![kalimah.top](https://kalimah.top/extra/logo.png)
mtm (rap) - rawah badry lyrics
[مقدمة: تاكي]
أول حاجة أحب أشرح معنى كلمة إفتكاسة
متقلقوش يا جماعة ملهاش دعوة بالسياسة
إفتكاسة يعني لما تعمل فكرة في الخباثة
ًويمكن أنا مش فاهم إيه معناها اساسا
(خد يا كابتن)
[المقطع الأول: محمود]
رايح فين
وأنت مالك
رايح فين
وإنتي مالك
النهاردة ماتش الأهلي والزمالك
(يا سلام)
وأنا قاعد في المقصورة جنبي ناس مشهورة
وجبت معايا كاميرا علشان آخد معاهم صورة
أبويا وأخويا وبقية العيلة
عايزني أتفرج معاهم على الماتش الليلة
قلت لازم أفتكس إفتكاسة يعني حيلة
قلتلهم واحد صاحبي إتعور طلعتله بؤليلة
المهم الماتش إبتدا وأنا قاعد في المدرج
لقيت عمرو دياب قاعد جنبي
(بتهرج)
والكاميرا فضلت ثابتة علينا ومش بتتحرك
وطبعاً أبويا قاعد في البيت بيتفرج
على طول روّحت بيتنا، أبويا قالي شرفتنا
وعلشان هربت مننا مانتش بايت هنا
قفل الباب في وشي، فتحوا جيرانا إللي جنبنا
قالولي يا حبيبي يابني تعالى بات عندنا
[اللازمة]
أهلي قالولي روّح بدري
لاحسن ليلتك مش هتعدي
حوراتي فاشلة غصب عني
كل أما آجي أفتكس إفتكاسة تفكس مني
أهلي قالولي روّح بدري
لاحسن ليلتك مش هتعدي
حوراتي فاشلة غصب عني
كل أما آجي أفتكس إفتكاسة تفكس مني
[المقطع الثاني: تاكي]
مش عايز أبقى روش ولا عايز ألعب تنس
أنا بس نفسي أحور من غير ما أتقفش
مشكلتي مش في أهلي دي في أخويا الحمش
كل أما آجي أفتكس إفتكاسة تتهرش تتقلش
والمصيبة إني بروّح كل يوم في الميعاد
نفسي مرة أسهر برة والليلة دي بالذات
أخويا قالي روح بدري علشان عندك إمتحانات
وهو بيقضيها مع أصحابه بالساعات بيلعبوا إستميشن
والنهاردة محمود عامل دورة بلاي ستيشن
نفضت لأخويا وش ورحت رايح لمحمود
أبوه قالي ده بايت بره ومطرود
نزلت خدت تاكسي قعد يفسحني ويأخرني
ولما طلعت بيتنا أخويا شافني وقالي ما بدري
قالي هخلي ماما تحبسك في البيت إسبوع
إديته ورقة بمية راح مقفل على الموضوع
[اللازمة]
أهلي قالولي روّح بدري
لاحسن ليلتك مش هتعدي
حوراتي فاشلة غصب عني
كل أما آجي أفتكس إفتكاسة تفكس مني
أهلي قالولي روّح بدري
لاحسن ليلتك مش هتعدي
حوراتي فاشلة غصب عني
كل أما آجي أفتكس إفتكاسة تفكس مني
[المقطع الثالث: مايكي]
بمناسبة تخرجي السنة دي
صحابي عملولي حفلة في فيلا فى المعادي
وقايل لأهلى في إسكندرية عادي
راحوا كلموني فكروني بمعادي
أبويا قالي إرجع بدري يابني
يا إما مش هتدخل البيت ده تاني
وهو لسه قافش مني من ساعة ما إبتديت أعمل أغاني
خدت الكلام ده زي البوكس في سناني
إتخنقت وخدت بعضي ورحت قايم
ركبت عربيتي إللى على طول بتعاني
الكوتش ضارب والإستبن نايم
إزاز مكسور والكاسيت مسروق
رحت القسم عملت محضر
روّحت البيت في الميعاد مظبوط
لقيت أبويا نايم بيشخر
[اللازمة]
أهلي قالولي روّح بدري
لاحسن ليلتك مش هتعدي
حوراتي فاشلة غصب عني
أهلي قالولي روّح بدري
لاحسن ليلتك مش هتعدي
حوراتي فاشلة غصب عني
كل أما آجي أفتكس إفتكاسة تفكس مني
[النهاية]
أهلي قالولي روّح بدري
لاحسن ليلتك مش هتعدي
حوراتي فاشلة غصب عني
كل أما آجي أفتكس إفتكاسة تفكس مني
كلمات أغنية عشوائية
- mack lovat - call me lyrics
- weatherbox - big news lyrics
- alexis carpenter - week 8 reading journal lyrics
- l.atasha a.lcindor - shut you down lyrics
- djiby - devil in a new dress (freestyle) lyrics
- kill the vultures - moonshine lyrics
- izzygrayreaper - you don't lyrics
- martin malota - product. lyrics
- jackie venson - only have you lyrics
- andreas wijk - liar lyrics