a b c d e f g h i j k l m n o p q r s t u v w x y z 0 1 2 3 4 5 6 7 8 9 #

muhandas - ذاكرة مواطن - الجزء الثاني كلمات الأغنية

“كلمات مهندس “ذاكرة مواطن – الجزء الثاني

[المقطع]
كل فكر موجود بيكون من بالي ممحي، مرات بستغرب
كيف الوجود متل الزباله مجوي، عبالي امشي، بطريق
قدامي خالي مني، حابب اروي قصص عظيمه من تاني كلمه
العداله تحمي؟ ليك العبالي مش ناوي يحكي،
حذاري مني، بحال حبيت يوم تقارب فكري، مش إنذار
بس ملاحظة لتكون واعي، اني كاتب بقلم مقاوم نقرض
بالقبور ساكت، اليسار قسم أخدتو إلي كل عود آلة،
فمجبور روق لحول دون عبور الدافع, بهيك وضع
الوقوف على الأمور واجب، محدود الأفق بس بهل الجمل
كالحروب مادد
بريق أمل مش موجود حتى النور خافف، طريق أدب
مختار أنا بالسطور قاعد، نظام المثل سقط هون متل
دستور فاشل، حضور باهت لأي مكون حدود سادت،
عذوب المالك لهل غابه مش مظبوط راكز، كيف في
مواطن ليكون محترم بكون سارق؟
ببلد حق الإحترام ياما في بطون جاعت، في نجوم كانت، أو حتى
أكتر في غروب جايي، العيون نامت هيك مسائل عن
العقول غابت، في روح ماتت عقلي بهل أفكار السود حادد
نزوح شامل، حلمتحالي بالحقول راكض، السجود
تارك بينما أبدا الصمود ماسك،
في مين رافض إنو يكون عن القانون خارج، و في مين قاتل
و عارف إنو القانون عاجز، و في مين ناطر فرج أو حتى
خروج مارد، و في مين صامت عميتأمل بالشروق
شارد، الظلام حي بكل المدن بالبذور راسخ
فهات لقوم سافر، من بيروت هاجر، خشوع تافه، أنا رافض
أي وجود بائس، حتكون فاشل إذا بتوقف بهجوم شامل،
الحياة يا بتكون سرده جوا ترين الزمان، أو بتكون
محطة لكل مين بالسلاح إنقتل، حمال القلم
و ضوي ع شو في بداخلك أمل، بدل ما تنتسى و تنلف
بجنازه بعلم، قدامي حدث، و سببي بهل الرساله
نوجد، الثوان أمد، لما كون حر بكلامي أجل،
بتذكر لما كانت الحياة بسيطة دروبا، بعد ما اغفا
فكر كيف حفيق بقوضة، ع شي حديث كيف
القدس كانت طريق جدودنا، روح إسمع أسطواني بركي
بالموسيقى بوصل، شوف بالجنوب جبال و ما بعدا مضيئة
خطوطا، بس في شريط فاصل كان ديماً يخليني أوقع، في
معارك مجبور بأي وسيله تخوضا، قاعد
عمبتساءل ليه في حديد لتفريق كرومنا، هل نحط
ليمنع عدو من تهديم بيوتنا، أو ليمنع أي
محاوله لتحرير وجودنا، بعدين لاحظت إنو المسأله
مش بايدي قولا، فقررت اشرد بعالمي و مستحيله
اوعا, كيف منقول إنو منفدي فلسطين بروحنا، بوقت
في أراضي حرة مش قادرين نصونا، خداع l نفس
غريبه عقولنا، مافي إسرائيل جنوباً إسرائيل
بقلوبنا،
كل فكر موجود كان عبالي امحي، مهندس هوي كل
مين كان عمبعاني متلي،
عمعرقل أفكار محتاجه تمشي, في فكرة لبناني بكتابي
كذبه، في قوه من ضعف مش ناوي ينتهي،
بالواقع، في إنت والناطر عبال ما يلتوي، الواقع
ضروري ضل في كرمالي قدرت إيه، بس لما حاول اتصل
معو ارسالي بيختفي، عدة رؤى للوجود بتباري
محنه، روح مادة أو عدم أنا ما تارك وحده،
خارج المجموعة متل جندي بعدو تارك وحده،
ما بندمج لأني حابب مني تارك وحدتي،
قلبكن قاسي متل جغل بعدو تارك وحده،
قلبي قاسي كأو بمقلى و شكلو ناوي يحترق،
تداوي بحكي، فحاول تحتمي،
إنت هاو الفشل، أنا للهاوي محترف،
أسلوب جديد نولد، كلمات ع لساني تحبي،
إنت جديد يا هلا، جيب إذن تزاول المهنه،
كاس من عرقي مش ناسي احتسي،
مهندس مفعول به، بس هلأ باني تحفه،
بيني و بينك، المباني كثر،
و شوارع إشاراتا طالما باقي حمر،
تجاري؟ أيوا، أمامي طفل،
مش بمرمى النظر شكلو مواجه عطل،
تجاري؟ وينك، إنت أساس البطء،
رغم إنو من خصائص المسافه القصر،
كلامي بدينتك، قساوة النطق،
تخليك تشوف صور كأن متناول فطر

- muhandas

كلمات أغنية عشوائية

كلمات الأغاني الشهيرة