massar egbari - mosawmat كلمات الأغنية
[الكوبليه الأول]
أول دكتور تطعيم
إداني ميدالية هدية
علشان تشميرة كم
وأنا كنت بأساوم أمي
تديني فلوس من جيبها
لهدية عيد الأم
وساومت سلالم بيتنا
إن أنا مش هاجري عليها
وقصادها ما تتعبنيش
و ساومت كتير دكتوري
علشان يكدب على والدي
و يقوله ابنك هيعيش
وساومت الموت على حاجة
ومفيش داعي إني أذكرها
علشان ما أخلفش الوعد
وساومت الحب الأول
إن أنا مش هاعرف غيرها
علشان نفضل مع بعض
و ساومت الحزن بضحكة
و ساومت الضحكة بوحدة
و ساومت الوحدة بواحدة
و ساومت الواحدة بشك
[اللازمة]
وكبرت شوية، لقيتني
قضيت عمري مساومات
علشان مهتم بحاجة
بتضيع قدامها حاجات
[الكوبليه الثاني]
وساومت فلاش الكاميرا
إن أنا هاضحك ويطلع
الصورة بدون أحزان
ووعدت اللون الأسود
يفضل دايماً أقرب لي
من زغللة الألوان
وساومت الذكرى إياها
أفضل عايش جواها
و تعلمني النسيان
وساومت صحابي عليا
على قد ثقتهم فيا
أفضل نفس الانسان
في مسافة مابيني ومابينك
أنا مش ماشي في شرايينك
كان ممكن أساومك لكن
صورتي هتتهز فى عينيكي
وكبرت شوية ولقيتني
قضيت عمري مساومات
علشان مهتم بحاجة
بتضيع قدامها حاجات
[النهاية]
وكبرت شوية ولقيتني
قضيت عمري مساومات
علشان مهتم بحاجة
بتضيع قدامها حاجات
كلمات أغنية عشوائية
- euphie & jade - sans cœur كلمات الأغنية
- mc kaverinha - diario de um interno 2 كلمات الأغنية
- rob apollo - miss my niggas كلمات الأغنية
- chevalrex - bonjour, c'est moi كلمات الأغنية
- kenny velasque - stressed كلمات الأغنية
- the spins (band) - car crash كلمات الأغنية
- tamangga - sehidup semati كلمات الأغنية
- ilqar muradov - ömrümün sarayı كلمات الأغنية
- aidan salem - garden of eden كلمات الأغنية
- steve sniff - nejdu spát كلمات الأغنية