a b c d e f g h i j k l m n o p q r s t u v w x y z 0 1 2 3 4 5 6 7 8 9 #

محمد منير - seroh el batea - سره الباتع - mohamed mounir كلمات الأغنية

[المقطع الأول]
والليل يجيب، ما يجيب الليل
جايبلي مين المرة دي؟
غوازي راكبة ضهور الخيل
ولا ديابة في توب قاضي؟
لو جاي طمعان في مذلة
في ألف ليل قبلك ولّى
رحايا ياما ع الغلة
وع الأعادي اللي تجيلك

[المقطع الثاني]
سرك قديم يا أم الأسرار
يعدوا روم ويعدوا تتار
قايدة لعداكي غيطان النار
وللحبايب قنديلك
قبل الزمن بزمن قبله
جه النور هنا وربط حبله
على القلوب اللي إتقابلوا
ومشيوا في ضل سبيلك

[المقطع الثالث]
الحر حر مالوش دية
ومات عشان ما تعيش هي
يكفيني من الناس أغنية
تخلد إسمه في مواويلك
موال بلدنا قديم أصله
كاتب لكل بطل فصله
يقع يقوم غيره يواصلوا
مين غير عيالك هيشيلك؟
وتعيشي ويفرق نيلك
شربات شهيدك ع المخاليق
ونقول دي خطوة جوة طريق
ما فيهش خطوة على الفاضي

- محمد منير

كلمات أغنية عشوائية

كلمات الأغاني الشهيرة