a b c d e f g h i j k l m n o p q r s t u v w x y z 0 1 2 3 4 5 6 7 8 9 #

أمجد جمعة - ta'er elfiniq - طائر الفينيق - amjad jomaa كلمات أغنية

[المقدمة]
كترت عليّ الأسئلة، كيف ومتى وأين وإلى؟
یا الكنت الناس شاغلها معقول ضوك طفى؟
وأنا اللي شلت هموم، أيام ما دوق النوم
كم مرة من تحت الرماد نفض وقوم؟

[اللازمة]
وأنا لسه بأول طريقي
لسه ما فرحت بنجاحي
لسه ما لمع بريقي
تحاصرت من كل النواحي
أنا طائر الفينيق، لسه ما فردت جناحي
رميوني بالنار ورجعت ولدت من رحم حريقي

[المقطع الأول]
أنا ضوي ما إنطفى، ضوي إنعمى
الدموع حجبتلي السما
خانتني الأيام وخذلتني
يا بتهزمني يا بهزما
وكل إيد إنمدت ع قلبي
بس إرجع ما رح إرحما
والعين اللي صابتني بحسد
إن شاء الله بتبلى بالعمى

[جسر]
وبما إنه الدنيي هيك
يوم إلك، يوم عليك
يوم بتصافحك بحرارة
ويوم بتلويلك إيديك
لكن يا سنيني تفائلي
راجع عدل هالمسألة
أقلب الموازين لتصير
يوم إلي ويوم إلي
[المقطع الثاني]
إرقص ع أنغام الماضي ويخلق فيني شخص جديد
وعمر محكمة وأنا قاضي وكلكن بقفص الحديد
يلا الوجوه شلحوا، مين قال ماتوا اللي إستحوا؟
يا اللي ما جدف معي ع الشط إوعى إلمحه
إوعى، إوعى، إوعى

[المقطع الثالث]
بعلمي هو ناسي وأحبابي بس يلا صغيرة ومعليش
طلعوا مع السبع دياب، خانوا الملح والعيش
قولوا للمنتظر غيابي نجمي عالي وما بينطال
إلا يعودوا يدقوا بابي ورح يبرم دولاب الحال

[اللازمة]
أنا لسه بأول طريقي
لسه ما فرحت بنجاحي
لسه ما لمع بريقي
تحاصرت من كل النواحي
أنا طائر الفينيق، لسه ما فردت جناحي
رميوني بالنار ورجعت ولدت من رحم حريقي
لسه بأول طريقي
لسه ما فرحت بنجاحي
لسه ما لمع بريقي
تحاصرت من كل النواحي
أنا طائر الفينيق، لسه ما فردت جناحي
رميوني بالنار ورجعت ولدت من رحم حريقي

- أمجد جمعة

كلمات أغنية عشوائية

كلمات الأغنية الشائعة حالياً