مروان موسى - maba2etsh bahtam - مبقتش بهتم - marwan moussa lyrics
[المقطع الأول]
لازم أعيش في الرماد والسواد، إفرض أنا مش راضي
الليلة دي زرقا والليلة دي سودا والحبس إنفرادي
خفيت الألوان وإنسحبت، بوّظت مزاج الكآبة
بكلم البدر وبكلم السما وبيشدوا السحابة
العدل معووج بس الظلم معدول
الحزن من البوق للبوق منقول
ما بقيتش مهتم بالجزء المجهول
بصحى ع الفجر وتيشيرتي مبلول
نيتي كانت صافية، رموني في الزير
بإيديا ورجليا حاولت إني أطير
محاولة ومحاولة في اليوم الأخير
كان نفسي للفشل مجرد تفسير
والخُلق بيتسد
بعيش الكابوس إللي حلمته من قبل
والبهجة دي بتيجي وبتروح وبتتشد
حكاوي قديمة من الروح بتتكب
عايز أبقى لوحدي، مش قاصد أغور
في نص التعليم قُمت ناطت من السور
النقص والخوف من صفات الغرور
الثقب في نفسيتي قام شافط النور
[اللازمة]
دنيتي ضلمة مش بتشوف الشمس
إستغنيتو عني وركنتوني على جنب
الحمد لله عمري ما غلطت في حد أبدًا
بس الكره عماني وملاني غم
ما بقيتش بهتم، ما بقيتش بهتم
مش مستنيكو تتأسفوا وتحسوا بالذنب
ما بقيتش بهتم، ما بقيتش بهتم
طول عمري خايف ع الزعل، ما بخافش من الدم
[المقطع الثاني]
الوقت ده وهم، كلنا شايلين بس برضه أنا بجري
عايش لبكرة رغم إن ضمانه منتهي من بدري
الساعة بتقول للأيام القيامة هتقوم خلي بالك
تاريخ إنهاردة هيروح في المراية وإمبارح مش فارق
خايف العيش والملح يكون بارود
خايف الأرانب دول يطلعوا أسود
خايف إللي إهتموا يتعاملوا ببرود
وأضطر أتعامل أنا بنفس الأسلوب
مستحيل ما دام حلفت
قلبي إسود، مش إيفيكت
إنتَ وسخت، أنا عرفت
عمري ما جيت على حد بس إنتَ إتلككت
وفي يوم كنا أخوات وإتكشفنا أنا وإنتَ ع الشاش
وإحنا الإتنين ما بننساش
لو عندي مشكلة مع حد بقول مش بخاف
هتغلطني، لأ ما فيهاش
بُص، تيجي دُغري معايا أديك المفيد
هم الدنيا على كتافي وبيزيد
لو أنا مش سالك مش هوصل لبعيد
ومش إنتَ إللي هتحاسبني، ده أكيد
[اللازمة]
دنيتي ضلمة مش بتشوف الشمس
إستغنيتو عني وركنتوني على جنب
الحمد لله عمري ما غلطت في حد أبدًا
بس الكره عماني وملاني غم
ما بقيتش بهتم، ما بقيتش بهتم
مش مستنيكو تتأسفوا وتحسوا بالذنب
ما بقيتش بهتم، ما بقيتش بهتم
طول عمري خايف ع الزعل، ما بخافش من الدم
كلمات أغنية عشوائية
- sterlan - новая жизнь (a new life) lyrics
- cold cole - never be the same lyrics
- pháo - một ngày chẳng nắng lyrics
- whereiscartman - 2020 lyrics
- hallucinatrix - imaginary friend lyrics
- kanye west - by your side (j.lauryn reference) lyrics
- lake midnight - keeps lyrics
- hamsterdam 7 - ronald koeman! lyrics
- sexyy red & tay keith - pound town (bass boosted) lyrics
- dom corleo - rockstar drugz lyrics