a b c d e f g h i j k l m n o p q r s t u v w x y z 0 1 2 3 4 5 6 7 8 9 #

الدخلاوية - hard core - هارد كور - el dakhlowya lyrics

[فيلو]
إصحى للعصابة كخ أبابا ما تعافرش
فرقة النزاهة اللي داست أي قرش
اللي يروح معاها يعيش حياته ما أفتكرش
إبعد عن طريقها بنصحك وما تغامرش
اللي قالو قالو لما كنا مريحين
بس جينا تاني دي المفاجأة مبسوطين
مش هنخلي شبر لأي شلة محدثين
دخلاوية شعب أعلى كعب إنتو مين

[حودة ناصر]
الحلو قلبه جابه وجي معاه صحابه
إديته فوق دماغه بوم بوم جري بكلابه
الجرأة مش غشامة لفينا شفنا ياما
وفي أي حتة صاحبي نروح نروح نسيب علامة
الغدر فيكو ظاهر بلاش كدب ومظاهر
متربي في البارات وقال وقال عاملي طاهر
زمن ماشي بالفقاقة من غير تعب وطاقة
ممكن في خبطة جامدة جامدة تعمل الإنطلاقة

[فيلو]
عيال عويلة عايشة بالأونطة والكلام
وكله يابا للجنيه بيضرب التمام
وصحبة خاينة باينة جاية راكبة ع السلام
ما يعرفوش دلوقتي عيب مافيش خلاص حرام
صاحبك مستني فرصة تبقى فيها مش باصصله
عشان يلعب معاك لعبة خيانة يقل أصله
ومش هيجي غير لو الزمن كسر مفاصله
ويمسك الفلوس تقعد سنين عشان تراسله
[حودة ناصر]
الدنيا فينا عصرة وكسرة بعد كسرة
عشان مالناش حساب وفلوس في بنوك سويسرا
في ناس واكلينها والعة في الكرش ياما بالعة
بيعدو فجأة يدوسو على العالم اللي طالعة
الحقد والسواد دلوقتي حجمه زاد
في ضربة غدر جاية جاية ما أعرفش الميعاد
حواليا ناس ديكور لعبوني هارد كور
في الضهر يضربوني ضرب ضرب أتعب شهور

[فيلو]
لسه في الحواري لينا سيرة هيقولها
علمنا الرجولة لجيل جديد وهينقلوها
إحنا زي ما إحنا مستحيل هنكبروها
جت معاك غلط وعايزها عركة نبداؤها
قلبي كله قسوة من غباوة الظروف
قابلنا كتير حاجات خليتنا ننسى أي خوف
حياتنا زي كلمة بس ينقصها الحروف
يعني الشغلة بايظة إضربونا بمولوتوف

[حودة ناصر]
الحظ مش مساعد والدنيا مش جميلة
والحال نايم وقاعد والفكر كل ليلة
ما أعرفش بس مالي ومين يشيل بدالي
رخصت كنت غالي دي الفلوس يا ناس وسيلة
تعيشها بالصياعة تكوش ع البضاعة
الناس تقلب كلاب وتمشي معاك بطاعة
السلطة والعلاقة بتبنيلك صداقة
تخلي كله يحلم يدخل معاك شراكة
[فيلو]
ناس بنعرفوها من سنين ويتعبونا
وناس يادوب أهو متعرفين وريحونا
وناس كلت معانا في النهاية جوعونا
وناس نروي عطشها بس هما يعطشونا
الفلوس تخلي أي خد ليك مداس
الرجولة كلمة جالها من الغدر إحتباس
إوعى تقولي إن اللي حوالينا دولا ناس
كلاب ذئاب مالهاش لازمة من الأساس

[حودة ناصر وفيلو]
بعد الفراق يا فيلو عشرة تاني جمعتنا
في عيش وملح يا حودة وذكريات في منطقتنا
إسم وتاريخ نجاح وياما ناس ركبت في سيطنا
الرجعة ديا بوم واللي جاي كله براحتنا
الشظية جت تدمر لا عزاء الحاقدين
إحنا المجال مجالنا إنت بابا تبقى مين
وعشان ظبطنا حالنا خلاص بقينا مكروهين
عايزيننا نبقى فشلة زيهم ومريحين
يا عم فيلو بطل إبداعات ليحسدونا
العين علينا شدة وإنت فاهم الزتونة
سمعهم الكلام عشان خلاص هيوحشونا
يا شاعر الغية دول صعب حتى يحصلونا
هنقولو فرخة وجيمي في الإدارة ظبطونا
وهنتخم بالدخيلة دخلاوية شرفونا
(وهنتخم بالدخيلة دخلاوية شرفونا)

- الدخلاوية lyrics

كلمات أغنية عشوائية

اهم الاغاني لهذا الاسبوع