a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lege-cy - ليجي-سي - 3al khat - ع الخط كلمات الأغنية

[المقدمة]
لو الواحد على طول مبسوط هيعمل حاجة ليه تخليه يطلع قدام؟
‫وآه بقى confirming الحوار ده، آه خلاص أدام إنتَ عملت إللي عليك والموضوع ما نفعشي فـ خلاص يعني إللي عايز يعمل حاجة يعملها وكل واحد بقى إيه يشوف طريقه، فاهم؟

[المقطع]
آه، عد كام مرة لبست في حيطة وقُلت رضا
بُست إيدك وش وضهر وبتحمد ربنا
لبست في كام واحد بس ما طلعوش قد الثقة
حسن حظهم ما جاش غير من سوء حظنا
وبنسأل نفسنا “ليه بس؟” إيه ده؟
بتخاف على نفسك من المغامرة، يا أسطى جتك خيبة
زحمة جوة خيمة ولا رجعة بعد غيبة؟
‫زي دلوقتي كنا نـ spot بس دلوقتي بيتك بيتك
هتصدق مين وتكدب مين؟
أنا حاسس إني نزلت الفجر لقيت كل الإكشاك قافلين
المطعم إللي بحبه قافل، فيش داعي نتغر
ما فيش غير البنزينة فاتحة، هنطلب وجبة المُضطر
‫آه، دوس start
بحمد ربنا، فايق ما بضربش
مش مضطر إني أكدب ومش مضطر ما أهزَّرش

[الخاتمة]
وأنا معاك على الخط طول الوقت، ما تقلقش وجنبك وزي ما إنتَ عارف إنتَ لو محتاج أي حاجة في أي وقت أنا هنا وموجود ‫وdon’t hesitate إن إنتَ ترفع عليا سماعة التليفون تقولي إن إنتَ في حوار، ها؟ حبيبي، يا رب أشوفك على خير إن شاء الله

- lege cy ليجي سي

كلمات أغنية عشوائية

كلمات الأغاني الشهيرة