a b c d e f g h i j k l m n o p q r s t u v w x y z 0 1 2 3 4 5 6 7 8 9 #

nynke laverman - angústia كلمات أغنية

de see lûkt ûnder it swart fan de nachten
nei ferskate fergetten strânen;
as floeibere winen binne syn klachten
en sâlt, sa´ t triennen brâne

oeral dêr´t de kusten krekt
binne as betrienne eagen
troch de brâning dy´t yn snikken brekt
fiel ik myn lijen smeekjen mei syn weagen

om de genede dy´t ´k ferlear
om te wêzen wêr ‘t ik wol: tichtby dy
’t leafst soe ik swalkje sûnder skip en sûnder kear
oer seeën, alle kimen foarby

want nearne op dizze wrâld en oeral
doarmet as it skynsel fan de moanne út de wolken
myn fertriet, helder en blyn tagelyk, troch it hielal
en wol him ferdrinke, ferdrinke yn kolken

ik wit: de see en ik
yn ´t swart fan de nachten binne wy te hearren
om ien fertriet woelje wy tegearre;
op ´t oeverleas bêd wine wy om oant in snik

oeral dêr´t de kusten krekt
binne as swier betrienne eagen
troch de brâning dy´t yn snikken brekt
fiel ik myn lijen smeekjen mei syn weagen

om de genede dy´t ´k ferlear
om te wêzen wêr´t ik wol: tichtby dy
’t leafst soe ik swalkje sûnder skip en sûnder kear
oer seeën, alle kimen foarby

- nynke laverman

كلمات أغنية عشوائية

كلمات الأغنية الشائعة حالياً