pandit ganeshwar mishra - shree ram prath smaranam lyrics
ॐ अथ
श्री रामप्रातःस्मरण
ॐ
प्रातः स्मरामि रघुनाथमुखारविन्दं
मन्दस्मितं मधुरभाषि विशालभालम् ।
कर्णावलम्बिचलकुण्डलशोभिगण्डं
कर्णान्तदीर्घनयनं नयनाभिरामम् ॥१॥
प्रातर्भजामि रघुनाथकरारविन्दं
रक्षोगणाय भयदं वरदं निजेभ्यः ।
यद् राजसंसदि विभज्य महेशचापं
सीताकरग्रहणमङ्गलमाप सद्यः ॥२॥
प्रातर्नमामि रघुनाथपदारविन्दं
पद्माकुंशादिशुभरेखि सुखावहं मे।
योगीन्द्रमानसमधुव्रतसेव्यमानं
शापापहं सपदि गौतमधर्मपत्न्याः ॥३
प्रातर्वदामि वचसा रघुनाथनाम
वाग्दोषहारि सकलं शमलं निहन्ति ।
यत्पार्वती स्वपतिना सह भोक्तुकामा
प्रीत्या सहस्रहरिनामसमं जजाप ।।४।।
प्रातः श्रये श्रुतिनुतां रघुनाथमूर्ति
नीलाम्बुदोत्पलसितेतररत्ननीलाम्
आमुक्तमौक्तिकविशेषविभूषणाढ्यां
ध्येयां समस्तमुनिभिर्जनमुक्तिहेतुम् ॥ ५
यः श्लोकपञ्चकमिदं प्रयतः पठेद्धि
नित्यं प्रभातसमये पुरुषः प्रबुद्धः ।
श्रीरामकिङ्करजनेषु स एव मुख्यो
भूत्वा प्रयाति हरिलोकमनन्यलभ्यम् ॥ ६॥
ॐ
इति श्री
रामप्रातःस्मरण
सम्पूर्णम्
Random Lyrics
- space raf - vida passa lyrics
- mira eye blooms - iceland passion forever lyrics
- yarel - breaking up with u lyrics
- gislane ferreira - vai haver milagre lyrics
- saturday night live - airport sushi lyrics
- arashi - hit the floor lyrics
- snak the ripper - highs and lows lyrics
- alan - denaturat lyrics
- t-dawg da don - lol lyrics
- gunne - the awakening lyrics