![kalimah.top](https://kalimah.top/extra/logo.png)
lotfi double kanon - bladi hania / لطفي - بلادي هانية lyrics
تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا
[اللازمة]
نحلم ببلادي هانية
في قلبي قيمتها غالية
[المقطع الأول]
نحلم كيما دار عيسات إيدير
و كيما كان يدير عبد القادر بن محي الدين
اليدين فاليدين تتبنى البلاد هاذي
بمبادئ كبيرة و نبيلة آو قالها مالك بن نبي
أنعم ، البلاد هاذي نفخر بيها و نزيد نعتز
التاريخ تاحها كون يتحط فوق لرض راي تتهز
ليستوار تتدرس، روح اقرا على عظماءها
أقرا على علماءها ، فقهاءها على عقلاءها
قيسها في أعماقها غير المقاومات
من قيم المقراني لعبان رمضان و المقالات
حتى النسا كانوا قويات روح سقسي الاستعمار
على جميلة بوحيرد ولا فاطيمة بن عصمان
…بزاف صراو ، عباد بزاف ضحاو
طاحوا مدوا أرواحهم باه حنايا نحياو أحرار
افهم الحوار ، الحكاية أكثر من هايلة
عباد كانوا يحلموا باه لبلاد تولي هانية
[اللازمة]
نحلم ببلادي هانية
في قلبي قيمتها غالية
[المقطع الثاني]
نحلم و هاذي مش تخيلات
توله ربي سبحانو واش عطانا من خيرات
خطاك خطرات كي تخمم فهاذ النعم
لي يتأمل ما يصيبهاش عند العديد من الأمم
غابات ، جبال ، سهول ، تلال
بحار ، صحاري , وديان و رمال
واحات ، ساحات ، سواحل بكل الصفات
مناجم تاع بترول ، غاز ، فير و فوسفات
أسافوار كان الثروات هاذي راهي فاضة
المزية عندنا حاجة هنا أغلى من الذهب و الفضة
اسمعها و احفظها الجزائر باه غنية
راي عندها خزينة أكبر طاقة بشرية
دي جون دي جون بالآلاف و المئات
شباب و شابات بطموح و أمنيات
بالدراري بالبنات ، بارتو فالولايات
و الله بالنسبة ليا آم أعظم قوة فهاذ لبلاد
[اللازمة]
نحلم ببلادي هانية
في قلبي قيمتها غالية
[المقطع الثالث]
حكينا عالتاريخ ، داكور متفقين
و حكينا عالطاقات و قلنا رانا موافقين
السؤال لي نلقيه ما دام الخير مشو قليل
و علاه قداه نسنة و حنا في أزمة مخنوقين ؟
خطاك رانا مفرقين و مقسمين من الفوق للتحت
في الحق لازم نتوحدو و نتحدو على حل موحد
لبلاد ما تطلعش هنا بأموالنا و فلوسنا
“البلاد تطلع حتى “نغيروا ما بنفوسنا
لازمنا مجتمع تاع حريات و العدالة
مشو مبني على سياسة المعرفة تجيب الدالة
مسؤولين تاع أمانة مش تع ظلم ولا تع ذل
مسؤولين لي يحترموا صح حقوق الناس الكل
لي يحترموا المتعلم ، المثقف و الديبلومي
و العبد لي عندو صنعة ما يبقاش هكاك يشومي
يحترموا الفقراء باه يوفرولهم صح الديار
ما يهمشوش ناس الجنوب ، ناس الأرياف ، ناس الدوار
ماعليش نورمال تكون بيناتنا اختلافات
المهم ننساو لي فات و الفتن تع الخلافات
نحترمو كل الفئات ، مالكي و الإباضية
نحترمو ثقافة الحضارة الأمازيغية
[اللازمة]
نحلم ببلادي هانية
في قلبي قيمتها غالية
كلمات أغنية عشوائية
- lana del rey - ultraviolence lyrics
- lil b - i choose her lyrics
- miss fortune - we're not in kansas anymore lyrics
- lil b - pass the roc lyrics
- chatham county line - sixteen years lyrics
- kasabian - s.p.s. lyrics
- chatham county line - tightrope of love lyrics
- autoheart - gold lyrics
- kirko bangz - i ain't gotta lie lyrics
- chatham county line - the traveler lyrics