a b c d e f g h i j k l m n o p q r s t u v w x y z 0 1 2 3 4 5 6 7 8 9 #

الجوكر - bandool - بندول - el joker lyrics

[المقدمة]
مفهوم لو سال لعابك
خصوصاً وإحنا في غابة
الناس فاكرانا دوسنا زرار بقينا نضاف، غلابة
فاكرينه فيلم بطله طلع من القاع وعاش في خط
فاكرين الضلمة رحلة الناس بتروحها صد رد

[المقطع]
بتمرجح بيني وبيني بندول
تايه في راسي بتخبط على طول
كلمت نفسي تناديلي المسؤول
قالتلي مشغول
في كلاب في راسي قعدت سنين بطفح فيها
بس هي ليه ما سكتتش أما فهمت الحقيقة؟
نفسي أوقف الزمن دقيقة
لكن ما تسيئش الفهم
كل ده وأنا في نعمة مش في ضيقة
لكن خلاص ما عادش جنب الصح نجمة
كل حاجة بتبقى أصعب أما بنكبر
كل حاجة بتبقى أرخص أما بتكتر
بنعوزها وأما تحضر
نعيد تفكير
هو إحنا بنكسب ولا بنخسر؟
تبدأ تفكر هل فعلاً في شيء مهم
مستني حد يقول فركش
تطلع حياتك أصلاً فيلم
أو تجربة من أجل العلم
أو حتى تطلع حلم
لا حلم إيه، ده إنت في كابوس
مستني حد يقولك بم
فوق كتافك هم
يومك كله غم
زي ما تكون الدنيا واخدة منك جنب
تصحى تشوف هتشيل ولا تشيل الذنب
سباق وآخره عضمة، ليه إنت كلب؟
وما حدش هيشيل عنك، شيل إنت
عالم محاكاه، مافيش أشخاص، في إنت
ما بقاش سؤال، بقيت تتنفس ليه إنت
ولإمتي؟
عجيبة تقلبات وجهات نظر الواحد منا
بفتكر أنا المراهق أقول أكيد في الواد ده إن
كإننا إتشقلبنا مش إتغيرنا سنة سنة
نمنا عيال صحينا كبرنا
نجري الدنيا تجري أسرع
الناس مكن في مصنع
طريقنا مهلك، مطلع في مطلع
مش بعرف أمنع نفسي إني أطمع
هاتوا اليقين وأنا آجي عند الشك وأقطع
كوني عارف إن العيشة لحظة وقافش فيها مؤلم
أنا ليه مش عارف أسيب مع إني حاسس نفسي مؤمن؟
لسه عايز أملك الدنيا وده شيء مقلق
بس بقى لبيتي مش عشاني
هل ده خير؟ ممكن
في العشرينات تحيا الصحاب، العيلة قدمت
ع التلاتينات راحوا الصحاب والعيلة فضلت
سنين راحت مش راجعة وللزمن ديون وكترت
والعيشة من أصعب لأصعب لأصعب، بجملة
وأدينا في الدنيا بنقضي ليلتين
بدأنا نفهمها في آخر ساعتين
يادوبك نسدد الدين
السكة مش سهلة، وقصدي الإتنين
بس إحنا على ميعادنا
بنحاول نبقى أحسن من ذاتنا
عمر لوم غيرنا ما فادنا
بنحاول ما نتوهش في العتمة

- الجوكر lyrics

كلمات أغنية عشوائية

اهم الاغاني لهذا الاسبوع