a b c d e f g h i j k l m n o p q r s t u v w x y z 0 1 2 3 4 5 6 7 8 9 #

muslim مـسـلـم - nsaw lahmoum | نساو لهموم كلمات الأغنية

[المقطع الاول]
يلي راك كاعي غير انسى
كان سبابك الفوس ولا الصحاب ولا النسا
حياتك ما تستاهل تعيشها مفلسة
و الدنيا ليل ونهار ما تدوم مسلسة
جالس بوحدك بتبكي وتشكي فدمك تحرق
مشكل صافة فمشكل تتقارب تحمق
غير تكيس أصاحبي وعلى راسك اشفق
إلا كانوا همومك بحور حاول لا تغرق
المشكل كيف ما كان واجه وما تهرب
لا تظن الحال يكون، دروجا ولا شراب
يمكن تنسى غير اليومة حيت لعقل غاب
غدة صبح صاحي والمشكل زاد صعاب
كتشوف بالراس خاوي، حياتك كاملة عذاب
وسرك كان فبير، سقيتي منو الغراب
دايما فالحومة كاو، وما يلوموك غير لحباب
رد بالك ملي تصحى، تجبر الراس شاب

[اللازمة] (x2)
باش نعيشوا حياة جديدة لازم ننساو لهموم
غير لحزان والدموع تسيل
وياك ليام مواج ولازم عليك تعوم
الحياة قصيرة والموت طويل

[المقطع الثاني]
غير مشكل صغير، الضربة فلحمك منقوشة
تكاعي فيك عشير، و تشف يفيك النقوشة
شحال قدك تفلح، شحال قدك تذبح
قلي واش ترتاح، غتقلي بلاش نفصح
باغيلك الربح، سمع الهدرة دبالصح
الخاوي غير افسح، وخلي القلب يقصح
الصبر اعملو سلاح والدنيا غير طفح
حسبو امتحان وانجح، وربي عليك يفتح
شوفا صاحبي خذ العبرة من الناس لي جازوا
شوف شكون لي خسروا، شوف شكون لي فازوا
غير انسى لهموم وانسى لحزان
الدنيا ما تدوم ومن عليها فان
إذا كان اليومة إعصار، غدة يمكن طوفان
وغدة دايما قريب، علاش نواجهو خوفان
ياك المكتاب مكتوب، وهو لي عيكون
نزرعو الإيمان فالقلوب ونحمدو مول الكون

[المقطع الثالث]
واش كتظن بلا مشاكل كاين معنى للحياة؟
مشكل باقي عاصي ومشاكل تنسات
كل ما نحلو مشكل، فحال لي الدنيا حلات
كل ما نواجهو مشكل، فحال لي الدنيا فنات
اضحك اصاحبي ومولاها ربي
مشكل خصو يتحل، نحلوه غير بالعقل
جربتي حرقتي دمك، واش الجرح برا؟
جرب خدم عقلك، ما بقات دورة
الدنيا ما تسوى دمعة على الخذ تسيل
حيت الحياة قصيرة والموت طويل
أي دقيقة عيشتها كاعي مشات خاسرة
الزمان عليا يدور يدور شحال قضي نبارا
ننسى لي فات ونتمنى ليام لي ما جا تكون مزهارة
وكيف ما دارت عليا اليومة، باقة دوارة
إلا كان مكتابلي نعيش فيها مهموم نذوق مرارة
نحمد الله ونعيش وما نخلي حياتي مقبرة

[اللازمة] (x4)
غير لحزان والدموع تسيل
الحياة قصيرة والموت طويل

- muslim مـسـلـم

كلمات أغنية عشوائية

كلمات الأغاني الشهيرة