![kalimah.top](https://kalimah.top/extra/logo.png)
kieron (pl) - je żech stond lyrics
[zwrotka 1: kieron]
wiysz wto jo jes, te, jo jes karlus stond
fojkisa, orzegów _ mój rodzinny dom
zakazany region _ południowo polska
moja enklawa, moja ruda śląska
mój chorzów, lipiny, bytom i świony
te miasta, jo z nimi na zawsze złonczony
zabrze i rybnik, katosy, gliwice
cołki mój ślonsk, ślonskie ulice
zmaraszone bloki, hołdy, familoki
moje kamraty, moje ślonzoki
moje nojsłodsze frelki i dziołchy
moje marzynia, co w pierony poszły
moja ojczyzna, magiczny hajmat
furgajonco sadza i staro kopalnia
bołech sam od bajtla, te miejsce mie stworzyło
niy wiym dokond zonda, ale wiym, skond żech prziloz
[refren: angieszka respondek & kieron]
moje miasto, mój dom, moi ludzie, mój ślonsk
moje sny niespełnione
ino tukej chca żyć, ino tukej chca być
kaj skażony tlyn, kaj krynci się szyb
bo jo
łod zawsze je żech stond
[zwrotka 2: kieron]
pacza do łokoła, widza srogo biyda
widza jak mój ślonsk klupie do bram nieba
widza ludzki dramat, ciynżko patologia
łzy samotnych matek, prostych ludzi trwoga
monopol i lombard na kożdym krajcoku
elwry idom z ajzom abo sznupiom po hasioku
niy kerzy w einfarcie cołkie życie stojom
zapijajom ból biyrym i gorzołom
mrygajom neony, rajn maszyna wzywo
swój łostatni geld niy jedyn przegrywo
radiowozy kronżom nynkajonc cywili
jeżdżom na łokrongło, chyba tukej zabłondzili
jakiś bajtel targo wonglo dupno epa
łobiebali cug, bydzie koncek chleba
kożdy kombinuje żeby przeżyć tu
w krainie rozpaczy i złomanych snów
[refren: angieszka respondek & kieron]
moje miasto, mój dom, moi ludzie, mój ślonsk
moje sny niespełnione
ino tukej chca żyć, ino tukej chca być
kaj skażony tlyn, kaj krynci się szyb
bo jo
łod zawsze je żech stond
[zwrotka 3: kieron]
niy żyje sie lekko w moim mieście chopie
richtich to jes gorzij z kożdym nowym rokiym
niyustanno walka na tym łez padole
żywcym nos pogrzebać chcieliby gorole
niy ma sam jedności, jes sm_tek i żal
na ulicach haja ło klubowy szal
zanikajom tradycje, kultura i godka
cisnom ludziom kity o niymieckich opcjach
zmiyniajom historia, traktujom jak bydło
żodyn nigdy niy dboł ło to, czy przetrwomy
antyślonsko polityka z kozdyj jednyj strony
mój region zniszczony, bez lata łokradany
nigdy niy spełniyli tego, co nom niy roz obiecali
pod szłapami diamynt, na wiyrchu corne słońce
ludzie tak wspaniali, lecz niy lubiani w polsce
w tych ludziach tkwi ślonskość, siła, odwaga
niy zmiyni tego papiur, propaganda czy ustawa
niy zmiyni żodyn poseł, kaczy uzurpator
tynsknia jak wyjyżdżom, raduja jak wracom
ino tukej chca żyć, choć niy obco emigracjo
ino tukej chca żyć, witać nowy dziyń
tukej jes mój dom, familio i syn
[refren: angieszka respondek & kieron]
moje miasto, mój dom, moi ludzie, mój ślonsk
moje sny niespełnione
ino tukej chca żyć, ino tukej chca być
kaj skażony tlyn, kaj krynci się szyb
bo jo
łod zawsze je żech stond
كلمات أغنية عشوائية
- castigator - storm of steel lyrics
- dos3rap - o poder lyrics
- vajgat orkesteri - qullissanut nersorinnissut lyrics
- saint ember - hands tied lyrics
- ricewine - allure lyrics
- rachel mutiara - aku berjalan lyrics
- charles nkanga - last chance / tokyo nights lyrics
- sa.blya - она не нужна тебе (you don't need her) lyrics
- aleah - open sky lyrics
- bts - black swan - japanese ver. lyrics