![kalimah.top](https://kalimah.top/extra/logo.png)
mousv - gowa 3aa’li ii | جوا عقلي ٢ lyrics
gowa 3aa’li ii | جوا عقلي ٢ lyrics
التعليم بيأذيني
ف بعلم نفسي كل حاجه
مش محتاج احفظ كتاب
علشان اخد شهاده
مش محتاج اني اتهان
تحت اسم التربيه
لو انت عندك عقد
متعقدنيش زياده
انا خليت التعليم للجميع
خليت الناس كلها قطيع
خليتني واقف قدامك جاهل
انت مش ناجح وانا مش فاشل
ازاي انا شايف نفسي ملك فنفس الوقت انت مش عاجبك كلامي (نهائي)
طيب اديني فرصه
اسمعلك المنهج
اديني فرصه
اصبر علشان بنهج
اديني صورتك
واصلح التعليم او اقتل بكرا
قبل م يقتلنا
ونموت من التفاهه
بتكلم عن بلدي
اكيد انا زباله
اكيد انا فاشل
اكيد مش بذاكر
اكيد انا تافهه وعايش حياتي
تفتكر لو عايش هتضايق من كدا
انا مبسوط وعايش ف رضا
عايش ف بلد لو ضحكت هيقتلوك
خايفينك تتكلم هما خايفين من كدا
انا من مكان اسمه اسماعيليه
تسمع عنه انت بتخاف تلقائيا
عندنا الناس بيفطروا زفت وبيتغدو يتعشو هموم لانهائيه
قريب هعلي ف السما
واتحكم ف العالم عن بعد ف الهوا
واطلع واغني واتكلم عن نفسي وناس قاعده جمبي بيقولولي مش انا
جوايه بحر افكار
بحاول استحمل ف بنهار
بحاول اقاوم ف بختار
اني اتكلم جايز كلامي يوصلك النار
بيعاملوني كأني سجين
بتعلم مش لمجرد التعليم
بتكلم عشان هما خايفين
اقتلني دلوقتي لأني مليش كبير
انا مش واحد بس انا كتير
مهما تقطعلي جناحاتي هطير
مهما تحاول تستهزأ انا بحرق كلامك وكلامهم بأوسخ بنزين
انا قاعد دلوقتي بفتكر مدرستي بفتكر لما كنا لسه عيال
املي متعلق بحبل مشنقتي وخايف انقذو ياخدوني كمان
خدو كل حاجه وسابولي الكلام
خدو كل حاجه وسابولي الالام
خدو كل حاجه ف عملت سلاح بقتلهم بيه وانا بضحك كأني سفاح
ناس كتير بيقولولي بطل كأبه
بيقولو عني منطوي
انا مش منطوي بس عقلي عايش ف عالم مبيدخلهوش اي ادمي
دا عالمي وانت فيه ضيف مكروه
اتخلقتوا من طين انا اتخلقت من طوب
اتخلقت محبوب من شياطين الجن
وشياطين الانس عايزيني اتوب
انا مش بتكلم
انا بغني
مش معروف عني اني بستنكر من فني
انا شايف مشاكلي كأنها وحش
جزء منه جوا عقلي والباقي مستخبي
اديني خساره اعملك منها الف مكسب
اديني حجاره ابنيلك بيها الف معبد
اديني حجاره احطها ف دماغك واديك افكار جايز تفهم المغزا
هادي من برا بس جوايا شياطين
انا فاضي من برا بس جوايا براكين
مش خايف اني اهرب انا خايف اني افضل استحمل ف اتعامل كأني اسير
انا مش اسير انا اسرهم ف دماغي
بتعب ف المزيكا لي مش بلاقي
لو عاوز تتكلم تعالي عيش حياتي
او اقفل بوقك مسمعش صوتك تاني
مش محتاج اني اتكلم محتاج اغني
مش محتاج اني احتاج لأني مش محتاجني
انا محتاج بس انا علشان احلم بنفسي
وانا ملك بحكم كل الناس جوا عقلي
كلمات أغنية عشوائية
- santaflow - nuestras ideas lyrics
- i-roy - dread in the west lyrics
- miles cartier - addicted lyrics
- masoe - joli lyrics
- kidd surro - sw interlude lyrics
- donnie & frans duijts - de leeuwendans (klaar voor de aftrap) lyrics
- showjoe - i am me, not... srry lyrics
- blossom dearie - who know all the answers lyrics
- johnning - sober lyrics
- sy ari da kid - the group chat has blueprints lyrics