a b c d e f g h i j k l m n o p q r s t u v w x y z 0 1 2 3 4 5 6 7 8 9 #

prince of jeruz - biladu al 'urbi (land of arabs) كلمات الأغنية

[intro: sample]
بلاد العرب أوطاني
من الشّام لبغدان

[overvocals]
نعم، بلاد العرب أوطاني
،ولكن

[hook 1: sample] x2
بلاد العرب أوطاني
من الشّام لبغدان
ومن نجدٍ إلى يمن
إلى مصر فتطوان

[verse 1]
مع إنّي بكتب عربي، مع إنّي بقرأ عربي
مع إنّي بحكي عربي، مش حاسس إنّي عربي
انسيت جنسيتي، انسيت من وين أنا
حتّى شخصيتي من الوجود انمحت
السّبب القضيّة، لأ السّبب المجتمع
بطّلت بدّي أحكي، آه بطّلت أسمع
لأشخاص اهتمامها الأوّل بس بالرّفض
مش للتّعّرّف، بل لزيادة الضّغط
عأفكار وتعاليم من الصّغر اتربّينا
ما في مجال للتّغيير إلّا بإدينا
إحنا البداية والنّهاية، إحنا نقطة نور
نقطة أمل بترجّع الإنسانيّة للصّدور
الجيل الجديد لازم يطغى عالقديم
الجيل الجديد لازم احفّز عالتّصميم
التّصميم عالإزدهار، التّصميم عالحريّة
التّصميم على إرجاع الحضارة العربيّة
بتشكي على لبسي وعلى جيل ضايع متلي
جيل هوّ الّي بفعل، جيل هوّ الّي بحكي
استيائك هو الّي مخلّيك اتوقّف ضدّي
شرارة البداية والأمل طلعت من عندي

[hook 2: princeofjeruz]
فلا حدٌّ يباعدنا
ولا دينلٌ يفرّقنا
لسان الضّاد يجمعنا
في غسّانٍ وعدنان

[verse 2]
ارجع للتّاريخ واتعلّم من الماضي
لتغيّر الحاضر واتكونش أناني
فكّر بأخوك، فكّر بأختك
إلّي من دمّك والّي بحكو لغتك
إيد وحدة لإحياء العروبة
إحياء الجهود والأمجاد المدفونة
تونس صرخت لا للإستفزازيّة
مصر صرخت لا للعبوديّة
من ليبيا للعراق وسوريا تصرخ
فلسطين فوق السّتين ولسّا بتصرخ
وين الجيش العربي، الجيش المتّحد
ربّ واحد وشعب ما بينقسم
ولا انسينا التّضحيات وانسينا الشّهداء
انسينا تاريخ عريق وصرنا سفهاء
اهتمّينا بالكراسي وأكتر بالأموال
فتنا بالفتنة وتركنا أمّتنا بهالحال
بس الشّعب يريد إسقاط النّظام
الحريّة عالأبواب لو شو ما طال
الزّمن والصّراع وموت الأرواح
الشّعب يريد إسقاط النّظام

[hook 3: princeofjeruz]
لنا مدنيّة سلفت
سنحييها وإن دثرت
ولو في وجهنا وقفت
دهاة الإنس والجان

[verse 3]
منتصب القامة أمشي
مرفوع الهامة أمشي
في كفّي قصفة زيتون
وعلى كتفي نعشي
وأنا أمشي، بطريق الحريّة
وأنا أمشي، لوحدة عربيّة
وأنا أمشي، وأنا أمشي
من جذور فلسطينيّة ومقدسيّة
تلفزيون عالأخبار وفنجان هالقهوة
لأ مهتم كتير ولّا بس سهوة
الأخبار هيّ هيّ ولا إشي جديد
دمنا لسّا سائل، لإيش التّغريد
اسأل نفسك ليش وكن معارض
اسأل نفسك كيف وكن مناضل
عن نفسي بعترف مش عامل كفاية
كون أحسن منّي ومن دون ملامة
وقتك اليوم وراحتك بكرا
انسى خوفك واتوكّل عاللّه
ثورة تبدأ ولا تنتهي
حتى إرجاع فلسطين وبيت المقدسِ

[hook 4: princeofjeruz]
فهبّوا يا بني قومي
إلى العلياء بالعلم
وغنّوا يا بني أمّي
بلاد العرب أوطاني

- prince of jeruz

كلمات أغنية عشوائية

كلمات الأغاني الشهيرة