a b c d e f g h i j k l m n o p q r s t u v w x y z 0 1 2 3 4 5 6 7 8 9 #

paulin nuotclà - quels da la gromma كلمات الأغنية

i vegn avant cha minchatant cun ir intuorn
s’insc-ntr’a glieud chi tocca pro la gromma
i’m vegn lur’adimmaint chi d’eir’ün temp ingio ch’eir eu
survgniva davant quês la schnuoglia lomma
intant ha bler müdà ed eu nu chat pü quel respet
per quês schanis chi s’as tegnan per dapü
e lura pens eu: taidla, scha tü’m trattast da mulet
bler dapü — nun est neir tü!

vè nan sar president cun teis bel vainter bainnudri
vainst eir cun mai a baiver üna bira?
sco staja cun tas aczias, cun ta duonn’e teis kindels, di
s’sviluppan els pel bön da ta carriera?
t’impaissa’t in ün sömmi’t n’haja vis in chotschas suot
ingüna sdratscha bella davant sü
ed eir scha tü possedast quatter chasas sün ün muot
bler dapü — nun est neir tü!

vè nan sar uffizial cun ta grim-ssa da brigant
invlida teis chanuns per üna jada
e quinta’m scha tü crajast cha teis far dad ignorant
possa far dal bain a tai ed a ti’armada
eu’t pudess schon cuir scha tü pudessast schluppettar
deschsetmill’inimis o bler dapü
mo craja’m sch’eu ta di cha scha no vessan da cr-ppar
bler dapü — nu fast neir tü!

vè nan sar ravarenda piglia jò teis chapè nair
invlid’üna jà per tschinch minuts teis cudeschs
stübgiain pü jent insembel sco cha’ls desch c-mandamaints
s’laschessan müdar intuorn in dudesch
eu’t pudess schon cuir scha tü rivessast üna jà
in quel pajais plain pasch e meil ed anguels
ma tü sast pü bain sco eu: gnanc’ün vivaint nun es stat là
e bler dapü — nu sast neir tü!

vè nan sar dr. phil. ii punct lic. oec. nat. traidesch nouv
pigliain seguaint problem suot la marella:
che crajast scha no vessan üna sella sün ün bouv
füss quai bler pü bê sco’l püerch sün üna sella?
scrivain ün cudesch — na pü jent quattordesch ed ün suraint —
laschain ans onurar e dozar sü
e sch’eu’m laschess nudrir da tuot quel pövel nunsapchaint
bler dapü — nu fast neir tü!

- paulin nuotcla

كلمات أغنية عشوائية

كلمات الأغاني الشهيرة