![kalimah.top](https://kalimah.top/extra/logo.png)
mc amin - la obaly lyrics
[mc amin : المقطع الأول]
لا أبالي بكل اللي بيسألني عن أحوالي
معدش عندي حاجه شاغله بالي
طعم كل حاجه حلوه راح , ملح في الجراح
طعنه من سلاح مسموم بغدر أقرب شخص راح
في اللي مات و بروحه حاضر , في اللي إتغرب في اللي سافر
في اللي كاتب أسم واحد واحد فينا فى العنابر
في اللي حبناه و بنكابر و فضلنا ننازع و نعافر
في الأخر أكبر جايزه من الدنيا الخازوق الفاخر
لا أبالي بسرعة الأيام و الليالي
اللي ماشيه تدوس علينا و أنا عامل مش واخد بالي
فقلت أموت بشرفي أحسن ما أعيش بقرفي
بطلت أجامل أي حد حتى لو من طرفي
تحبس نفسك بنفسك , تقتل ثقتك بنفسك
تبدأ تنافس نفسك على إن اللي حابسك بأسك
و إنت حر أكيد ماحدش ماسكك
بس إنت أصلا فأسك مش لأرضك عيشتك مش بتاعتك
[اللازمة]
إهرب روح بعيد .. إهرب بعيد
ماتخاليش يأسك يزيد
خليك دايما عنيد , ماتخليش يأسك يزيد
لا تبالي
خليك دايما عنيد .. خليك عنيد
حاول تبدأ من جديد
إهرب روح بعيد , حاول تبدأ من جديد
لا تبالي
[gemyhood : المقطع الثاني]
لا ابالي بكلام الناس واللي عداني
كل حوارات قديمة عدت ذكريات لازم تنساني
قالوا اﻷمل جناح كبير بيظلل ع الفقير
يجوع ويحلم بالشبع في سوق للعيش كبير
بقيت زي الصاروخ التاني في صدر أفروديت
لكمة نهاية اﻷمل عشان تكون رديت
بصوت مبحوح تقول تبوح عشمان تكون عديت
جحيم حياتك ينتهي من أول ما ابتديت
لا تبالي ماتخافش حالك هو حالي
حاولت أغير المفروض في مجتمع أناني
بتعوم في بحور الوهم ترجع تشكي انك غريق
تشوف جزيرة جوه حلم فاكره بحق وحقيق
ياما قبلك حاولوا وغنوا والناي مكسور حزين
عازف صادق وحيد في وسط فرقة كدابين
كان حلمك وردي وعريض واكتشفت انك عبيط
مركب شراعه من جليد عايم في بحر من العبيد
[اللازمة]
إهرب روح بعيد .. إهرب بعيد
ماتخاليش يأسك يزيد
خليك دايما عنيد , ماتخليش يأسك يزيد
لا تبالي
خليك دايما عنيد .. خليك عنيد
حاول تبدأ من جديد
إهرب روح بعيد , حاول تبدأ من جديد
لا تبالي
[sphinx : المقطع الثالث]
لا أبالي مش محتاج أكون مثالي
الوضع الحالي الحل فيه لازم تبقى إرتجالي
فا بالتالي عودت نفسي ماتعودش
غلطه تعدي مره , مره تانيه ماتتفوتش
المعامله ليها أصول المشاكل ليها حلول
أي ورطه بالأونطه بتتسجل ضد المجهول
الخبره بتيجي من الشوارع
قانون الغاب سبب أعراض إنسحاب من جنون الإرتياب
لا أبالي بلونك أو دينك يا غالي
فكيت دماغي حررت روحي دي إجابة سؤالي
اللي بتشتريه بالغالي بيبيعك بالرخيص
و اللي بيمشي ورا العيال مابيخلاش
لا أبالي بمبدأ شوق ولا تدوق
أصله للغلابه , للوحوش ماهوش بيحوق
العهر و الوساخه مش بتبقى بس تحت
الفجر في الدماغ بجاحه و لما عرفت إرتحت
كلمات أغنية عشوائية
- geisha cartel - flytja lyrics
- everlasting victory - fading moon lyrics
- raign - calling lyrics
- payne - to the sunset lyrics
- gavoah - love lyrics
- squash - 1 option lyrics
- ivl kappa - if i die tonight lyrics
- erratic kfl - wasted lyrics
- queen of jeans - get lost lyrics
- benjy fk - freestyle chichi #1 lyrics