![kalimah.top](https://kalimah.top/extra/logo.png)
naili نايلي - larmes nocturnes lyrics
نحل كتاب…نحل كتاب… ياو نحل كتاب… ياو نحل كتاب
[المقطع الأول]
نحل كتاب و نشوف فيه العالم
فيه المحقورين و فيه الظالم
شفت فيه النور و شفت فيه الظلمة
القلوب ماتت ما بقاتش فيها حرمة
العين نشفت ولاّت ما تدمّعش
حتّى المطرق ولّى ما يضرش و الرصاص ما يوجعش
الطيور هجرت و الربيع ما يرجعش
الدم اللحم الزوالي ولّى ما يشبعش
يكفينا نشوفو واش راه محوّط بينا
ديكور صامط حتى الموت ولاّت بنينة
حتى الهوايش راهي تستشفى فينا
هاذي هيا حالتنا راك تشوف بعينك وين وصلنا
لوكان تسوّل الناس ماكاش لي راه لاباس
لوكان يحكي الواحد يا نا واش راه حاسّ
لوكان يفرغ زعاف القلب واش راه داسّ
تشوف بلّي كلامنا على الزمان راه عسّاس
البحر هايج بصّح ديما في زعافو
هايج ياو ديما في بلاصتو
ياو هايج كيما الزل لي قلبي يا خو
كل ما يجي ليل الليل مع الهم نتاعو
[المقطع الثاني]
حبيت نحوّس نفهم حتى تسكّر عليا الباب
قالوا هنا يبدا الهم هنا يبدا العذاب
هنا تعرف لا عندك لصحاب و لحباب
و تسوّل و شحال من زهر الزمان راه جاب
و شحال من ضو راه شعل و بان
قدام برد الشر راني سخون بصّح عريان
عييت نفرّغ الكلام بصّح قلبي مازالو مليان
العقل يمشي و الوجه مع الزمان زاد غير يشيان
و كل ليلة نقول غدوة يتبدّل الهوا
بصّح اليوم كتر من البارح و بعدغدوة كتر من غدوة
ما يتبدّل والو نفس الشي راك عايش
الدنيا ولاّت غابة و العباد ولاّت هوايش
راني خايف طيور الحبّ تهجر عشها
تطير بعيد بعيد لتحت هنا ما كاش لي يشفها
واش تدير تهرب معاها ، ياو اتبعها
ولاّ تقعد هنا و تسنى حتى تجيك الدالة
محطوط في الظلمة راقد و الحقار سهران
الحقّار عايش و المحقور راه غضبان
يقلك هاذي الدنيا مرّة عسل و مرّة قطران
باه تعرف بلّي كاين غير الطّحّان لي بحالتو فرحان
الوقت يفوت و الدنيا تكمّل طريقها
معيشتك لا ما نستحملهاش ياو ما كاش لي يثقّلها
بيك ولا بلا بيك الزمان يفوت من الخريف للصيف
مالا تدّي ولاّ تزقي يا خويا ياوكيف كيف
كيف كيف…ما تبكيش
تزقّي ولاّ ما تزقّيش
الزمان يفوت من الخريف للصيف
كلمات أغنية عشوائية
- the hollies - long cool woman (in a black dress) - 2003 remastered version lyrics
- ghet - z bloka snajper lyrics
- xzibit - bird's eye view lyrics
- tru - don't fuck with lyrics
- kaiju soup - prince lyrics
- young dolph - never (feat. trae tha truth) lyrics
- de menos crime - foram mortos lyrics
- maleo reggae rockers - alibi lyrics
- sole gimenez - gracias a la vida lyrics
- grandmasterdare - sunfall lyrics