![kalimah.top](https://kalimah.top/extra/logo.png)
الفرعي - nashif - ناشف - el far3i lyrics
“كلمات الفرعي “ناشف[المقطع]
حاجز أمني قمعي حجب على أفكاري
عملوا مني مصاري لإني عم بدوّر عداري
مكنتش منتبه إنه إصراري إله هدف تجاري
فبالتالي مؤيد معارض صار سؤال استنكاري
بدكم وضوح أكتر.. بقدر أعبر عن شعب أجبر على دخول مرحلة أخطر
مراحل فواصل.. حال متواصل.. أبشر
حلل نظّر.. طفل بدرعا متفزر
مرمي بالشارع وإحزر مين الممول ؟
كل ما تتنوع الأجوبة اعرفوا إنه وضعنا مطول
هلأ بدكم تعرفوا مني أنا بالزبط مع مين
الغريب إنكم خايفين من الاحتلال وإحنا مُحّتلين
العجيب بعواصم الغرب إنهم بربيعنا متسليين
عنا إبصر شيوخ السلاطين شو بقولوا للمصليين
ناشف.. ناشف
وكل ما حدا بيستفسر بنجاوب من قفا الإيد ملاحظ وعارف
بس ما بقبلها من اللي وصلني لهيك فما استنيت
لو إني استنيت.. تمالكت أعصابي وما دخلتنا فالحيط
ناشف
قلّي شعبك ناشف.. قلتله ناشف كيف
قلّي شعبك ناشف.. قلتله إحنا هيك
وما استنيت.. لو إني استنيت تمالكت أعصابي وما دخلتنا فالحيط
ناشف
مش ضروري تقوم تصيّح.. مش ضروري تقوم تصِيح
مش ضروري تيجي تفجّر… مش ضروري تهد البيت
ولو إنك مش جاي تغيّرني.. لو إنك تنزل عندي فالبيت
أشياء كتير بتضحكني.. الباقي هيو حوليك
فلا يروح مخك لبعيد.. هذا اللي على وجه الشعب مجرد تجاعيد
الشعب العربي قرر يلفظ كلمة حرية
أسرة بالأردن انقسمت نصين على سوريا
الصراع فكري فشككونا بثورة تونس.. وقالوا عن الجزائر والمغرب إنها بلاد بتقومش
باليمن أمريكا لقت للشباب حل بديل
في البحرين إزا كنت من الأغلبية بقولوا عنك دخيل
قانون جديد في الكويت عشان يقعدوك في البيت
لما قالوا ليبيا صارت زي العراق انجنيت
قمت حكيت بس فلسطين ما كانتش على البال
بتمنى أي عربي ماشي بالإمارات يتذكر الصومال
بلبنان الناس تعبت من الآراء المتفارقة
الانقسام بالسودان خسرنا إخواننا الأفارقة
أسر ضحايا الجفاف بجيبوتي ظروفهم حارقة
والسعودية لو أرادت بتكون قوة خارقة
خجلان أقول لأي حدا في مصر يتحلى بالصبر
من عُمان لموريتانيا.. القهر لجزر القمر
وطني حبيبي الوطن الأكبر.. كل ما أشوفك على التلفزيون عيني بتحمر
بتمني قطر تبعتلي قطرة على شان أتقطر
لإنه كف الإنجليز لساته على وجهي مسطر
فبدي أبطل أحكي بالعقل والجنون.. العظمة النغمة العامة مؤامرت وظنون
عربي أصلي عاى التلفزيون بصورة عشوائية.. لأ عربي هون فنون أدائية
لإنه هاد مايكروفون على شكل بندقية
كيف انقلبت الطاقية بس بصورة بدائية
ماذا نحن بفاعلين في المراحل القادمين.. هل نحن بمستعدين لإقناع المترددين
سياسة دين.. خلافة مين.. إزالة رجيم
أتى بإنقلاب ليحكم من سنين
كنت مع ضد حليف ند
أكمن سنة لقدام الرؤية اللي في بالك بتمد
إزا ما في خطة عربية قولوا عشان نعرف وين الغلط
وزي ما انت سامع اللسان العربي لسة ما فرط
وعلى فرض إنا استعدنا بعض من التواصل
من خلال شبكات التنازل عن التساؤل
الخطوط الحمر.. الوجوه الصفر
الهنود الحمر بفلسطين حملوهم رايات خضر
رؤية زوال الاحتلال محاربين سمر
جايين من قارات سامعة مية مرة نفس العذر
مرحلة الطغاة اتبدلت بعمال مياومة.. بس المرحلة القادمة عولمة المقاومة
ولو إنك مش جاي تغيرني.. لو إنك تنزل عندي في البيت
أشياء كتير بتضحكني.. الباقي هيو حوليك
فلا يروح مخك لبعيد.. هذا اللي على وجه الشعب مجرد تجاعيد
ناشف
كلمات أغنية عشوائية
- mesut kurtis - rouhi fidak lyrics
- ian bravender - you might be surprised lyrics
- versus.xx - foreign.xx lyrics
- speedheads - isprid dućana lyrics
- тони мальдони (tony maldoni) - интро (intro) lyrics
- mon cher - all we make lyrics
- reyko - siempre estaré contigo lyrics
- fox beach - beach bum radio lyrics
- vae vanilla - not yours lyrics
- tennessee will - check out upcoming actor tennessee will lyrics