a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ortega da alcz - haweyte - هويتي كلمات الأغنية

[verse 1]
افتخر في بلدي علمتني وصفية
لابسه الثوب الفلسطيني لبستلها الكوفية
بغني راب بس محترف بالدبكة
تفضل عنا دوق التبولة احنا من عكا
اراضينا و جبالنا خضرة انا من يافا
ماسك ايد صحبيتي بواعدها بشواطئ حيفا
سموها الام من قربها بالمسافة
انا من جبل النار نابلس اهل الكنافة
بضغطوا علي بدهم الشجرة تنهد
بس آسف عمرها 1000 سنة انا من اللد
احنا اساس الشاي الاحمر انا من طولكرم
المسلم جار المسيحي يا هلا في بيت لحم
فلسطين راجعلك انتي في القلب للابد
انا ساكن في سوريا هويتي اني من صفد
كل مـ تصعب حياتنا مـ نقول الحياة لسا منيحة
بزيدوا الاستيطان انا من اريحا

[hook]
احكيلهم بأنك فلسطيني
كل مـ يطمنوا عليك احكيلهم منيح
انا مسيحي فلسطيني
ارضي مباركه لانها ميلاد المسيح
احكيلهم بإنك فلسطيني
بدهم يهجروك او بإرضك مقتول
انا مسلم فلسطيني
ارضي مباركه لانها مسرى الرسول

[verse 2]
نعيش مع اليهود قوانين داشرة
بعاشر العرب لانوا هويتي من الناصرة
طلع هويتك – مش مطلعها والله
روح شوف الحطة في باب بيتي انا من رام الله
جريمة ما بتنساها فلسطين
ارتكبوا المجازر عرفتوني من جنين
مش فارقة قدام اليهود بدعس ع اسرائيل
بحب اضحك و أنكت انا من الخليل
بالدنس الاقصى قولتك موضوعنا خلص
اترك مقدساتي لاني من القدس
الجو عنا ساقع انا من مدينة بيسان
سمتوها اشكلون بس راح اضلها عسقلان
سحبوا هويتي صرت اسرائيلي الجنسية
عازمك ع افوكادوا انا من طبريا
لازم اني ادعي كل مـ اسجد على القبلة
نفسي اشوف ارضي حسن من الرملة

[verse 3]
قبل مـ تقولي بدي توقف هون دقيقة
قف وقف حاب اقولك اني من قلقيلية
معروف باهل الرباط ما بتوقفني دبابة
مجاهد او شهيد انا من غزة يابا
دق ع العود للوطن راح نعود
بهدلونا و هجروا اجدادنا انا من اسدود
اسال عني في مدن الشرق الاوسط
انا من المجدل على ساحل المتوسط
باكل مع اليهود بشتري و ببيع
سموها تل ابيب بس انا من تل الربيع
انا اصل البدو انا اصل العرب
انا من بئر السبع بدوي من النقب
و هلأ افتخر باصلك بس يحكولك من وين
مسلم مسيحي ايد وحدة فلسطين

- ortega da alcz

كلمات أغنية عشوائية

كلمات الأغاني الشهيرة