a b c d e f g h i j k l m n o p q r s t u v w x y z 0 1 2 3 4 5 6 7 8 9 #

عصام ساتي - naseem shabbal - نسيم شبال - esaam satti كلمات أغنية

‫[المقدمة: علي نصر الدين & عصام ساتي]
ساكن الجبال، الليلة مننا
خلى ناري نار، الليلة مننا
يوم عليَّ مال، الليلة مننا
ساقها بالشمال، الليلة مننا
‫أي

[المقطع: عصام ساتي]
دي نار كانون، أسمع، دا دق صفايح
‫الbar دا مسكون، إلا يقروا فيه المشايخ
‫لسان سنين، بقطع الrappers شرايح
‫aka عصام الدين، بظهر فبتقرا الشرايح
لسان مكسر، رطاني من نوري
بنفخ الكلام في بنشر بلعب بيه دافوري
زي بُختَنَصَّر من شدة غروري
‫بكتب الbar ما مفسر، قاعد أجس جمهوري
هادية طلْسم، تغاريد بلابل
إني إذا بتفلهم بطفي النماريد في بابل
لبسنا قوقو، في الرجل لابسين صنادل
‫فدي ما barـات، دي يا عِجل صفقة قنابل
عشان ديامي، رب الكلام السحري
بعرف بخش كتامي، بعرف بزوغ بالسحلي
أخوك ما حرامي بس سارق قلب من بحري
‫جايب المهر grammy والعقد في ستة سحري
نسيم شبّال، ود الجبال الستة
قاعد تحت شلال عامل القرن كسكتة
في الراس خلال، في اليد أساور فضة
إحنا الناس التقال، مواليد مناطق الشدة
ما في زول بينخس، تقيل ودمبعلو
معك الفيل، كلهم بيطعنوا في ضله
دايس في كله، ناقش، التايه بدلّه
فارش، الكلام بتلّه، وزّان، التقيل بقلّه
سايق جَمل، مركوب بتاع جلّابة
صايغ جُمل بس تقول ولد دهّابة
الله لي من البريدها ومن عذابها
عشان أم عيون بقلب الروزا بركابها
[جسر: علي نصر الدين]
ساكن جنبنا، مننا
الليلة مننا، الليلة مننا

[اللازمة: علي نصر الدين]
ساكن الجبال، الليلة مننا
خلى ناري نار، الليلة مننا
يوم عليَّ مال، الليلة مننا
ساقها بالشمال، الليلة مننا
ساكن الجبال، الليلة مننا
خلى ناري نار، الليلة مننا
يوم عليَّ مال، الليلة مننا
ساقها بالشمال، الليلة مننا
ساكن الجبال، الليلة مننا
خلى ناري نار، الليلة مننا
يوم عليَّ مال، الليلة مننا
ساقها بالشمال، الليلة مننا

- عصام ساتي

كلمات أغنية عشوائية

كلمات الأغنية الشائعة حالياً