a b c d e f g h i j k l m n o p q r s t u v w x y z 0 1 2 3 4 5 6 7 8 9 #

إيفل - el 7up w el mawada - الحب والمودة - e evil كلمات أغنية

[مقدمة]
إديت الحب والمودة
أجازة طويلة بدون مُرتب
وكل مرة أكون مؤدب
الدنيا دي‫—

[المقطع الأول]
كل ده راح
مصلحتي أولًا والباقي طشاش
جضيت من نومة البلاط
ودن بتسمعني والتانية طناش
كده بَح كرامات
أنا إتدبحت حوارات
ما تصدقش الإنبساط
الضحك ده وراه خراب
أنا لو ما بكتبش، أنا كنت إنتحرت
أنا لو ما برابش، أنا كنت سطرت
أنا كنت بقيت زي الباقي بالظبط
بدور ع الفرحة في الفركة والضرب
أنا جوايا حرب بس إنتَ مش حاسس
الإختلاف كلفني ياما
مشاكل في البيت ومشاكل في الشارع مع أهل أحلامها بتصارع أحلامك
عايزينك دكتور، عايزينك علّامة، عايزينك محترم، عايزين الشهادة، عايزينك تتجوز وقدوة لولادك
ناسيين إن العيشة دي بنت مـ‫—
إحنا فيها كل حاجة بس لينا فيها ولا حاجة
فأنا مش باقي على حاجة ومش هسيب لحد حاجة
[اللازمة]
إديت الحب والمودة
أجازة طويلة بدون مُرتب
وفي كل مرة أكون مؤدب
الدنيا دي بتشد السالخة
كل نكتة تقولها كنت بتضحك
كل نكتة أقوبها تقولي بايخة
أنا الوحيد في وسط اللمة
الوحيد في وسط اللمة

[المقطع الثاني]
وهو ده الحال، المُر في العيشة والحلو في الشاي
أحبك إزاي؟
قولي للي حاطط الفيشة دي يشيلها عشان الخزان مليان على الأخر ولو إنفجرت هقلبها يابان
عليا الحرام لو الأرق ما راح، ما في حد هينام
(ياه، ياه، ياه)
يا تواسونا يا تسيبونا
ليه تغطسونا وتسيبونا
لما إنتو بجد بتكرهونا ليه وقفتو معانا وخدتو الصورة، ليه؟
يا تواسونا يا تسيبونا
ليه تغطسونا وتسيبونا
لما إنتو بجد بتكرهونا ليه وقفتو معانا وخدتو الصورة
قولولنا إزاي بتهونوها؟
إزاي العِشرة دي بتنسوها؟
ليه كل حاجة بتقولها عكس اللي إنتو بتعملوها؟
[اللازمة]
إديت الحب والمودة
أجازة طويلة بدون مُرتب
وفي كل مرة أكون مؤدب
الدنيا دي بتشد السالخة
كل نكتة تقولها كنت بتضحك
كل نكتة أقوبها تقولي بايخة
أنا الوحيد في وسط اللمة
الوحيد في وسط اللمة

- إيفل

كلمات أغنية عشوائية

كلمات الأغنية الشائعة حالياً