a b c d e f g h i j k l m n o p q r s t u v w x y z 0 1 2 3 4 5 6 7 8 9 #

oyaji - don't spasm | لا تتشنج كلمات الأغنية

[oyaji: المقطع الأول]
هذا واحد من سنين ماشي على نفس الروتين
غيره يتعدى ويروح يتطور وهو باقي مسكين ما يتطور
غيره للأسف فيه كثير كل الناس اللي حوله أتطوروا وهو باقي بدون تطوير
حاولت أن أفهم وجهة نظره يوم أنه حظرَ
قلت ليش أنت ما تتطور
حسيت سؤالي قهره
كل الناس اللي حولك طاروا وأنت باقي بمكانك شجرة
يظن أن الناس تهتم له ولا فيه أي بني آدم قد جاب خبره

[young a: المقطع الثاني]
قبل لا تحكم على شي أفهم منه بالأول
يمكن بتلاحظ أنه يفيدك ساعتها بتطول
ماهو ضروري تقلد غيرك يوم إنك تتقبل
وتعرف كيف تلقى النصيحة الشخص منها يستقبل
ولا تتهجم على غيرك يمكن راح تتندم
خلك صاين اللسان والكلمة الطيبة تقدم
أصابع يدك ما هي زي بعض لذلك أذكر
خلك بعيد عن التشنج فتح عقلك فكر

[kani: المقطع الثالث]
خلوني أتكلم فحاجة صارت جداً مستفزة
الواحد لو كان رافض شي لا ينتقده في كل حزه
لا تنتقدني كمغني راب لأنه مو عاجبك
لأنه ما راح ترضى ينتقدون شغلك لو حابه وحابك
لو شفتني مبدع أقدر أقدم وأبدع
وأنتَ يصعب عليك تتقنه ما تقدر يعني تبدع
معناها شوف ميولك خلني أشوف ميولي
لأنه الدنيا ما كانت تمشي لو محد كان يصنع

[cash: المقطع الرابع]
لا تنحاز أعصر تفكيرك تطور
فكري مو بس تطور مظهر
لو إنحناءك فاد بجانب العادات والتقاليد
عقلك ما نضج بدون فصل فيه أستاذ وتلاميذ
بدون تجارب فاشلة ماكو أي نجاح
طيح سبع مرات وأوقف بالثامنة رافع راسك وأنت مجتاح
لا تستلم حق كلام الناس كمل طريجك
أبهرنا بعلمك ورنا شغلك ثقفنا بإيدك

[almo7nak: المقطع الخامس]
ليش أشوف عقل معارض دايم رافض فكرة يديدة
ممكن تخلينا نرتقي لأعلى المناصب
فكر غاضب غير مناسب للتجارب
يفضل يبقى مكانه وأي تطور بس يحارب
من الطبيعي يكون بيننا إختلاف
ذلك لا يعني إنجراف ورا إنحراف
فلا تهاجمني أفهمني بدون خلاف
فلا أحد بهالكون هذا كامل الأوصاف

[cyclone: اللازمة] (x2)
مو كل جديد لازم كلنا حنا نحارب فيه
فكر في المستقبل وش نقدر نطور حنا فيه
لا تتشنج
عقلك بيفضل فاضي لو ما تقبل التغيير

[arrazi: المقطع السادس]
جِبلة الإنسان ترتعب من كل جديد
تتجنب كل المخاطر تبتغي عمر مديد
والمتهم في هذي القصة من فلت من القطيع
من يعاني من البشر من أنتقاص ومن وعيد
عزيزي المتهم لا تنثني فالعبرة في الجلَد
ذو العقل في النعيم يشقى والشقى قدر مكتوب
شقه الطريق غير آبهٍ عدد
أما المدد تلقاه مارحاً في قلبكم يجوب

[amigo: المقطع السابع]
كون متطلع على الكل ووسع يا فقي معارفك
أتقبل غيرك مهما كان ولو يخالفك
لا تتشنج لأفكارك التشنج ما بيفيدك
بل راح يعزلك في سجن عقلي يعاصفك
أتقبل غيرك وأسمعني مثل ما أسمعك
بأي حق تهاجم كل من يختلف معك
كيف راح تتطور وأنت مو راضي إنك تتقبل الأفكار اللي من الممكن تعلق فوق وترفعك

[a.b.z: المقطع الثامن]
واجدين
من حولي عندهم تشنج فكر
أمام ميولهم ميولك شافوه ما سوى شبر
النجاح فيما أختاروه هذا اللي فبالهم يجول
عقلية ما تخليهم يعترفوا بالمنطق اللي يقول
أنُه التجربة
هي تخليك تقرر وبحسم
دونها
ما لك حق في الشيء تجتهد الحكم
تقبلك ميول من حولك ما يضر يمكن فيه خير
يمكن نجاحك تلقاه في توجهات الغير

[oyaji: المقطع التاسع]
حتى لو كنت متعلم وفاهم أفضل من غيرك
ذلك أبداً مو معناه إنك توقف ما تكمل سيرك
إمشي تثقف تزود الدنيا مليانة علوم
كم من شخص تشوف إنه عايش بين كنوز لكن محروم
وإذا كنت مو ناوي تتطور ولا تجرب ولا تسوي حاجة
طبعك كذا ما يتقبل أي شيء وراضي بإعوجاجه
شيء راجعلك بس عالأقل لا تتشنج وتصيبك رهبة
إذا شفت غيرك تشجع وجرب اللي ما قدرت تجربه

[d.j!nn: المقطع العاشر]
قالي أياها رجل مسن
العقل كالسيف والتجربة مَسَن
وغيرك فارض متشنج ما غير إنسَن
عشان تعرف مقدرتك ربك كتب فرض وحط سُنن
قالوا كل واحد بيتعلم من كيسُه
والنجاح سبق العثرة بس قمت وجربت أقيسُه
قمت ودفعت الخطى بعد ألفين فشل
وشوف العاجز المقعد بحارب وطارح إبليسُه

[ortega: المقطع الحادي عشر]
بيقولوا هالراب من الناس للناس
وهالناس مو طايقين الراب من الأساس
أخترعوني لأجل أصحي عقول
حفضل آلة كتابة لو مقتول
نترك الشي مهمش نستفيد منه إلا بعد ما يخمج
إنتقادنا بيطور أسرع من الشيء متعود أسمعك تتغنج
بتشوف الشيء مشوش طول ما تارك العقل مبنج
خذ النور من كلماتي كأني إديسون وأستفيد ما تتشنج

[c.a.z: المقطع الثاني عشر]
بالأمس غنيت راب وكان يقول هذا صايد نفسه
عقول منجفسه
مرت علي درزن نفسه
وفجأة أشوف مدمن يسمع غرقان بنفس السكرة
ها قررت اليوم تصير صيدة ولا فهمت الفكرة
أهو متبرمج محنج جنه يهاجم الأضواء
تفكيره ضيج
تحسه خريج مدرسة الإنطواء
نصيحة أخوية ركز فيها شوية
مخك متبنج متشنج بطل تعاطي الغباء

[oyaji: المقطع الثالث عشر]
شوف
شي جديد صعب يكون
كل شيء بالأول طبيعي صعب يكون
بس لما تجرب سهل يكون
ولما تحاول سهل يكون
ولما تبادر وتتحمس وتتشجع سهل يكون
فلا تتشنج
الجيل اللي قبلك غامروا
يوم دخلوا ذا المجال قالوا عنهم شباب يتأمروا
كان ذا المجال في ذاك الزمن شيء جديد
قلة اللي إتقبلوه ولو اللي قبلك ما بدوه ما طلع جيل جديد

[oyaji: الخاتمة]
شكر عميق لكل من شاركني هذا المشروع
deepside on the track
وإذا شفت شي جديد لا تتشنج

- oyaji

كلمات أغنية عشوائية

كلمات الأغاني الشهيرة