a b c d e f g h i j k l m n o p q r s t u v w x y z 0 1 2 3 4 5 6 7 8 9 #

مريم صالح & zeid hamdan - nixon baba - نيكسون بابا - maryam saleh كلمات أغنية

[المقطع الأول]
شرَّفت يا نيكسون بابا
يا بتاع الـ water gate
عملولك قيمة وسيما
سلاطين الفول والزيت
شرَّفت يا نيكسون بابا
يا بتاع الـ water gate
عملولك قيمة وسيما
سلاطين الفول والزيت
فرشولك أوسع سِكة
من راس التين على مكة
فرشولك أوسع سِكة
من راس التين على مكة
وهناك تنزل على عكا
ويقولوا عليك حجّيت

[اللازمة]
وأهو مولد ساير، داير
شي الله يا أصحاب البيت

[المقطع الثاني]
جواسيسك يوم تشريفك
عملولك دقة وزار
تتقصع فيه المومس والقارح والمندار
جواسيسك يوم تشريفك
عملولك دقة وزار
تتقصع فيه المومس والقارح والمندار
والشيخ شمهورِش راكب
ع الكوديا وهات يا مواكب
والشيخ شمهورِش راكب
ع الكوديا وهات يا مواكب
والشيخ شمهورِش راكب
ع الكوديا وهات يا مواكب
وبقيت الزفّة عناكب
ساحبين من تحت الحيط
[اللازمة]
وأهو مولد ساير، داير
شي الله يا أصحاب البيت

[المقطع الثالث]
عزَموك فـ قالوا “تعالى، تاكل بونبون وهريسة”
قُمت إنتَ لإنك مَهيف
صدَّقت إن أحنا فريسة
عزَموك فـ قالوا “تعالى، تاكل بونبون وهريسة”
قُمت إنتَ لإنك مَهيف
صدَّقت إن أحنا فريسة
طبيت، لحقوك بالزفّة
يا عريس الغفلة، يا خِفّة
طبيت، لحقوك بالزفّة
يا عريس الغفلة، يا خِفّة
هات وشك خُد لك تفة
شوبَش من صاحب البيت

[اللازمة]
وأهو مولد ساير، داير
شي الله يا أصحاب البيت

[المقطع الرابع]
خُد مني كلام يبقى لك
ولو إنك مش هتعيش
لا هقول أهلًا ولا جهلًا
ولا تيجي ولا ما تجيش
خُد مني كلام يبقى لك
ولو إنك مش هتعيش
لا هقول أهلًا ولا جهلًا
ولا تيجي ولا ما تجيش
بيقولوا اللحم المصري
مطرح ما بيسري بيهري
بيقولوا اللحم المصري
مطرح ما بيسري بيهري
وده من تأثير الكُشري
والفول والسوس أبو زيت
[اللازمة]
وأهو مولد ساير، داير
شي الله يا أصحاب البيت

- مريم صالح zeid hamdan

كلمات أغنية عشوائية

كلمات الأغنية الشائعة حالياً