![kalimah.top](https://kalimah.top/extra/logo.png)
mtm (rap) - malaksh fiha lyrics
[المقطع الأول: تاكي]
شششش، بس سكوت مسمعش صوت
أنا نفسي أفهم ليه بنسيب الوقت يفوت
كلنا هنموت، نترمي فى التابوت
ساعتها مش هتفرق كنت فرخة أو كتكوت، مظبوط
ما إنت عارف كده كويس
بس عادي تفضل هادي والمهم إن إنت مهيس
مش شايف قدامك، مش فاهم كلامك
قولي لإمتى هتفضل عايش رايق ومصدق أوهامك
الحياه قدامك إحسبها صح
في حاجات كتيرة إنت بتعملها ماتتصلحش
إللي راح ماجاش وإللى جه ماراحش
ممكن تنام متقومش
ممكن تنزل ماتروحش
هي دي الحياة، مأساة ورا مأساة
وإللى راح راح خلاص لازم ننساه
وإللى ربنا إداه وفي وهم الدنيا تاه
لما ينزل تحت الارض مش هياخد حاجه معاه
سكوت مسمعش صوت
[اللازمة]
ولما حاجة واحدة تبقى واخدة كل عقلك وحياتك ناسيها
وفاكر إنه عادي لما تقسى على أهلك، يبقى ملكش فيها
ولو بيتهيألك إنك قادر تنسى مشاكلك وتفضل مقضيها
دلوقتي نقدر نقول من شكلك إنك ملكش فيها
[المقطع الثاني: محمود]
ركز إسمع بص وشوف
حاجه تانية غير المألوف
من غير خوف من غير كسوف
راح أقولكوا أنا ليه مخنوق
وداني مش سامعة وعيني مش شايفة
إلا كلام فاضي ومواضيع هايفة
وبنات سايبة وولاد مش فايقة
وأهالي رايقة مبقتش خايفة
واللى زايدة الطلبة الخايبة
الدروس مش جايبة فايدة
وأتاري كل الناس متضايقه
حاجه خلت دماغى تايهة
نفسي ألاقيها وأخبيها
من كل الدنيا وبلاويها
لو ما فهمتش إيه اللى فيها
يبقى معندكش سرعة بديهة
وملكش فيها
[اللازمة]
ولما حاجة واحدة تبقى واخدة كل عقلك وحياتك ناسيها
وفاكر إنه عادي لما تقسى على أهلك، يبقى ملكش فيها
ولو بيتهيألك إنك قادر تنسى مشاكلك وتفضل مقضيها
دلوقتي نقدر نقول من شكلك إنك ملكش فيها
[المقطع الثالث: مايكي]
فكر مرة والتانية قبل ما تاخد أى قرار
خليك فاكر كل دقيقة وكل ثانية ليل ونهار
الدنيا دي غريبة، تثبيتة وحوار
كله نفسه يغير الحقيقة بزرار
مبقاش للواحد صاحب يستأمنه على الأسرار
كله عايز مصلحته، القط بياكل الفار
حط فى الإعتبار سرقة الأفكار
أى حاجة بتطلع موضة كله بيمشي مع التيار
بإختصار إن الحكم بالدولار
حتى إتفرج على نشرة الأخبار
[اللازمة]
ولما حاجة واحدة تبقى واخدة كل عقلك وحياتك ناسيها
وفاكر إنه عادي لما تقسى على أهلك، يبقى ملكش فيها
ولو بيتهيألك إنك قادر تنسى مشاكلك وتفضل مقضيها
دلوقتي نقدر نقول من شكلك إنك ملكش فيها
[اللازمة ام تي ام]
لما حاجة واحدة تبقى واخدة كل عقلك وحياتك ناسيها
وفاكر إنه عادي لما تقفش على أهلك، يبقى ملكش فيها
[اللازمة]
ولما حاجة واحدة تبقى واخدة كل عقلك وحياتك ناسيها
وفاكر إنه عادي لما تقسى على أهلك، يبقى ملكش فيها
ولو بيتهيألك إنك قادر تنسى مشاكلك وتفضل مقضيها
دلوقتي نقدر نقول من شكلك إنك ملكش فيها
كلمات أغنية عشوائية
- sunmi - burn lyrics
- allan rayman - la/ny/chi (monopoly) lyrics
- debbie sims - my little corner of the world lyrics
- versa - illusion lyrics
- jhamasa corinthian - i need your loving lyrics
- jhamasa corinthian - just chillin lyrics
- hunters night - breathing lyrics
- bri beauty - trophies(remix) lyrics
- avias - i aint shit now lyrics
- ah ah - hayate akun lyrics