marwan moussa – 5amsa | خمسة كلمات اغاني
“كلمات مروان موسى “خمسة
[المقطع الأول]
ممدوح فرج دخلت بهوب سلام
چاكي شان ام سيز هم كام
قلنا نام
صلب تام
ديكتاتور! اردوغان
هارص كلام فوق كلام فوق كلام…
حيبقى إيه؟ برج خليفة… او برج الجدي
الكلام دا مابياكلش… فسقيته شربة فتي
مالي لا ماليش
هكسر قزاز النيش
تفكير متوازن للاسف ليكو الحقد مازقنيش
كابتن تنزل لي بيت باتل؟ لا ماجيش
عامل عزومة عزيمة على المجال متبقليش
ايه الزحمة دي؟
تعبانين
تبا لك واللعنة ليك
ولّعنا فيك
فوز تاني ليا، فكانت قاعدة شيك
ما وافقتش على كلامه، بيسأل ليه، وبيحزق
الواد حطني في عينه بس طلعت عينه وحشة
ليه…
لازم دايما تبالغ؟
جايب الكلام الفارغ؟
بتمثل، عامل بارد؟
مش عليّ انا، مش عليّ انا لا
طبعت شكل جسمك على الكنبة
هتلبخ تتحاصر زي الورقة الحمرا في وسط علم كندا
حسستك بالرصاص لما رجّعت لك قلمك
صعب اتعامل مع واحدة مصرية متأمركة
نفسي في بت تبقى آسيوية ومدملكة
تقول لي: مووووهي، بلهجة غرب الصين
ولا اقول لك… عايز واحدة من الارجنتين
[اللازمة]
بانزل الملعب احيي الجمهور على راسي
نمرة عشرة صانع اللعب بوزع واباصي
لو اتصبت هاغير النمرة واقسمها نصين
بارفع لهم الخمسة في السما عشان تخزي العين
[المقطع الثاني]
يوم ١٤ شلت حبيبتي على الباي
قلت لها: بيبي هابي فاكن فالنتاين
شربت قهوة والكراسي واقفة في زوري
مش مهم اشربها المهم تكون على الستوري
باحب فيها العند، مش بتقول: باردون
روحنا نأكل سوشي، طلبت رغيف من الجارسون
مهما سبنا بعض، عمرنا ما انتهينا
هي الوحيدة ليا زي في فيلم عمر وزينة
الاجابة انا لو سؤالك: مين اصلي؟
مارو في محلّه زي حسنة ياسمين صبري
مارو في محله، ما يبيعش بالرخيص
في المواجهة تاخد غُرز فما تصيعش في الطريق
..يوم الخميس خروجة جامدة نزلت المكتب
المدير دخل عليّا، لميته على الرجل الثابتة،
فاكر نفسه مسيطر على المارو بس دا وهم
برضو بيرسم نفسه عليا، بس انا وشم
تنّحت لواحدة حلوة لمدة ثانية
لو شافتني هافضل ثابت، مش هابص الناحية التانية
كل حاجة فيا واطية إلا قيمتي
بتقول لي: مواه، معناها “انا” بالفرنسي
ايام ما قلبي كان ابيض دهنته احمر
ولما الوقت سرقني ، عملت محضر
في العنف كتب فهرس
سوق معايا الهبل تغرز
تلقى ناس فاشلة في السمع، وفي الجدل تِدرس
[اللازمة]
بانزل الملعب احيي الجمهور على راسي
نمرة عشرة صانع اللعب باوزع واباصي
لو اتصبت هاغير النمرة واقسمها نصين
بارفع لهم الخمسة في السما عشان تخزي العين
[المقطع الثالث]
كلمت الشوّالي، قلت له: جاي لك تونس
بانفع في أي اطار زي البقدونس
فابقدم راب وهاعمل انقلاب فني
نَزّلِت الاغنية وحصل انفلات امني
سجلتو رُطب قلتوا انكوا جبتوا جول
رابكو مش ماشي على المترونوم، وريحته ثوم
حاول يكسبني بس الفرصة مش متاحة
جاله عقدة الخواجة، طلب شرطة السياحة
محتاج لي حاجة أبرون فيها ممكن ايه الليلة دي؟
قعدت اشك جامد في الآخر ففسيت دماغي
جات لي فكرة عبقرية لتطوير الانسان
ايه؟ ….عمليات تطويل لسان
بتتأمّر… ارد عليك ولا بلاش؟
مالهوش في الخبز فاكلت عيش على قفاه
الحوار المفروض باللسان، مش بالمينشن
اخبارك بتتنشر على النت، مش هتنشف
الفرق بيني والكسول زي الچيب من اللادا
باموت في الشغل، وباعيش في الاجازة
ربكو راكد… مارو ثلاثي الابعاد
لقيت السين فاضي، قمت حاشي الأمعاء
مومبار عبيته بفنطاز، فتقول لي مومبيه
مافيش سنتي في جسمي قلقان، كلي اوكيه
عارف انك مش هتندم
عادي عقابك ان انت انت
[اللازمة]
بانزل الملعب احيي الجمهور على راسي
نمرة عشرة صانع اللعب بوزع واباصي
لو اتصبت هاغير النمرة واقسمها نصين
نرفع لهم الخمسة في السما عشان نخزي العين
كلمات أغنية عشوائية
- sigma dk › sigma (dk) – flyve væk كلمات اغاني
- jj heller › jj heller – don’t lose heart كلمات اغاني
- funtsi › funtsi – kaikki okei كلمات اغاني
- yung sage › yung sage – outerspacemilkshake كلمات اغاني
- dafrican › d’african – i’m no prince charming كلمات اغاني
- annabelle › annabelle – monster كلمات اغاني
- beno cesar › beno césar – lírio dos vales كلمات اغاني
- nego max › nego max – freestylienígena كلمات اغاني
- the other favorites › the other favorites – flower in the city كلمات اغاني
- critters › critters – amenaza biológica كلمات اغاني