m&a | zeusaeed - richet ghourab | ريشة غُراب كلمات الأغنية
خطوات عم امشيها إصعد درج المعارف
معاني عم ابنيها تخلق نتيجة مخاوف
إمحي كل شك براسي بإيدي الفن بيقلب نار
حتَّى فنِّي يقلب جمر و مِنُّه يتطاير شرار
إختلافي واضح صاعد قدِّم فوق غيومك عرض
فرِّق بين الفنّ الهابط و الفنّ الهابط ع الأرض
عيد و مثِّل هالجريمة؛ مثِّل حالي كنت عم موت
و عيدوا التِّمثيلية عليِّي و ابكوا فوقي عالتَّابوت!
فارد ريشة طير محرَّر جايي ناوي ع الخراب
شوفني عم اخلق من قبري هيدا واقع مش سراب!
عايش أحلامي لكن عمرها ما بتكمل الغفوة
فاجأني ماضي كياني بطعنة يوعيني عغفلة
كنت ماشي عيوني مسكر، افتحتن كاشف الضباب
شايف عتمة قلبي أسود منه اخلقت هالغراب
كاسر جارح متمرد اذوني و راح رد الضُّرّ
بالفنّ التَّعبيري جرِّد بكرة أشعار و عم كرّ
.
إخلق من خوفي اليقين و رسِّخ معارف بحرفي
إخلق من ضعفي سفينة قوّة تبعدني عن شطِّي
إخلق من رشدي الجنون؛ إخلق من صوتي السَّكينة
إخلق من روحي سجون و احبس أنفاسي الحزينة!
فرجي قوّة إمحي آهي غيِّر تعريف الإيمان
مِش لتتجنِّب النار لازم اتعيشها كإنسان
لازم يوجد إنصهار يوحد ذاتك مع الكون
حتّى يتواجد النهار اللَّيل بيبقى بلا لون
ريشة غراب بحبرها بتتبيَّض هالصَّفحة
و بحبرها بكتب جواب كل حرف بقيمة صفعة
كفّ الحياة علَّم ع خدِّي و اتندَّم
لما اتحدِّتني الحياة بكَّيتها كل دمعة مقدَّم
و اسردت قصص، تجارب، حياتي أسرارها سودا
ياما بعتم اللّيالي راكع بس ربِّي إترجَّا
يمحي كل دمعة آه ببسمة ع خدِّي تتبدَّل
لما شياطينك بتراهن ضدَّك صدِّق ما انَّك قدّها
ما استسلمت لمّا فشلت لمّا الأمل عنِّي بعد
و اخلقت من بردي الدَّفى و سلاحي ع كتفي شلت
وهالسلاح الرادع هوّ ذاته يللي عم يحكيك
تعصف ريح الثَّأر تهيِّج موج البحر الكامن فيك
حوت و قلبي يونس عتمة عم تخلق من جوف الذِّل
موتي تحضُّر يوسف عرشي راح يركعله الكل
صفحاتي مراية حقيقة و ذاتي صورة بسبع الوان
و صوتي واصل مهما الصورة بتتفسر ع كل لسان
إخلق من خوفي اليقين و رسِّخ معارف بحرفي
إخلق من ضعفي سفينة قوّة تبعدني عن شطِّي
إخلق من رشدي الجنون؛ إخلق من صوتي السَّكينة
إخلق من روحي سجون و احبس أنفاسي الحزينة!
فرجي قوّة إمحي آهي غيِّر تعريف الإيمان
مِش لتتجنِّب النار لازم اتعيشها كإنسان
لازم يوجد إنصهار يوحد ذاتك مع الكون
حتّى يتواجد النهار اللَّيل بيبقى بلا لون
كلمات أغنية عشوائية
- ballinciaga (nor) - gokart كلمات الأغنية
- dech and musi - key to the streets كلمات الأغنية
- 28av - good where i’m at كلمات الأغنية
- josh setterfield - life ain't so bad كلمات الأغنية
- megga - try? p.t. 2 كلمات الأغنية
- bitter end - into the unknown كلمات الأغنية
- danse society - continent كلمات الأغنية
- the grimm - a mist is risin' كلمات الأغنية
- la f (fra) - non coupable 6 كلمات الأغنية
- pistenkov - больше не звони мне (don't call me again) كلمات الأغنية