a b c d e f g h i j k l m n o p q r s t u v w x y z 0 1 2 3 4 5 6 7 8 9 #

هبة طوجي - sallem aala masr - سلّم على مصر - hiba tawaji كلمات الأغنية

[اللازمة]
سَلِّم عَلىَ مَصر شَارِع شَارِع عِنوَان عِنوَان
سَلِّم عَلىَ مَصر وَاحِد واحِد، بِالإِسم كَمَان
سَلِّم عَلىَ مَصر شَارِع شَارِع عِنوَان عِنوَان
سَلِّم عَلىَ مَصر وَاحِد واحِد، بِالإِسم كَمَان
مَصر العِشَرِيَّة المِضيَافَة
ووجُودها فِي الدُّنيا إِضَافَة
هِيَّ الحِكَايَات المِتشَافَة اللِي بَقَالها زَمَان
سَلِّم عَلىَ مَصر شَارِع شَارِع عِنوَان عِنوَان
سَلِّم عَلىَ مَصر وَاحِد واحِد، بِالإِسم كَمَان
مَصر العِشَرِيَّة المِضيَافَة
ووجُودها فِي الدُّنيا إِضَافَة
هِيَّ الحِكَايَات المِتشَافَة اللِي بَقَالها زَمَان

[المقطع الأول]
سَلَّم عَلىَ مَصر وبَلَّغهَا إِنّ أنَا حَنِّيِت
لِأغَانِي السِّت اللِي عَليها حَبِّيِت وِإتحَبِّيِت
سَلَّم عَلىَ مَصر وبَلَّغهَا إِنّ أنَا حَنِّيِت
لِأغَانِي السِّت اللِي عَليها حَبِّيِت وِإتحَبِّيِت
مَصر اللِي أنَا رُوحي ترُوح لِيها
وزَمَان كَان ليَّا حَبِيب فِيها
سَلِّم عَلىَ إبن النِّيل الأسمَر أَبُو ضِحكَة جنَان

[المقطع الثاني]
مَصر المَحرُوسَة، مِية مِليُون بُوسَة
مِية مِليُون وَردَة عَلىَ صحَابِي وحَبايبِي هِنَاك
عَلىَ بَحَرِي وقِبلي، لو رَايِح قَبلي
بِأَمَانَة توَصَّل سَلامَاتِي لِلكُلّ معَاك
سَلِّم عَ البَلَد اللِي بتِيجِي دَايماً عَ البَال
فِي حَبِيبتِي يَا مَصر بصُوت شَاديَة لَمَّا بتِتقَال
وِفي وَحَوِي يَا وَحَوِي اللِي بنِرجَع وَيَّاها عيَال
في أَنَا لَك عَلىَ طُول وَقت أمَّا حَليم غَنَّاها لِإيمَان
عَلىَ رَملِة سِيِنَا، فَاكرِين لَيَاليِنَا
لِلذِّكري كَاتبِين أَسَامِينَا عَلىَ كُلّ مَكَان
[اللازمة]
سَلِّم عَلىَ مَصر شَارِع شَارِع عِنوَان عِنوَان
سَلِّم عَلىَ مَصر وَاحِد واحِد، بِالإِسم كَمَان
سَلِّم عَلىَ مَصر شَارِع شَارِع عِنوَان عِنوَان
سَلِّم عَلىَ مَصر وَاحِد واحِد، بِالإِسم كَمَان
مَصر العِشَرِيَّة المِضيَافَة
ووجُودها فِي الدُّنيا إِضَافَة
هِيَّ الحِكَايَات المِتشَافَة اللِي بَقَالها زَمَان

[المقطع الثالث]
مَصر المَنصُورة، تَوَارِيخ مَحفُورَة
نَاس تِحمِد وِتقُول مَستُورَة مَعَ كُلّ أَدَان
خُطَب الشَّعرَاوِي، صُوت الطَّبلاوِي
ومَوَاعِظ البَابَا شنُودَة اللِي تحَسِّس بِأَمَان
سَلِّم عَلىَ بَلَد السُّنبَاطِي وطَهَ والعَقَّاد
ونَجِيب وشَاهِين فِي حكَايَة كَانِت بَطَلِتها سُعاد
سَيِّد دَروِيش وأَحمَد شَوقِي وعَبدِ الوَهَّاب
وأَسَامِي كتِيرَة ونَاس تَانيَة لا يُمكِن تِتعَاد
هِنَا بِيت العِيلَة، هِنَا لَو جِيت لِيلَة
سِيب نَفسَك تَاخدَك زَحمِتهَا تِلاقِيك دَافيَان

[اللازمة]
سَلِّم عَلىَ مَصر شَارِع شَارِع عِنوَان عِنوَان
سَلِّم عَلىَ مَصر وَاحِد واحِد، بِالإِسم كَمَان (سلم)
سَلِّم عَلىَ مَصر شَارِع شَارِع عِنوَان عِنوَان
سَلِّم عَلىَ مَصر وَاحِد واحِد، بِالإِسم كَمَان
تِيجِي مَرَّة لمَصر هَتِيجِي تَانِي
ووَصِيِّة جِدِّي الرَّحبَاني
أَقسِم نُصِّين قَلبِي مَا بِينهَا ومَا بِين لِبنان
سَلِّم عَلىَ مَصر، سَلِّم عَلىَ مَصر
سَلِّم عَلىَ مَصر (عَلىَ مَصر)

- هبة طوجي

كلمات أغنية عشوائية

كلمات الأغاني الشهيرة