a b c d e f g h i j k l m n o p q r s t u v w x y z 0 1 2 3 4 5 6 7 8 9 #

phobia isaac - capable كلمات الأغنية

[couplet 1]

واش درت في حياتي جايز

نحوس على الهنا و ل calme

وليد لحرام يدير لعفايس

اي خاطيني التقرام

تكتبها نعلق سباطي
نص الشعب فاهمني faux

في ظهري لي كان يعاطي

فاص آ فاص يحط نيفو

الامور ماهي بيد

الناس ما تعرف مين تهدر

ڨاع يقولو حنا نية

الوقت وجهم يقشر

لسان لحلو يرضع اللبّة

غير علي لي يهدر ڨبة

سبع الزهيد تشوفو قبة

ولاد لهريب يشوفوه بومبة

حكايتك ما تعمر كنّاش

نهار زهرت او ما كناش
غلطة الڨليل ما خوناش

حاسبتوني على كلش

فراسو كاين مخ طوبة

ضايع ما عندو قبلة

دارت كلش مخطوبة

مخلية غير دم الدخلة

بون الصحبة صدقلي راجل

نديرو كي مقام بن يامين

كون جاو غير يآمنو بالأجل

يعرفو الدنيا كمين

ضياق قلبك غير وسع بالك

ديرها القنطة و علبالك

ولات تمشي قدرك مارڨ
كون امنتك تقولك مالك

نقول الحق زينك ضواي

و من الحب نهديك حجاب

كي سترتك يعني تسواي

نحط يديا في الكتاب

[refrain]

علاش نديرو هاد الشي باش نقولو capable؟

نمد سري لي مايفشي و يحطو à table

هي جاية ma vie..

و الصالا طافي..

لا شتّك اليوم عندي ماضي كابر ماضي او ما يهواه

و انا شكون نلوم ؟ نلوم القاضي

ليوم بلادي فالراس هوات

لا شتّك اليوم عندي ماضي كابر ماضي او ما يهواه

و انا شكون نلوم ؟ نلوم القاضي

ليوم بلادي فالراس هوات

[couplet 2]

عفستي فوق نيوف الرجال

او غطيتي على الزوامل

وين يشوف النسا يتحال

الحلابّة هكذا عامل

اذا الزوالي طاح تصدو الباب تتعماو

فالبار تجرو للتبراح و بدراهمكم تتسمّاو

توجعكم كلمة الحق

بمالك في قصرك تبكي

القناعة في ڨوربي تضحك

على لي تقاس او ما يشكي

درتي في بالك حبك واعر غلطة زدتي على الزرڨة

و المغروم عليها ساهر خادع مرتو بالدرڨة

خدم عوام او حط اليد

ناوي يستر الڨصعة

طعم الكذبة كي صيّد

الحقيقة تجي صفعة

او يا ريت كنت تراب

كي تندّمني الموسيقى

و الشهرة جابت صحاب

لا ميثاق لا ثقة

وكلتك عجين الدار

وليت تحكي عليا دوك

قولي شكون الغدار

ڨاع فالعشرة ما طاڨوك

فيك الظن تخاف الناجح و ربي يعفو على بلاك

ريح تم و راك مسامح

ما نعاود صحبة مشكاك

تمشي راجل تتقنط

هاذ الجيل ڨاع تخنث

مادابيهم تبّع

و اذا عمّت راي خفّت

انا نقول و نتا ترفد

بلاك غدوة نترفد

قيم الصلاة اذا تلفت

و خافف القلب اذا يفسد

ناوي عمرة مع لعزاز

ماشي معيشة في paris

انا كي نبعد نتقاس

عندي حبابي في حفاري

راك تغني على لفريك

نسيت الريشة لي تعبر

كسبت الذهب ولا الحرير

هادي بلية و تتقدر

قولي واش حايب نزيد قاع الزواولة تضحكلي

عمر الزاهي كان زهيد

واحد عليك ما يقلي

[refrain]

علاش نديروهاد الشي باش نقولو capable

نمد سري لي ما يفشيه و يحطو à table

هي جاية ma vie …

و الصالار طافي..

لا شتّك اليوم عندي ماضي كابر ماضي او ما يهواه

و انا شكون نلوم نلوم القاضي

ليوم بلادي فالراس هوات

لا شتّك اليوم عندي ماضي كابر ماضي او ما يهواه

و انا شكون نلوم نلوم القاضي

ليوم بلادي فالراس هوات

[couplet 3]

يا يما la vie la merde

دارك شدك خيمارك

ولا بيك مول الغدار

ما تخافي وليدك في ضهرك

شفت الندبة فوق قبور

و الجن حوالو في حالة

و خايفها و دور نموت قبلها الدالة

شحال صعيبة نتخايل تولي الدار و كر الدموع

يا يما نورك هايل ما خلفوه نجوم الشموع

ماكالاه ڨاع توالف

الدنيا bagage تاع احزان

وين يفيدو لمعارف

و الحفرة تكفي لسمّان

لعبتي و درتي مولا بيت و معامن تحايلتي

و معليش لوكان تفيد التوبة كاش تخايلتي

شحال خبط بنات الناس

حسب اللحية تصفيّها

مواس الندمة بلوسواس و الضمير يسنيها

شحال نكتب و نعاود نمحي

نخافك تفهمها مقلوب

يا دنيا خايفك تربحي

بكلامي نطعن قلوب

الناس لملاح ولاو قلال

و الافعال بقات اقوال

في قلبي نصفي لحوال

يالجنّة و عليك سوّال

او la fin ديرها في الراس

بالاك تكيوفة الاخرة

بين عقلك او قلبك دواس

و بالاك ما تفيد الهدرة

اتهلا في العزيزة بزاف

هي مفتاح باب الربح

اذا طبطب دارك الزعاف

شد لسانك ايلا يجرح..

c’est la phobia isaac.. l3lam

[refrain]

علاش نديرو هاد الشي باش نقولو كاپابل

نمد سري لي ما يفشي و يحطو آ طابل

هي جاية ما ڤي

و سالار طافي..

لا شتّك اليوم عندي ماضي كابر ماضي او ما يهواه

و انا شكون نلوم ؟ نلوم القاضي

ليوم بلادي فالراس هوات

لا شتّك اليوم عندي ماضي كابر ماضي او ما يهواه

و انا شكون نلوم ؟ نلوم القاضي

فالراس هوات

- phobia isaac

كلمات أغنية عشوائية

كلمات الأغاني الشهيرة