a b c d e f g h i j k l m n o p q r s t u v w x y z 0 1 2 3 4 5 6 7 8 9 #

mtm (rap) - ey kalam | أي كلام كلمات الأغنية

[مقدمة]
كل يوم بروح البيت تعبان بحس ان انا نعسان
ولما بخش السرير وانام بشوف احلام . اوهام
اى كلام فى الاحلام

[المقطع الأول : محمود]
انا فاكر فى يوم صحيت مل النوم طلعت اجرى عال تليفون كلمت مايكى مش موجود
كلمت تاكى لقيتة مخموووود
رحت داخل اعمل فطار اديتها فول بالزيت الحار
خلا بقى مشعلل نار رحت شارب كاس فوار
ودخلت لامى اعمل حوار
عايز الكار اروح المطار
فى واحد صاحبى طيار جاى من كفر الدوار
قالتلى مش ناقصة هزار دانتا لسة خابط حمار وحظك مطلعش صعيدى واهلو مخدوش بالتار
قلتلها ماشى ورحت ماشى وقعدت ادعى على المواشى وفى الجرنان لقيت خبر جنون البقر مازال متفاشى
وتلاشى شعب فلسطين ومنتخبنا خسر من مين وفى الاخر حظى يقولى كلة تمام لأ كلة سليم

[اللازمة]
كل ليلة لما انام فى الاحلام بشوف اوهام ومش عارف دى حقيقة ولا دا اى كلام

[المقطع الثاني : تاكي]
قاعد فى اوضتى بحضر جن فجأة سمعت جرس بيرن
مين فى الوقت دا جاى يزن دا اكيد مايكى رايح الجيم
الحديد مش قادر اشيلة ومايكى بيشيل 100 كيلو
قلت لامى قومى افتحيلة حخلص اللى فى ايدى واجيلة
اية دا اية دا
لا لا لا
عفريت بجد دا ولا اية
عفريييييييييييييييييت
قرصت نفسى دعكت عينيا عفريت طلعلى بقا بين ايديا
قعدت افكر شوية هى تبقى اية اول امنية
اول حاجة جت على بالى فلسطين فى الوضع الحالى اسرائيل خليتها تلالى
قلت للعفريت شيلهالى
لا عايز فلوس ولا عايز قصر
اصل دبونا ملهاش حصر
قلت للعفريت سددها بس ابقا هاتلى بيهم وصل
وشوف بقا اية اخر امنية دى اكيد حاجة حتبقا لية
خلصت فترة الصلاحية والنبى هاتلى كارت ب 100

[اللازمة]
كل ليلة لما انام فى الاحلام بشوف اوهام ومش عارف دى حقيقة ولا دا اى كلام

[المقطع الثالث : مايكي]
قاعد فى البلكونة بتشمس باكل جبنة وفول مدمس
بشرب شاى بايدى الشمال وبالايد التانية بغمس
بصيت من البلكونة لقيت عيال واقفة تحت البيت
ماسكين واحد جنب الحيط منظر خلانى اتربيت
ولما واحد طلع مطوة خلانى بقيت قلقان
قلت لازم اخد خطوة لازم اكلم سوبر مان
طلعت اجرى على الصالون
رفعت سماعة التليفون
وفجأة سمعت التليفزيون دا مزيع كورة بيقول جون ودى واحدة مل المسابقات
وانا عن نفسى مليش فى الكورة
حفضل ادفع مكالمات وامى تزعق عال فاتورة

[اللازمة]
كل ليلة لما انام فى الاحلام بشوف اوهام ومش عارف دى حقيقة ولا دا اى كلام

- mtm rap

كلمات أغنية عشوائية

كلمات الأغاني الشهيرة