![kalimah.top](https://kalimah.top/extra/logo.png)
labregos do tempo dos sputniks - deitado frente ao mar lyrics
lingoa proletaria do meu pobo,
eu fáloa porque sí, porque me gosta,
porque me peta e quero e dame a gaña;
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sin raíces
que ao pór a garabata xa nan saben
afirm-rs- no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos do lingoaxe,
remo i arado, proa e rella sempre.
eu fáloa porque sí, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingoa.
non falo pra os soberbios,
non falo pra os ruis e poderosos,
non falo pra os finchados,
non falo pra os valeiros,
non falo pra os estúpidos,
que falo pra os que agoantan rexamente
mentiras e inxusticias de cotío;
pra os que súan e choran
un pranto cotidián de volvoretas,
de lume e vento sobre os ollos núos.
eu non podo arredar as miñas verbas
de tódolos que sofren neste mundo.
e ti vives no mundo, terra miña,
berce da miña estirpe,
galicia, dóce mágoa das españas,
deitada rente ao mar, ise camiño…
كلمات أغنية عشوائية
- the enemy (uk) - saturday lyrics
- rebecca suter - young forever lyrics
- emily wells - mama's gonna give you love lyrics
- devon - plastic statues lyrics
- kerser - high thrill lyrics
- białas & lanek - polack lyrics
- llogansux - still lyrics
- exxtinate - подстроиться lyrics
- vista - dominance 2.0 lyrics
- kina (russia) - price tag lyrics