a b c d e f g h i j k l m n o p q r s t u v w x y z 0 1 2 3 4 5 6 7 8 9 #

mani matter - hemmige كلمات الأغنية

[strophe 1]
s’git lüt, die würden alletwäge nie
es lied vorsinge, so win ig jitz hie
eis singen um kei prys, nei bhüetis nei
wil si hemmige hei

[strophe 2]
si wäre vilicht gärn im grund gno fräch
und dänke, das syg ires grosse päch
und s’laschtet uf ne win e schwäre stei
d-ss si hemmige hei

[strophe 3]
i weis, das macht eim heiss, verschlat eim d’stimm
doch dünkt eim mängisch o s’syg nüt so schlimm
s’isch glych es glück, o we mirs gar nid wei
das mir hemmige hei

[strophe 4]
was unterscheidet d’mönsche vom schimpans
s’isch nid die glatti hut, dr fählend schwanz
nid d-ss mir schlächter d’böim ufchöme, nei
d-ss mir hemmige hei

[strophe 5]
me stell sech d’manne vor, wenns anders wär
und s’chäm es hübsches meiteli derhär
jitz luege mir doch höchstens chly uf d’bei
wil mir hemmige hei

[strophe 6]
und we me gseht, was hütt dr mönschheit droht
so gseht me würklech schwarz, nid nume rot
und was me no cha hoffen isch alei
d-ss si hemmige hei

- mani matter

كلمات أغنية عشوائية

كلمات الأغاني الشهيرة