a b c d e f g h i j k l m n o p q r s t u v w x y z 0 1 2 3 4 5 6 7 8 9 #

أيتن عامر - motheera lel gadal - مثيرة للجدل - ayten amer كلمات أغنية

‫[كلمات أغنية “مثيرة للجدل”]

[المقطع الأول]
لو جامدة في قصف الجبهات
آخرك تلميذة في مدرستي
إتفرجي بقى ع النجمات
إكتبي ورا مني وإتبسطي
كراستك مليانة غلطات
سايباها وباصة في كراستي
أنا صوري تملا مجلات
مش زيك صوري في محفظتي
مش كنا حبايب وإخوات
وإنتي اللي بدأتي وغلستي
وإشمعنى كلامي أنا بالذات
خدتيه على مقاسك ولبستي

[اللازمة]
مثيرة للجدل
مش بالفساتين ولا بالبدل
في ناس لازم تشوف العين الحمرا تتعدل
مثيرة للجدل
مش بالفساتين ولا بالبدل (إنسي)
في ناس لازم تشوف العين الحمرا تتعدل

[فاصل]
أحلى مسا عليكي يا صفرا
يلا، يلا
لالالالا
لالالالا
لالالالا
[المقطع الثاني]
لو لازمك حبة لايكات
أتصور جنبك صورة سيلفي
لو هتقضيها مجاملات
قولي للناس إنك من طرفي
مش لازم تدخلي خناقات
علشان تتشافي وتتعرفي
لو بينا مسابقة ملكات
مش سهل كمان تبقي وصيفة
ده الفرق ما بين الدولارات
وما بين يا حبيبتي التعريفة
أنا ملكة قصف الجبهات
وأديني بعملك تشريفة

[فاصل]
لالالالا
يلا
لالالالا
يلا
[المقطع الثالث]
لو هبت منك بجنان
فأنا بالنسبالك خط أحمر
لو كانوا الناس بالألوان
لونك كان يبقى اللون الأصفر
خدي مني نصيحة بالمجان
إتقي شري وطريقك أخضر
أنا أول ما أظهر في مكان
من غير مجهود باخد اللقطة
تمثيلك زي المانيكان
صفر كاريزما وأفلام هابطة
وأديكي عرفتي العنوان
أصلك بصراحة زبونة لُقطة

[اللازمة]
مثيرة للجدل
مش بالفساتين ولا بالبدل
في ناس لازم تشوف العين الحمرا تتعدل
مثيرة للجدل
مش بالفساتين ولا بالبدل (إنسي)
في ناس لازم تشوف العين الحمرا تتعدل
مثيرة للجدل
مش بالفساتين ولا بالبدل
في ناس لازم تشوف العين الحمرا تتعدل

- أيتن عامر

كلمات أغنية عشوائية

كلمات الأغنية الشائعة حالياً