![kalimah.top](https://kalimah.top/extra/logo.png)
lotfi double kanon - dez m3ahom | دز معاهم lyrics
[المقطع الأول]
دوبل كانون جاكْ ، كلامو ديما أونتي-شوك
حاب تُقتلني جيب الرصاص مش تصويرة بفوتوشوب
راك تشوف واش قاعد نشوف اليوم لي والا مني داهش
تقول عليا هاز الشفرة ولا السيف تاع الداعش
ما نهابش ما نخافش ، راني عبد كيفك عايش
وشي أنا نولّي هايج كي نشوف لي حاكمينا هوايش
دارو حوايج دارو طوايش ، لبلاد آم ما رحموهاش
“آو قالها حمارة بن يونس “نعل بُو لي ما حلبهاش
نعل بُو لي ما حقرهاش ، نعل بُو لي ما حمكهاش
رام راكبين كل فوق بعضاهم تقول كباش فوق لكباش
الحكومة ما يحبهاش لا فقير ولا مسكين
يحبها غير الشاب خالد خطاك راي جابتلو الويسكي
مالا أسقي أسقي ، راكو وخذتو هاذ الجيل
واحد شبعتوه شراب لاخر شبعتوه كاشير
عجيب عجيب ، كيما تشوف صحاب الشيتة
أعطيهم بركة الشيبة يفوطي مام عـ واحد جيفة
[اللازمة]
ما عجبكش الراب تاعي ؟ واش حا نديرلك دز معاهم
ما عجبكش واش قاعد نقول ؟ واش حا نديرلك دز معاهم
ما عجبكش الكلام تاعي ؟ واش حا نديرلك دز معاهم
لَمْ صحابك و حبابك و جماعتك و روحو دزّوا معاهم
ما عجبكش الغنى تاعي ؟ واش حا نديرلك دز معاهم
ما عجبكش البيبليك تاعي ؟ واش حا نديرلك دز معاهم
ما عجبكش التخمام تاعي ؟ واش حا نديرلك دز معاهم
لَمْ صحابك و حبابك و جماعتك و روحو دزّوا معاهم
[المقطع الثاني]
ولاد الحومة قالولي غير أخطيك من الحكومة
مسكينة راي في الكوما حياتها بالسيروم محكومة
حقرونا ، خويا حقرونا صحاب الموني موني
حبّوا يرجعوه فرعون لقاوه يابس كيف لا مومي مومي
يا مي يا مي ، البلاد في حالة راي متوجعة
هوما قالك سينورمال ياك المسؤول راو متزوجها
مسكينة راو عوجها : مرة ، زوج ، ثلاثة ، ربعة
أسمحلي هذا مشو زواج هذا يسمّوه نكاح المتعة
مالا بدعة بدعة ، ياك حنايا أهل السنة
وزير الشباب آو شايب في فمو ما بقاتلو سنة
واش تسّنى من حكومة تتبّع كيما النعاج
و اجتماع الوزراء يديروه في غرفة الإنعاش
يا منعاش يا منعاش ، يا الوزير رّبي يهديك
لكان عـ الشاوية الشاوية الكل رجال عليك
النصيحة تاعي ليك غير اتخبّى في المينيستير
يحكموك في الكاروبار يهبطولك السروال
[اللازمة]
كلمات أغنية عشوائية
- wifigawd - intro (hot as hell 2) lyrics
- special explosion - star analogies lyrics
- until rain - because something might happen lyrics
- raymond revel - nowhere close to famous lyrics
- 方皓玟 (charmaine fong) - i wanna be strong lyrics
- brayan medina - our song lyrics
- bachman & turner - prairie town (extended version) lyrics
- wee2hard - patience lyrics
- lorenzo the gawd - coke dreams lyrics
- erys - scarlet soul lyrics