a b c d e f g h i j k l m n o p q r s t u v w x y z 0 1 2 3 4 5 6 7 8 9 #

سيد درويش - quom ya masry - قوم يا مصري - sayed darwish كلمات أغنية

[المقطع الأول]
قوم يا مصرى مصر دايمًا بتناديك
خد بنصري، نصري دين واجب عليك
يوم ما سعدي راح هدر قدام عينيك
عِد لي مجدي اللي ضيعته بإيديك
شوف جدودك في قبورهم ليل نهار
من جمودك، كل عضمة بتستجار
صون آثارك يا اللي دنست الآثار
دول فاتولك مجد وإنت فوت عار

[المقطع الثاني]
شفت أي بلاد يا مصري في الجمال
تيجي زي بلادك اللي ترابها مال
نيلها جاي السعد منه حلال زلال
كل حي يفوز برزقه عيشته عال
يوم مبارك تم لك فيه السعود
حب جارك قبل ما تحب الوجود
إيه نصارى ومسلمين، قال إيه ويهود
دي العبارة نسل واحد من الجدود

[المقطع الثالث]
ليه يا مصري كل أحوالك عجب؟
تشكي فقرك وإنت ماشي فوق دهب
مصر جنة طول ما فيها إنت يا نيل
عمر إبنك لم يعيش أبدًا ذليل
يوم مبارك تم لك فيه السعود
حب جارك قبل ما تحب الوجود
إيه نصارى ومسلمين، قال إيه ويهود
دي العبارة نسل واحد من الجدود

- سيد درويش

كلمات أغنية عشوائية

كلمات الأغنية الشائعة حالياً