margot - polesine كلمات أغنية

tera e aqua, aqua e tera
da putini che da grandi
«siora tera, ai so comandi
siora aqua, bonasera, bonasera»

tera e aqua! se lavora
soto un sole che cusina…
tera e aqua! a la matina
se scomissia de bonora, de bonora

tera e aqua! tera nuda
gnente piante, gnente ombrìa
sta fadiga mai finìa
la comanda che se suda, che se suda

tera e aqua! e a mezogiorno
quel paneto che se magna
no gh’è aqua che lo bagna
e ghè aqua tuto intorno, tuto intorno

tera e aqua! po a la note
se se buta sora el leto
e se sogna, par dispeto
aqua e tera, piene e rote, piene e rote

sempre aqua e sempre tera
da putini che da grandi
«siora tera, ai so comandi…»
po se crepa e… bonasera, bonasera

كلمات أغنية عشوائية

كلمات الأغنية الشائعة حالياً