a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ortega da alc'z - t3ebna - تعبنا (bonus track) كلمات الأغنية

بغني و ميت خووف ها سلبوا قوتي
بكفي انهم صاروا يلعبوا فينا
call of duty
حيحطوا تعميم ع إسمي لو رشحت بصوتي
لو ترشحت للرئاسة حلعب بتعداد موتي

عملنا حالنا زلام و تركنا الوضع يبكي
نفسي اضلني ساكت بس لا ارادي بحكي
وضعنا ما ببكي وضعنا صاير يخزي
وصلت لمرحلة اني مو عارف في مين أعزي

حروفي واثقة عن الحق ناطقة
الإعلام بكذبنا بس ثروتنا صادقة
وين الإيد الي حتنقذ أمتنا العائقة
بسبب سكوتنا نزلت علينا صاعقة

غضب ربك نزل ع بلد بعد بلد
يا نموت من الجوع يا نموت من البرد
بجبرونا ع الذل سلبوا الكرامة و العزة
بضاربوا ع الكرسي منضارب ع الخبزة

تعبنا من كثر مـ نشوف
شايف الحقيقة كسوف
سببوا في بلادنا خسوف
صرنا في بلادنا ضيوف
انا مالي وطن , حطوني بكفن
ما بغفالي جفن , بكفيني انظلم
تعبنا من كثر مـ نشوف

فتنا بحيط وين الحلال و الحرام
روح سوريا تلاقي الجيش الحر و النظام
روح مصر الجيش و الأخوان
و مصلحة إسرائيل إنها تقسم السودان

حماس , فتح لو دخلت فلسطين
بدهم يفككونا فوق مـ إحنا مـ شتتين
روح ع العراق هذا سني هذا شيعي
إذا مسلم في أمريكا إرهابي طبيعي

شاب شعري شاب لما أشوف مسلم خاين
قالوا الإسلام إرهاب راحوا و جبولنا بن لادن
ليبيا ما نتصرت ولا تغير أي شي
و حاليآ في تونس القاضي برتشي

أمة عربية تحت المخدر كإنها بنج
بتحكموا فينا اليهود كإنها لعبة شطرنج
ما إترجم إلي بحكوا , عارفك صادق
ممكن يغتالوك لو كنت قاموس ناطق

قبيل قتل هبيل , إحنا قتلنا قبيل
سوريا , فلسطين بتحكمها إسرائيل
العيشة قاعدة بتغلى و الدم صاير يرخص
صح اجيت متأخر لأنكوا علمتوني أخرس

سياسة غريبة مين الي واقف معنا
حزب الله بقتلنا , امريكا بدافع عنا
مين الصح ؟ شاشتنا صارت مشوشة
روسيا بتتغدى فينا , و ايران فينا بتتعشى

نسينا فلسطين .. مين سمع مين شاف ؟؟
عشان ينسونا يلهونا فوزوا عساف
محتاجين اسعاف مو عساف ينقذ الأمة
يلي ساكن باليرموك مو عارف يبلع اللقمة

لأنها آخر لقمة بكرة ما حيلاقي
كل شي راح و لسا بياخدوا آخر شي باقي
على أمل بالمستقبل نلاقي شوي امل
خلونا نتفائل فوق مـ إحنا منتأمل

- ortega da alcz

كلمات أغنية عشوائية

كلمات الأغاني الشهيرة