a b c d e f g h i j k l m n o p q r s t u v w x y z 0 1 2 3 4 5 6 7 8 9 #

مروان موسى - matar (remix) - (ريمكس) مطار - marwan moussa lyrics

[المقطع الأول]
هدّيك سببين
الدنيا غريبة والغيرة في العين
أربعة وعشرين سنة بصراحة مش عارف تيّارها واخدني ورايحين على فين
بحب الهزار بس حاسب النار
عيلتي من البلد وبناخد التار
وقت المعركة مش بدي إنذار
لازم قرار
حاسس إن أنا في مطار
وصلت متأخر ومش لاقي تذاكر
الناحية دي مسافر
الناحية دي مهاجر
بس من الآخر
إللي في أصولي ورجولتي ده نادر
وفي زمن السوشيال عبادة اللايك بتخلي المحترم كداب ومنافق
واثق من نفسي ومش لازم أتّنك في القعدة وأفهم الناس إني خارق
يمكن دي غلطة
شوفوا الأغاني إللي ضاربة
لأ المجال مش في ورطة
طبيعي الغلابة بتدوس على بعض عشان يبقوا في يوم من الأيام العمالقة
ما أحبش أشتكي
بحب أبقى واضح مع نفسي وأدوّر وألاقي غلطتي
فعرفت سكتي
هنا في دايرتي
أفكارنا في الجون وكلامنا منطقي
شفت حب، كره، خيانة، غدر
الكلام رخيص والكدب سهل
بقيتو إزاي أعداء ما كنتو أهل
بقيّم الشخصية مش الشكل
وبمناسبة الشكل
ما يغرّكش لون الشعر
إنك تقل مني صعب
هتلاقي نفسك إتسرعت
هتلاقي الضرب ورا بعض
حقي بيتسابش والشخص إللي بيجي في سكتي بفضاله
لو مش واصلاله
فمعايا الكتيبة، هنسمم البيرة ونسرب أسراره
في الماضي فوّتّ في مواقف كتير وإتخدعت
وإتعلمت فيما بعد
إن فيه إللي بيهرج، لو جت على حسابي هتغابى والذكرى هديها بالكعب
[جسر]
إنسى إللي حصل
لما ينزل المطر
وعد كان بينا وإتكسر
بنثق في كلاب وبنخوّن البشر
شفتو سخرية القدر

[المقطع الثاني]
ممتن لمواقف خلتني أبقى راجل
قدامي إختيار وربما يكون خاطئ
مش هقعد أماطل
الدنيا بتتغير فلازم هنخاطر
هنجازف ونفوز مش هنعيش من سكات
مش بتتشاف ورا شيش وشباك
بفهم في الفن وبتكلم لغات
فعلاً فيش وقت للتأملات
ولا البكاء
الناس دي بتتباهى بالبخل
في حاجة أهم من الشغل
رايح البلد، راجع من البلد
كل أسبوع، عمري ما دُخت
عمري ما كنت أي حاجة غير أسطورة
برة المزيكا أسطورة
الناس دي مجرد مشهورة
في الحقيقة غير الصورة
جوايا وجع مش هينفع يتحكي في أغنية حزينة
خواطر مؤلمة، نفسية تعبانة
عين مزغللة والنية سليمة
عاملينلي أجانب وبيكرهوا نفسهم
إرجعوا لأصلكو، الثقافة دي إتهانت
الثقافة دي إتهانت
إيه

- مروان موسى lyrics

كلمات أغنية عشوائية

اهم الاغاني لهذا الاسبوع