a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lotfi double kanon - matji ghir fik / ما تجي غير فيك كلمات الأغنية

[المقطع الأول]
أنا يوجعني قلبي كي نشوف واحد البرّة
قاعد في بلاصة يقلّب في قرعة بيرة
حياتو راهي تقطعت موحال كان يخيطها
يخي الطريق هذي هو وحدو لي راه خيٍّرها
يخزر مع الباسي تاعو واش عمل
كيفاه وصل هنا كيفاه حتى هو فشل
دورو لا في الجيب ـ حيط يدّي و حيط يجيب
يمد في يدّيه باش مسكين يقدر يجيب
حق الليلة ، دوخة ، شيخة بتمرميدة
في بلاصة خالية و خامجة ، عقليتو ولاّت مريضة
يروح مع صحابو ـ هاه واش من صحبة
يسكرو مع بعضاهم و مبعد الدم يسيل للركبة
تجيه ضربة بالموس ديريكت طول في وجهو
يستاعل الخلطة هذي هو وحدو راحلها برجلو
و لا حاب تولّي هك ربي يسهّل عليك
… la fin ta3 l’histoire راك مبالك في

[اللازمة] (x4)
ما تجي غير فيك…مــــا تجي غير فيك

[المقطع الثاني]
المعيشة اليوم غلات و هو باقي يولّي ضعيف
لافونير ما يهمّوش يهمو غير القارو كيف
باش يتكيّف و يتعوّر ، راسو يولّي معمّر
بعمرو قاعد يقمّر ، يبقى حياتو كاملة مدمّر
تشوفو يقتل في روحو وحدة وحدة
قرعة وراها قرعة يقولك خلّي ننسى المحنة
على قاروا يكاسي دارو ، على قارو يكشف عراو
و كاين لي على قارو مسكين سمعت دارو
راحو مدّو صحيح باش يشريو الريح
كيفو كيف صحابو كي تضوفو تقول قبيح
مليح ، مالقري يتعارك عندو قداه من لقطة
لقاوه مطيّش مقعور بالموس في الرقبة
واحد ما دار بيه في السبيطار عيا يتقلّب
كي مات والو ما كان تقول مات كلب
و لا حاب تولّي هك ربي يسهّل عليك
… la fin ta3 l’histoire راك مبالك في

[اللازمة] (x4)

[المقطع الثالث]
العباد تبدلو كاين فريمون لي كره حياتو
كاين مام يدير في بالو يقول تهنّاو الناس لي ماتو
تلقاه يشرب لالكول و زيد لاسيد
ما نجّمش لهاذ الدنيا يخمّم غير في السويسيد
و يجيوه بين عينيه ولادو لي حا يخلّيهم
يقول ما عليش أمهم حية و حا تنجّيهم
ما لا يتخبّى مور القرعو بالعقل يبدا يتغبّر
مخّو يدوموندي أكثر و أكثر باش هو يتخذّر
في يدو الكاشيات يشربهم الكل بالكمية
دمعة تطيح من عينو بالعقل يكيتي الدنيا
و من الرهج هذا يتفلّق ايموراجي
الدم يخرج عـ فمو نوركال كيمك لامور تجي
موت كلبة ، ثقيلة مشها خفيفة
الروح مزالت فيه بصّح يسّوحا في روحو جيفة
الناس يقولو عليه مسكين مات عَـ نجاسة
توفّى سكران ما يصلّيوش عليه حتى الجنازة
يجيبوه مكفّن ، خامج ناتن معفّن
ازرب أحفر أدفن ، بالتراب و السيما أقفل
و لا حاب تولّي هك ربي يسهّل عليك
… la fin ta3 l’histoire راك مبالك في

[اللازمة] (x4)

- lotfi double kanon

كلمات أغنية عشوائية

كلمات الأغاني الشهيرة