![kalimah.top](https://kalimah.top/extra/logo.png)
lotfi double kanon - mazelna / ما زلنا lyrics
[اللازمة]
مازلنا نحاربوا في الشر لي داير بِينا
مازلنا بنفس القوة ملي نهار لي بْدِينا
مازلنا حابين نغيروا المنكر بْيَدِّينا
و نبقاو هكا ديما حتى الموت تَدِّينا
[المقطع الأول]
مازلنا ما تخافش جامي تبدلنا
صح كبرنا بصح الزمان آو زاد علمنا
واش عملنا عملناه بنفس المبادئ
قاعدين كيما البركان خطرة هايج خطرة هادئ
و هادي باه تفهم بلي هنا في حياتنا
ساعات لازمها قوة ، ساعات لازمها حكمة
ساعات لازمها تغضب تتضارب تتعارك
و ساعات المشاكل يتحلوا كي تعود كالم
ساعات لازم ديجا دير العقاب
و ساعات كاينين دي كا تركح و تعقال
يعني لازم إتقان عندو الحق هذاك لي قال
أم يختلفوا الأوقات ، كل مقام عندو مقال
و لكاني قادر نمد يدي و نصافح
و حتى يظلموني ماعليش راني نسامح
نحبّ نصالح بصح لكان الحرب تدور
السّيف راني نمضيه فوق الرقابي تاع العدو
لي يتعدى الحدود نديه للمقبرة
بصح قبل الوقت هذا العفو عند المقدرة
و لي يرفض الاقتراح و اسمي حاب يوسخو
أقسم بالله غير بالموس رايح نسلخو
[اللازمة]
[المقطع الثاني]
كي ندير “راب واعي” يقولولي ماشو راب
خطاك كاينين أفراد يحبوا الراب فيه استعراض
يقطع في أعراض الناس بكلام تالف
كي نحكي عالخير يقولولي راك وليت خايف
وشبيك تخرّف ، صار أنا ما خفتش بكري
وقت مام رئيس كيما بوضياف مات بكري
وقت العملاء السريين و الفنان ماساكري
الستوديو كانوا مسكرين و بزاف ناس ساكتين
وقت لي الشعب شبع رصاص و طلقات
وقت الإضراب العام تاع جبهة الإنقاذ
la guerre وقت لي خرجوا فيه لي شار و النار شعلت
وقت لي هزوا فيها الشبيبة للمعتقل تاع رقان
وقت لي كانوا لي ديجا و المظاهرات كبار
وقت أول اهجوم فالكازرنة تاع قمار
la gare وقت لي بومب تاع المطار تاع السبيطار ولا
وقت الفتوة تاع بلحاج كي كان يكفر النظام
من الوقت هذاك و حنا نحكيو عالناس المشومرة
نوصيو ما يتبعوش تعليمات مجلس الشورى
جبناها رجولة ضد الكلاب لي جوعونا
لي يمدوا أوامر باعتقال أشخاص مجهولة
علاديك الجنونة حبوا درك يفجرونا
و كون لقاو منشار و الله قطعوا منشورنا
زادوا هجرونا ، واشبيهم الكلاب وقحين
نساو بلي دوبل كانون حكايتو قديمة
[اللازمة]
[المقطع الثالث]
مازلنا و الكومبا مازال قائم
مازال قاتل و مازال عقلي هو القائد
راني قادم و القوة تاعي باقية و تقوى
مشها بالحقد مي بالعقيدة و التقوى
في أي وقت شفنا الظلم رانا هدرنا
جامي كان هربنا و جامي دورنا ظهرنا
صح اتقهرنا ، صح ضربنا و اتضربنا
و جامي رَبْنَا خطاك الله هو رَبّْنَا
في بلادنا قالولي الناس يعزوك
بصح آم كاينين خبثاء لي يسبوك
قلهم قال الرسول مول النعمة او محسود
من وقت ابن مسعود و حمزة صائد الأسود
هذه ه هي الأصول لي يغيروا ديما يكذبوا
شوف الرّسل بزاف فيهم لي مات مقتول
يخي مكتوب الفتن راهي تحلت
ما يمنعوا منها غير أتباع محمّد
عديك نحمد ربي ما عطانيش ياقوت
و عطانا عقول نحركوا بيها القلوب
نكسّروا القيود إن شاء الله عمل مقبول
و نتوب قبل ما نكون من أصحاب القبور
[اللازمة]
كلمات أغنية عشوائية
- hoke & louis amoeba - adelanto bbo 1* lyrics
- churaq clique - rape revoluce lyrics
- angela brown - this love's forever lyrics
- taisha - stay bold lyrics
- matt paris - viernes lyrics
- blooddrop - paranoia ft. 人斬りキョンシィ lyrics
- meish moe - if people who couldn't sing made music lyrics
- evanly - hurt me lyrics
- 8beezly - hit lyrics
- hh wrighht - pieces lyrics