![kalimah.top](https://kalimah.top/extra/logo.png)
أحمد فيجو - lesa bahbek - لسه بحبك - ahmed figo lyrics
[المقطع الوحيد]
لو كان في قلبك حب ليا كنتي ما نستينيش
ده أنا كنت قلت إنك بقيتي خلاص ما بتحنيش
متسابة ولّا قوام أنا جيتلك في بالك
أنا مش بحاول أجرحك بس إنتي فهميني
أيام زمان أنا كنت طيب والنهاردة كمان
طيب عشان ما أقدرش أشوفك وإنت كده زعلان
بقى ده اللي كان قاسي عليا وقلبي جرح فيه
هاتي قساوتك أنا في عذاب ويلا علميني
هقدر لو غبت في يوم عنك ما أسهرش وأنام الليل
وأستحمل أشوفك زعلانة وقلبي ما يدوقش الويل
وكمان محتاج أتعلم منك إني أبعد وأغيب
وكمان ما أوفيش بوعودي على حبة كدب وتمثيل
محتاج أتعلم منك إني أنسى حبايبي وأكون عادي
من غير أسباب ما أعملش حساب لوجعهم وأفضل هادي
أهو يبقى عملتي معايا جميل لو حابة إنك تراضيني
معلش تعالي على نفسك يا حبيبتي عشاني المرة دي
وعشانك إنتي غالية عندي إوعى تقوليلي أعلمك
لو خدتي طيبتي صدقيني هتجرحك وهتئلمك
ده أنا عشت ياما أتمنى إني ألمحك وأكلمك
حتى إسألي صورك معايا عن الغياب هتفهمك
لو كنت زيك كان زمانها إتقطعت أو إترمت
بالعكس لأ دي أحسن منك، كانت في إيدي إتكلمت
لو زيّ بعض أنا وإنتي عمره ما كان فراقك هدني
ولا كانت إيدينا تاني مرة قابلوا بعض وسلمت
أنا لسه بحبك بس وجودك أنا مش واثق فيه
كان نفسي أكون واحد تاني غير اللي إنتي عرفتيه
نسيتيه ونسيك وبقى مش ليكي وشاف أحواله وعاش
مش واحد ميت مستنيكي إنك تيجي وتحييه
محتاج أتعلم منك إني أنسى حبايبي وأكون عادي
من غير أسباب ما أعملش حساب لوجعهم وأفضل هادي
أهو يبقى عملتي معايا جميل لو حابة إنك تراضيني
معلش تعالي على نفسك يا حبيبتي عشاني المرة دي
لو كان في قلبك حب ليا كنتي ما نستينيش
ده أنا كنت قلت إنك بقيتي خلاص ما بتحنيش
متسابة ولّا قوام أنا جيتلك في بالك
أنا مش بحاول أجرحك بس إنتي فهميني
كلمات أغنية عشوائية
- aunty jack - farewell aunty jack (single version) lyrics
- los straitjackets - la suegra (mother in law) lyrics
- sol pereyra - me olvidé lyrics
- peacehead - gush lyrics
- hadassah perez - envia-me lyrics
- lovkn - o holy night lyrics
- tom scott (ygb) - kentucky gold lyrics
- alien vampires - show me the way (m.o.d. remix) lyrics
- gelsey bell - sweetness lyrics
- doc robinson - heavy like lyrics