lotfi double kanon - lazem tosber / لازم تصبر كلمات الأغنية
[المقطع الاول ]
كاينين بزاف وكان تحسبهم مايتحاسبوش
الناس لي تقاسوا في حياتهم ومايهدروش
شحال ملواحد عمرو مايعديش تناش
ماعندوش كارطابل خطاك فالحق او مايقراش
ينوض على الصبح كل يوم بحدا الديبو
يروح مع صحابوا اكثر منو ولا قدو
يستنا لكاميون يهبط منو ليكارتون
ولا شكايرتاع سميد كهل اكثر مالبلون
يخدم مايحبسش مام لكان تشوفوا جاع
فالليل مايرقدش ظهرو يبات بالوجع
ثمن سوايع سونزاري ترافاي فورسي
على التناش مكاش لغذاء لا فوق طابلة لا فوق كرسي
كسرة وخبز ياكل قاعدد فطروطوار
فالبرد تاع لشتا و لا فالصيف مع لغبار
صغير فصغرو لي كيفوا ام قاعدين يلعبوا
هو يجيب الخبزة للدار بيديه وبعرقوا
يدير هاذ لشيئ خطاك باباه مايخدمش
مام لكان يخدم لاباي ماتكملش
ثلاثين يوم مع تريسيتي والكراء
الغاز الماء الدواء القش اللبسة وزيدالماكلة
الناس هاذومالازم تحمل لازم تسكت
تحكم في ربي اي سورتو لازمها تصبر
[اللازمة]
لازم تصبر وتحمل وبربي ان شاء الله تحكم
حل عينيك عنداك ترقد وتروح تحلم
لازم تصبروتحمل وبربي ان شاء الله تحكم
ادعي وهز يديك سور كلش راح يصلحلك
[المقطع الثاني ]
واش يقول الطفل صغير هذاك لي كون مكفوف
لي عمرو في حياتوا بعينيه ماقدر يشوف
كيفاه راح يقرا كيفاه راح يلعب مع لولاد
كيفاه حا يصور فالكتاب كيفاه حا يلون بالالوان
كاين مام لي خلق من صغرو بالروطار
مريض بعقليتو مسكين اونديكابي مونتال
او كره ملوبيتال والقفلة كل يوم فالدار
كره مالدواءوالضحك تاع الذري الصغار
والبير كي تلقى طفل صغير فالطريق
مايقدرش يمشي خطاك مسكين مريض
يغيض سورتو مع صحابو كيما يشوفهم
يحير وعلاه هو تانا ماشو كيفهم
وكاين لي تلقاه ولد بصحتو لاباس بيه
المشكل سي كي كبر مالقاش بحداه والديه
كي خلق داوه في بلاصة بعيد خلاوه
حطوه فسبيطار وفلاداس تم نساوه
علاديك كل يوم او يسقسي يقول علاماه
وعلاه ماعندو لا امو لا باباه
الناس اذوا لازم تحمل لازم تسكت
تحكم في ربي اي سورتو لازمها تصبر
[اللازمة]
[المقطع الثالث ]
كي نحكي على الناس اذوما المورال تاعي يريب
تالمون تغيض العين بالدمعة تفيض
امبعد نفيق ويفهمني الضمير بلي
لعباد اذوما مخيرين وماشي مضلومين
لي خلق الناس اذوما يعرف بيان واش يمد
واحد مازايد عند ربي حنايا الكل قد قد
كاين لي مدلو بزاف كاين لي مدلو بالكمية
كاين لي مدلو فالآخرة كاين لي مدلو فالدنيا
كاين لي عطاه لعقل بصح معطاهش المال
كاين مام لي عطاه المال بصح معطاحش راحة البال
كاين لي دارلو امتحان سماه ابتلاء
باه يبان شكون ليي صبر وشكون يقولو لا
كاين لي غرق كاين لي كولا لي كره كاين لي كالا
لي يعبد بالكلمة و لي يدعي ربي بالوكالة
ملا افرح مالا لكان قاسك البلاء
خطاك قبل ميقيسك انت قاس الرسل والانبياء
روح شوف الرسول شحال اتضرب قبل الهجرة
الصحابة مالجوع كانوا يربطوا في كرشهم حجرة
اتفكر بن مهيدي واش عقب فالعذاب
حرقوه وهو حي نحاولوا لحمو بالكلاب
روح سقسي على المرض لي حكم سيدنا ايوب
كان حي فالفراش ولحموا ياكل فيه الدود
مالا لكان غاضوك الناس لي عليهم اني نغني
ماتخافش عند ربي ام خير منك وخير مني
[اللازمة]
كلمات أغنية عشوائية
- kidd exi - chrome hearts كلمات الأغنية
- porretas - un velero llamado libertad كلمات الأغنية
- alcalá norte - westminster كلمات الأغنية
- tender misfit - unforgiven كلمات الأغنية
- taby pilgrim - sexualisiert mich كلمات الأغنية
- thus defiled - the angelblood chronicles كلمات الأغنية
- şiirbaz - hesap günü كلمات الأغنية
- monaleo كلمات الأغنية
- slatt savage - поэма (poem) كلمات الأغنية
- unlike pluto - lost inside كلمات الأغنية