع منين بدا
انت l’artiste لي فهم راب قوة كلمات
انت l’artiste لي كلهم قالو انتهى
انت لقلم حي في عصر وين الراب مات
انت النجوم الي في السماء
انت الليالي بما نوم
انت المعاني والتفكير والكلام العميق
انت قلبك الي يحس خلاك بالاعدام محكوم
انت خترت ثنيا الصعيبة قدامك 1000 طريق
انت التناقضات
انت العفو والرحمة وانت النقمة والعذاب
انت الكلام الصعيب لمعقد وانت التفسير
انت المفتاح ونت الكوية لي تسكر الباب
انت الفرحة والحزن
انت الرمد والنار
انت الموج البحر وانت في السماء سحاب
انت صفحة الكتاب المفتوح وانت الاسرار
انت لوجيعة لي تمشي عالارض فوق التراب
انت لمعادلة صعيبة
وانت الوقم المجرد
انت الطبيب لي يداوي
وانت الرصاصة لي في الفرد
انت النظام والقانون وانت المتمرد
انت الفيلسوف لي يعيش في هيئة متشرد
كلمات أغنية عشوائية
- ati242 - blueberry haze lyrics
- divide music - break my body lyrics
- benny hester - cat lyrics
- wind & color - awaited king lyrics
- rush - roll the bones [different stages live] lyrics
- masta ace incorporated - u can't find me lyrics
- jordan khan - move you lyrics
- nct 127 - 너의 하루 (make your day) lyrics
- sam crow - teenage dirtbag lyrics
- xxxtentacion - heartbreak (demo) lyrics