![kalimah.top](https://kalimah.top/extra/logo.png)
mani matter - dr ferdinand isch gstorbe lyrics
[strophe 1]
dr ferdinand isch gstorbe
ojeh, ojeh, ojeh
dr ferdinand isch gstorbe
es tuet mer hüt no weh
är wo so vil het gworbe
um liebi im quartier
dr ferdinand isch gstorbe
das arme tier
[strophe 2]
win i doch gem mys goudi
am ferdinand ha gha
eson e stolze moudi
wird nie meh öpper ha
geng d’liebi het ne triebe
nie ds müüs- und vögelfah
är isch mys vorbild blibe
dä chatzema
[strophe 2]
wen är sys unbeschwärte
ganze läbe lang
het gsunge i de gärte
und nüt als minnegsang
de isch ihm albe glunge
ds härz z’rüere vo sym schatz
är het für d’chatze gsunge
doch nit für d’chatz
[strophe 3]
so het är ou am gröschte
nachwuchs ds läbe gschänkt
das tuet eim albe tröschte
wo a sys stärbe dänkt
e huufe ferdinändli
spatziere no dür d’stedt
sit das ne der herr brändli
erschlage het
[strophe 4]
teil lüt me sött se strafe
vrschliesse ds härz dr kunscht
si wei geng nume schlafe
und hei ke sinn für d’brunscht
so het ou dr herr brändli
mit eme topf für d’nacht
däm arme ferdinändli
es ändi gmacht
[strophe 1]
dr ferdinand isch gstorbe
ojeh, ojeh, ojeh
dr ferdinand isch gstorbe
es tuet mer hüt no weh
är wo so vil het gworbe
um liebi im quartier
dr ferdinand isch gstorbe
das arme tier
كلمات أغنية عشوائية
- connee boswell - in the middle of a kiss lyrics
- flamebaby - pozhar lyrics
- irmãos selvate - doce doce amor lyrics
- 137 records - neguinho do sul lyrics
- riffobia - remnants of faith lyrics
- cupcakkeina - esmackuee lyrics
- who see - mediteran (84bit remix) lyrics
- biel - mozão lyrics
- boyfriend (rap-cabaret) - fun shit lyrics
- sonora guaguancó - ese hombre lyrics