michael flag - struggle كلمات الأغنية

我個名叫黃米高仲未過生日
今年23歲我啲骨頭未碎但唔算係卜卜脆
寫rap係我興趣唔理國家興衰我唔睇tvb嘅生生趣
成世人都溝唔到女
我人生就係咁撚稀虛

人生係個挑戰
我不斷超越底線相信人定勝天我不停地踩梗鋼線
有人出世帶住金鏈有人靚過貂蟬我屬於低層嘅食物鏈
人生唔係鋼鍊努力換唔到錢玩唔掂你就係咁先

身為黃米高玩梗地獄級嘅難度
生存係香港生得靚仔都比人投訴
因為我有態度唔跟住你腳步我偏唔行你條路
你地淨係識講唔識做你冇資格話我自掘墳墓

一日復一日嘗試改變世界
要面對現實你地話我變態
你做你第一我繼續寫我rhyme
你話我笨柒 i ain’t got no time

我唔甘心咁早就俾個社會去定型
我唔甘心安於現狀就係我以後嘅宿命
我唔期望成名唔奢望做明星唔係想做李家誠
我希望係我今次生命做到啲野獲得自己肯定

係香港每個人都好似倒左模一樣
目標諗住向上殘酷社會只會汰弱留強
有冇諗過後退後諗下點解個on9都做到特首
得閒問候老母老豆多啲理下佢地感受

我地反共產黨同時又屌香港嘅支本主義
表面上幫你討回公義但背後就質你食屎
你叫我幫手唔洗旨意我係唔會做厚多士
你叫我幫口可以可以有利益我就叫你波士

我知道我人生個save符已經唔算難玩
雖然唔係中產月入唔夠兩萬我宜家工都冇撚返
我知有啲人仲慘做梗幾份炒散都賺唔到一餐
襯住後生有啲時間你理得我條路點樣揀

上次寫歌為左女仔如果唔係仲係老鼠拉龜
我嘅年紀都唔細時間慢慢流逝就黎已經冇得留低
只希望宜家仲在世諗下發達大計可以有番作為
只係唔想咁就一世寫到首歌可以留傳萬世

好多人有冇諗過人生其實想做咩
有人鍾意考牌學車我就鍾意係度hea
每日上下youtube開住beat 揸住支筆亂咁寫
我做自己鍾意嘅野好過你成世唔知做咩

係香港做音樂一定蝕所以唔將興趣變成職業
我唔洗出碟自high下做beat 都一樣可以lit
做rapper都可能未必但宜家起步仲黎得切
i dun give a sh-t, i do what i love, i dunno what’s i’m gonna f-ck up

係呢個社會生存得好攰但已經冇時間後悔
俾我發一場夢我唔需要紅唔係要做人中之龍
我唔需要人地認同最後結果成功定係成空
即使有一日會窮到燶聽返呢首歌記得我初衷

كلمات أغنية عشوائية

كلمات الأغاني الشهيرة