a b c d e f g h i j k l m n o p q r s t u v w x y z 0 1 2 3 4 5 6 7 8 9 #

حسام حبيب - te'eshy ma'aya - تعيشي معايا - hossam habib كلمات أغنية

[المقطع الأول]
تعيشي معايا في الجنة تمليها
وتخرجي منها بإرادتك ونتفارق
وتكدبي كدبة في خيالك تعيشيها
وتعملي إني مش فارق وأنا فارق
تعيشي معايا في الجنة تمليها
وتخرجي منها بإرادتك ونتفارق
وتكدبي كدبة في خيالك تعيشيها
وتعملي إني مش فارق وأنا فارق

[اللازمة]
وترجعي تاني بعد البعد ما يهدك
ويضعف قلبي من الدمعة اللي على خدك
وكالعادة تقولي وإنتي حاضناني
أنا آسفة ومش هعمل كده تاني

[المقطع الثاني]
وترجعي تاني نتفارق وبسذاجة
تروحي لسكة النسيان وتمشيها
وتشغلي وقتك الفاضي بكام حاجة
دواير عايشة طول عمرك تلفيها

[اللازمة]
وترجعي تاني بعد البعد ما يهدك
ويضعف قلبي من الدمعة اللي على خدك
وكالعادة تقولي وإنتي حاضناني
أنا آسفة ومش هعمل كده تاني
[جسر]
لكن المرة دي غير كل اللي قبليها
لقيت نفسي خلاص وإرتحت في غيابك
ومن كتر الحاجات اللي عملتيها
آدي اللي إنتي كتير سبتيه خلاص سابك

[الخاتمة]
ما ترجعيليش ومهما البعد هيهدك
خلاص مش فارقة كام دمعة على خدك
بقولهالك عشان البعد قساني
أنا آسف ومش هعمل كده تاني

- حسام حبيب

كلمات أغنية عشوائية

كلمات الأغنية الشائعة حالياً